¹ . ۔ تے داود نے پچھیا پئی ساول دے گھر چوں کوئی باقی ہے جہدے تے میں یونتن لئی مہربانی کر اں۔ ² . ۔ ساول دےگھر چوں ضیبا نامی اک خادم سی ۔ جدوں اوہ بادشاہ کول آیا، داود نے آکھیا توں ای ضیبا ایں۔ اوہنے کہیامیں ای تیرا خادم آں۔ ³ . ۔ کیہہ ساول دے گھر چوں کوئی باقی ہے ، جہدے تے میں خدا دا رحم ظاہر کراں۔ ضیبا نے کہیا، یونتن دا پتر جہیڑا دونواں پیراں توں لنگڑا اے باقی اے۔ ⁴ . ۔ اوہ کتھے وے؟ ضیبا نے جواب دتا، اوہ لودبار چہ عمی ایل دے پتر مکیر کول اے۔ ⁵ . ۔ سو داود باشاہ نیں لوکی گھلا کے لودبار توں عمی ایل دے پتر مکیر گھروں اوہنوں سد لیا۔ ⁶ . ۔ جدوں مفیبوست یونتن بن ساول داود کول آیا ، اوہنے جھک کے بادشاہ نوں سجدہ کیتا۔ داود نے کیہا اے مفیبوست۔ اوہنے کہیا ویکھ تیرا خادم حاظر اے۔ ⁷ . ۔ نہ ڈر کیونجو میں تیرے پیو یونتن لئی تیرے تے مہربانی کراں گا۔ تے حکم کراں گا پئی تیرے پیو ساول دے سارے کھیت تینوں موڑ دتے جان۔ تے توں ہمیشہ لئی میرے دسترخوان تے کھانا کھائیں گا۔ ⁸ . ۔ فیر مفیبوست نے سجدہ کیتا تے کیہا۔ تیرا خادم کون اے پئی توں میرے جہیے کتے تے نظر کریں۔ ⁹ . ۔ باشاہ نے ساول دے نوکر ضیبا نوں سدیا تے کہیا، پئی اوہ سارا کچھ جہیرا ساول تے اوہدے گھرانے دا سی میں تیرے مالک دے پتر نوں دے دتا اے۔ ¹⁰ . ۔ سو توں ، تیرے منڈے ،تے تیرے نوکر اوہدے لئی زمین کاشت کرن گےتے پیداوار لین گے۔ ایہہ تیرے مالک دے منڈے دے خرچیاں لئی ہووئے گا۔ تے تیرے مالک دا پتر مفیبوست میرے نال میز تے سدا روٹی کھائے گا۔ ضیبا دے پندرہ منڈے تے وی نوکر سن۔ ¹¹ . ۔ فیر ضیبا نےبادشاہ نوں کیہا، ایہہ سارا کج جہیڑا میرے مالک بادشاہ نے اپنے خادم نوں حکم کیتا اے۔ تیرا خادم اینج ای کرے گا۔ مفیبوست داود دی میز تے بادشاہ زادیاں وانگ کھانا کھاندا سی۔ ¹² . ۔ مفیبوست دا اک نکا منڈا سی ۔ اوہدا ناں میکا ہ سی۔ تے ضیبا دے گھر دے سارے لوکی مفیبوست دے خادم سن۔ ¹³ . ۔ مفیبوست یروشلم چہ رہندا سی۔ تے سدا بادشاہ دی میز تے روٹی کھاندا سی ۔ اوہ دونواں پیراں توں لنگڑا سی۔