1
. سامریہ دے پہاڑ اُتے رہین آلی بسن دی گایاں اے عورتوں تُسیں جہڑیاں غربیاں کوہستانی اوتے ضرورت آلے لوکاں نوں کچلدیاں او تے آودے شوہراں نوں آکھدیاں اوکہ ساڈے پین لئی کُجھ لیاؤتُسیں ایہہ کلام سُنو
2
. خداوند خدا نے آودے پاک ہون دی قسم کھادی اے کہ کہ او ویلا ضرور آوے گا جدوں تہانوں کنڈیاں وچ پھسا کے کھچیا جاوے گا تہاڈی آخری عورت وی مچھی پھڑن آلے کنڈے نال پھڑی جاوے گی
3
. تہاڈے وِچوں ہر اِک کند دے موریاں وِچوں جہڑے ایدے سامنے ہون گے باہر نسے گی تے حرمون وِل سُٹ دِتی جاوے گی خداوند خدا فرماندا اے
4
. بیت ایل وِچ جاؤتے گناہ کرو جلجال وِچ جا کے ہور بُہتا گناہ کرو ہر سویر نوں آودیاں قربانیاں لیاوو تے ہر تیجے دِن آودی دہ یکی لیاؤ
5
. خمیری روٹی دی شکر گزارای دا ہدیہ اِگ اُتے چڑھاؤ تے خدا لئی قربانی دا علان کرو تے اے بنی اِسرائیل اِناں اُتے فخر کرو کیوں جے تہانوں ایویں کرنا پسند اے خداوند خدا فرماندا اے
6
. میں تہانوں ہر شہر وِچ بُھکا رکھیا تے روٹی کٹ دِتی فیر وی تُسیں میرے وِل نہ مڑے خداوند خدا فرماندا اے
7
. بے شک میں بارش نوں ایس ویلے تیک روک دِتا جدوں فصل پکن وِچ تِن مہینے باقی سن میں اِک شہر اُتے منیہ وسا یا تے دُوجے توں روکے رکھیا اِک کھیت اُتے پانی وسایا تے دُجا بارش نہ ہون دے سببوں سُکھ گیا
8
. لوک پانی لئی اِک وستی توں دُجی و ستی تیک مارے مارے پھیرے پر پین نوں پانی نہیں ملیا فیر وی تُسیں میرے وِل نہ مُڑے خداوند خدا فرماندا اے
9
. کئی وری میں تہاڈے باغاں تے کھیتاں نوں موسمی ہواواں تے گڑے نال ماریا ٹڈیاں نے تہاڈے انجیرتے زیتون دے رُخاں نوں کھا گییاں تے فیر وی تُسیں میرے وِل نہ مڑے خداوند فرماند اے
10
. میں تہاڈے اُتے مصیبت گھلی جیویں کہ مصر اُتے گھلی سی میں تہاڈے جواناں نوں پھڑے ہوئےگھوڑیاں دے نال تلوار نال قتل کیتا میں تہاڈے نک نوں فوجاں دی تھاں دی بو نال بھر دِتا تے فیر وتسیں میرے وِل نہ مڑے خداوند فرماندا اے
11
. میں تہاڈے وِچوں بعض نوں سدوم تے عمورہ وانگوں اُلٹ دِتا تُسیں ایس بلدی ہوئی لکڑی وانگوں ریےجہڑی اِگ وِچوں کڈی جاوے تے فیر وی تُسیں میرے وِل نہ مُڑےخداوند فرماندا اے
12
. ایس لئی ایہہ اِسرائیل میں تیرے نال ایہہ کراں گا تے چونکہ میں تیرے نال ایہہ کراں گا ایس لئی ایہہ اِسرا ئیل آودے خدانال ملن دی تیاری کر
13
. اوہی اے جہڑا پہاڑاں نوں بناندا اےہوا نوں پیدا کردا اےتے انسان اُتے اوھدے خیالات نوں ظاہر کر دا اےاو سویر نوں ھنیرے وِچ بدلدا اےتے زمین دے اچے مقاماں اُتے ٹُردا اے اوھدا ناں خداوند قادر مطلق خدااے