1
۔ تے اینج ہویا ، جدوں بادشاہ اپنے گھار چہ بیٹھا سی تے خداوند نے اوہدے سارے دُشمناں توں ہر پاسیوں اوہنو ں ارام دتا ۔
2
۔ تے بادشاہ نے ناتنؔ نوں آکھیا ویکھ میں صنوبر دی لکڑی دے گھر وچ رینا واں تے خدواند داصندوق پردیاں چہ رہندا اے ۔
3
۔ ناتن ؔنے بادشاہ نوں کہیا ۔ جا تے جو کجھ تیرے دل چہ اے اوہ کر لے کیوں جو خداوندتیرے نال اے ۔
4
۔ تے اوسے رات خداوند نے ناتنؔ دے نال کلام کیتا تے آکھیا ۔
5
۔ جا تے میرے بندے دائود نوں کہہ ۔ خداوند اینج فرماندا اے ۔
6
۔ کیہ توں میرے رئین لئی اِک گھر بنائیں گا ۔ جس دن توں میں بنی اسرائیلؔ نوں مصروں ؔ کڈھ کے لیان اج تیِک میں کسے گھار چہ نئیں رئیا ۔ پر میں خیمیاں چہ تے مسکن چہ پھردا رئیا واں ۔
7
۔ ساریاں تھاواں چہ جتھے جتھے میں بنی اسرائیلؔ دے نال پھردا رئیا ۔ کیہ میں اسرائیل ؔ دے قبیلیاں چوں کسے نوں حکم دتا ۔ پئی میری قوم اسرائیؔل دی چوپانی کرے ۔ کدی کلام کرکے ایہہ آکھیا پئی ۔ تُساں میرے لئی صنوبر دا گھر کیوں نئیں بنایا ؟
8
۔ ایس لئی توں میرے خادم دائود نوں ایہہ کہہ پئی میں تینوں بھیڈاں دے پچھے پچھے پھردا سی لیا ۔ تان تینوں اپنی قوم اسرائیل دا حاکم بناواں۔
9
۔ تے جتھے وی توں گیا میں تیرے نال ساں ۔ تیرے سامنیوں تیرے سارے ویریاں نوں وَڈ سُٹیا ۔ تے جیویں دھرتی تے وڈے بندیاں دا ناں ہُندا اے ۔ تیرا ناں وڈا کیتا ۔تیرا ناں وڈا کیتا ۔
10
۔ میں اپنی قوم اسرائیلؔ دے لئی اک تھاں تے وسن تے ہلائے ناں جان تے ناں شرارت دے پُتر اوہناں نوں فیر توں دُکھ دین گے ۔
11
۔ تے جیویں اوس دن توں ہندا آیا اے جہدوں توں میں قاضیاں نوں اپنی قوم اسرائیل ؔ تے مقرر کیتا ۔ ایسے طرحاں میں تینوں تیرےسارے ویریاں توں آرام دیاں گا ۔ تے خداوند تینوں دسدا اے پئی خداوند تیرے گھر نوں قائم کرے گا ۔
12
۔تے جدوں تیرے دن پورے ہو جان تے توں اپنے پیو دادے دے نال سو جاویں ۔ تے جدوں میں تیرے بعد تیری نسل نوں جیہڑی تےیرے تُخم چوں ہو وے گی ۔ برپا کراں گا ۔ تے اوہدی بادشاہی نوں قائم کراں گا ۔
13
۔ تے اوہ میرے نان دے لئی اک گھر بنائے گا ۔ تے میں ایس دی سلطنت دے تخت نوں ہمیشاں تیِک قائم رکھاں گا ۔
14
۔ میں اوہدا پیو ہوواں گا ۔ تے اوہ میرا پُتر ہووے گا ۔ تے جے اوہ بدی کرے تے بندیاں دی سوٹی نال تے آدم دے پُتراں نپُتران دے کوڑیاں نال میں اوہنون سدھا ں کراں گا ۔
15
۔ پر میری رحمت اوہدے تون وکھ ناں ہووے گی ۔ جیویں میں سعول توں وکھ کیتی ۔ جہنوں میں تیرے اگوں دفع کیتا ۔
