¹ . اے بنی اِسرائیل تے اوھدے سارے گھر آلیوجہناں نوں میں مصر وِچوں کڈ کے لیایاخدا دا ایہہ کلام سُنوجہڑا اونے تہاڈے خلاف فرمایا اے ² . زمین دے سارے گھرانیاں وِچوںمیں صرف تہانوں چُنیا ایس لئی میں تہانوں تہاڈے سارے گناواں دی سزا دیواں گا ³ . کی او بندہ جد تیک کہ او آپس وِچ رضا مند نہ ہووے کٹھے ٹُر سکدے نے ؟ ⁴ . کی کوئی شیرجد تیک کہ اوھدے کول شکار نہ ہووے آودی ماند وِچ گجدا اے؟ جے شیر نے کُجھ شکار نہ کیتاہووے تے کی او آودی ماند وِچ غرا سکدا اے؟ ⁵ . جے جال نہ لایا گیا ہووے تے کی چڑیا اوھدے وِچ پھنس سکدی اے؟ کی پھندا جد تیک کہ اوھدے وِچ کُجھ پھسیا نہ ہووے زمین اُتوں ٹپ سکدا اے؟ ⁶ . جد شہر وِچ نرسنگے دی آواز اُچی ہوندی اے تے کی لوگ کمب نہیں جاندے جدوں شہر اُتے مصیبت آندی اے تے خدا ای اونوں نہیں بچاندا؟ ⁷ . یقین کروخداوند خدا اوس ویلے تیک کُجھ نہیں کر دا جد تیک او آوداہ ارداہ آودی سیوا کرن آلے نبیاں اُتے ظاہر نہ کر دیوے ⁸ . شیر گجیا اے کون نہیں ڈرے گا خداوند خدا نے کلام کیتا اے کوئی نبوت نہیں کرے گا؟ ⁹ . اشدود دے قعلیاں وِچ تے مصر دے قعلیاں وِچ منادی کرو کہ سارے سامریہ دے کوہستان اُتے کٹھا ہو جاوو ویکھو سانوں کیویں دی بے چینی اے لوکاں وِچ کیویں دا ظلم اے ¹⁰ . خداوند فرماندااےکہ او لوک جہڑے آودے قعلیاں وِچ لُٹ دے نے تے لُٹ کے مال کٹھا کر دے نے نیکی کرنا نہیں جاندے ¹¹ . ایس لئی خداوند خدا ایویں فرماندا اےکہ اِک دُشمن ملک نوں گھیر لووے گا او تہاڈے قعلیاں نوں ڈیگ دے گاتے تہاڈی طاقت نوں توڑ دیوے گا تے تہاڈے محلاں نوں لُٹے گا ¹² . خداوند خدا ایویں فرماندا اے جس طرح کوئی اڑیالی شیر دے منُہ توں صرف دولتاں دِیاں ہڈیاں یا کن دی ہڈی دا ٹوٹا چھڈواندا اے ایس طرح اِسرائیل وی جہڑا سامریہ وِچ آودے پلنگ دے کنارے اُتے تے دمشق وِچ آودی کُرسیاں اُتےبیٹھے نے بچائے جاون گے ¹³ . خداوند قادر مطلق خدا فرماندا اے کہ سُنوتے یعقوب دے گھر آلیاں دے خلاف گواہ بنو ¹⁴ . جس دِن میں اسرائیل نوں اوھدے گناہ دی سزا دیواں گا تے بیت ایل دےمذبحیاں نوں توڑاں گا تے مذبح دے سینگ وڈھ کے زمین اُتے ڈیگ دِتے جاون گے ¹⁵ . میں سردیاں تے گرمیاں دے رہین آلیاں تھاواں نوں برباد کر دیواں اگا ہاتھی دند نال سجائے ہوئے گھر ویران کیتے جاون گے تے محل ڈیگ دِتے جاون گے خداوند فرماندا اے۔