¹ . خداوند ایویں فرماندا اے موآب دے تِن بلکہ چار گناواں دے سببوں میں آودے غضب توں باز نہیں آواں گا چونکہ اونے ادوم دے بادشاہ دِیاں ہڈیاں نوں ساڑکے چونا بنا دِتا ² . میں موآب اُتے اِگ گھلا ں گا جہڑی قریوت دے قعلیاں نوں کھا جاوے گی موآب جنگ دی للکار تے نرسنگیاں دی آوازدے شور وِچ مرے گا ³ . میں اوھدے حکمران نوں اوھدے حکومت کرن آلیاں دے نال غرق کراں گا خداوند فرماند اے ⁴ . خداوند ایویں فرماندا اےمیں یہوداہ دے تِن بلکہ چار گناواں دے سببوں اونوں بے سزا نہ چھڈاں گا اوناں نے خدا دی شریعت نوں چھڈ دِتا اے تے اوھدے حکم اُتے عمل نہیں کیتا او جھوٹے معبوداں دے راھیں جہناں دی اوناں دے پیو دادے پیروی کر دے سی گمراہ ہوگئے ⁵ . میں یہوداہ اُتے اِگ لیاواں گا جہڑی یروشلیم دے قعلیاں نوں کھا جاوے گی ⁶ . خداوند ایویں فرماند اے اِسرائیل دے تِن بلکہ چار گناواں دے سببوں میں اونوں بے سزا نہ چھڈا ں گا او چاندی لئی سچیائی نون ویچدے نے تے اِک جوڑی جُتی لئی ضرورت مند نوں ویچدے نے ⁷ . او غریب دے سر نوں ایویں کچلدے نے جیویں زمین دی دھول او مظلوماں نوں انصاف نہیں دِیندے پیو تے پُتر اِک ای کُڑی کول جاندے نے تے میرے پاک ناں نوں نا پاک کر دے نے ⁸ . او ہر پاک جگہ دے کول گہنے رکھے ہوئےکپڑیاں اُتے لیٹ دے نے تے آودے خداوند دے گھر وِچ جرمانے دی رقم نال مے پیندے نے ⁹ . میں اوناں دے سامنے اموریاں نوں غرق کیتا حالانکہ او کند ونگوں اُچے تے بلوطاںوانگوں مضبوط سی میں اُتوں اوھدا پھل تے تھلیوں دِیاں جڑاں برباد کیتیاں ¹⁰ . میں تہانوں مصر وِچوں کڈ لیایا تے چالیں ورھیاں تیک جنگل وِچ تہاڈے نال ریا کہ تہانوں اموریاں دا ملک دیواں ¹¹ . میں تہاڈے پُتراں وِچوں نبی تے تہاڈے جواناں وِچوں بے مثال پیدا کیتے اے بنی اِسرائیل کی ایہہ سچ نہیں اے؟ خداوند فرماند ااے ¹² . پر تُو ں جناں تے میں نظر کیتی اوناں نوں مے پیائی تے نبیاں نوں حکم دِتاکہ نبوت نہ کرن ¹³ . ہون میں تہانوں ایویں کچل دیواں گا جیویں اناج نال بھری ہوئی گڈی کچلدی اے ¹⁴ . تیز ٹُرن آلا وی نہیں بچے گا تے زور آلے دی طاقت جاندی رووے گی تے طاقت آلا آودی جان نہیں بچا سکے گا ¹⁵ . تیرا کھلون دا طریقہ ایویں دا نہ رووے گا تے تیز دوڑن آلا انسان نس نہ پاوے گاتے سردار آودی جان نہیں بچا سکے گا ¹⁶ . ایس دِن وڈے وڈے بہادرآودے کپڑے چھڈ کے نس نکلن گےخداوند فرماندا اے