16
۔ تے تیرا گھر تے تیری بادشاہی ہمیشاں تیِک میرے اگے قائم رہوے گی ۔ تے تیراتخت ہمیشاں لئی قائم کیتا جاوے گا ۔
17
۔ ناتنؔ نے ایہہ ساریاں گلاں تے ایہہ ساری رویا دائود نوں دسی ۔
18
۔ فیر دائود ؔ بادشاہ اندر گیا تے خداوند دے اگے بیٹھا تے آکھیا ! اے خدا وند خدا میں کون آں؟
19
۔ تے میری نگاہ چہ اے چھوٹی گل اے ۔ اے خداوند خدا ۔ کیوں جو توں اپمنے بندے دے گھر دے واسطے چہ تے زمانے دی گل کیتی اے ۔ اے خداوند خدا کیہ انسان اینج کر سکدا اے ۔
20
تے دائود تینوں ہور کیہ آکھے ؟ کیوں جو اے خداوند توں اپنے بندے نوں جاننا ایں ۔
21
۔ توں اپنے کلام دی کاطر تے اپنی مرضی نال ایہہ سارے وڈے کم کیتے ۔ تاں جو تیرا بندہ ایہناں نوں جان لوے ۔
22
۔ سو توں اے خداوند خدا بُزرگ ایں ۔ جیویں اسیں اپن کناں توں سُنیا اے ۔ ایہ جیہا تیرے ورگا کوئی نئیں ۔ تیرے ورگا کوئی خُدا نئیں ۔
23
۔ تے دُنیاچہ اوہ کیہڑی ایہو جیی قوم اے ۔جیہڑی تیرے لوکاں بنی اسرائیلؔ وانگر اے ۔ جہنوں خدا نے جا کے اپنی قوم بنان لئی چھُڈایا اے ۔ تان اوہ تیرا ناں لین ۔ تے اوہنے اپنے دیس تے اپنے لوکاں لئی وڈے تے شاندار کم کیتے ۔ توں اوہناں نوں مصریاؔں توں تے اوہناں دی قوماں توں تے اوہناں دے بُتاں توں رہائی دتی ۔
24
۔ تے توں اپنے لئی اپنی قوم بنی اسرائیلؔ نون مقرر کیتا تان جو اوہ ہمیشاں لئی تیری قوم ٹھہردے تے توںآپ اے خداوند اوہناں دا خُدا ہوویں ۔
25
۔ تے میں اے خُداوند خدا اپنے کلام نوں جیہڑا توں اپنے بندے تے اوہدے شہر دے حق چہ فرمایا اے ۔ سدا واسطے قائم کر دے ۔ پئی جیویں توں فرمایا اے ۔اونج ای کر دے ۔
26
۔تاںتیرے ناں دی سدا تیِکر وڈیائی ہووے تے آکھیا جائے ، فوجاں دا رب ۔ اسرائیل ؔ دا خدا اے ۔ تے تیرے بندے دائودؔ دا گھرانا تیرے حضور وچ قائم رہوے ۔
27
۔ کیوں جو توں اے فوجاں دے رب ! اسرائیلؔ دے خدا ، اپنے بندے تے ظاہر کیتا تے آکھیا میں تیرے لئی گھر بناواں گا ۔ ایس لئی تیرے بندے دے دل وچ آیا پئی تیرے حضور دعا کرے ۔
28
۔ تے میں ،اے خداوند خدا توں خد ایں تے تیرا کلام سچا اے تے توں اپنے بندے نال ایس بھلائی دا وعدہ کیتا اے ۔
29
۔ایس لئی ہن اپنے بندے دے گھرانے نوں برکت دینا منظور کر ۔ تاں جو اوہ سدا تیرے سامنے قائم رہوے ۔ پئی توں ایں ۔ اے مالکِ خدا ایہہ کیتا اے ۔ تے تیری برکت نال تیرے بندے دا گھرانا سدا تیِک مبارک رہوے ۔