¹ ۔ اِک واری فیر دائود نے اسرائیلؔ وچوں تیہہ ہزار چونویں جوان جمع کیتے ۔ ² ۔ تے دائود اُٹھیا تے سارے لوکاں نوں جیہڑے اوہدے نال سن۔ لے کے تے یہوداہؔ دے بعلہؔ نوں ٹُر پیا ۔ تاں جو اوتھوں خدا دا صندوق لے آوے ۔ جہداناں فوجاں دا رب آکھیا جاندا اے ۔ جہڑا کروبیاں دے وچکار سکوُنت کردا اے ۔ ³ ۔ تے اوہناں نے خُدا دے صندوق نوں نوئیں گڈھ تے رکھیا۔ تے ابیدابؔ تے گھروں جیہڑا پہاڑی تے سی ، کڈھ لیا ئے ۔ تے اوس نویں گڈھ نوں ابیندابؔ دے پُتر عزہؔ تے اخیوؔ ہِ ک ریئے سن۔ ⁴ ۔ تے اوہ ابینداب دے گھروں جیہڑا جبہ ؔ تے سی خدا دے صندوق نؤن کڈھ لیائے ۔ تے اخیوؔ صندوق دے اگے اگے ٹُریا جاندا سی ۔ ⁵ ۔ دائودؔ تے اسرائیل ؔ دا سارا گھرانہ خداوند دے اگے صنوبرؔ دے بنے ہوئے ہر طرحاں دے ساز ؛ سنار، بربط تے دف ، خنجری تے جھانجھ وجاندے ہوئے ٹرے جاندے سَن ۔ ⁶ ۔ تےت جدوں اوہ نکونؔ دے کھلیہان تے اَپڑے ۔ تے عزہؔ نے اپنا ہتھ ودھا کے خدا دے صندوق نوں پھڑ لیا ۔ کیوں جو ڈھگیا نے اوہنوں ہلا چھڈیا سی ۔ ⁷ ۔تے خداوند دا غصہ عزہؔ دے خلاف بھڑکیا ۔ تے خدا نے اوہدی خطا توں اوہنوں اوتھے ای ماردتا ۔ اوہ اوتھے ای خدا دے صندوق دے لاگے مر گیا ۔ ⁸ ۔ تے دائود ایس توں دُکھی ہو یا کیوں جو خداوند نے عزہؔ نوں مار دتا سی ۔ ایس توں اوس تھاں دا ناں فارصُ عزہؔ ررکھیا ۔ جیہڑا اج تیِک ایہو ای اکھواندا اے ۔ ⁹ ۔ تے دائودؔ اوس دیہاڑے خداوند توں ڈر گیا تے کہن لگا پئی خداوند دا صندوق میرے کول کنج آوے گا ؟ ¹⁰ ۔ تے دائود نے ناں چاہیا پئی خداوند دا صندوق ، دائود دے شہر اپنے کول رکھے ۔ ایس کرکے دائود اوہنوں اِک پاسے جاتؔ دے رہن والے عوبید ادومؔ دے گھر لے گیا۔ ¹¹ ۔ تے خداوند دا صندوق جاتے عوبید ادوم ؔ دے گھر تِن مہینے رہیا۔ تے خداوند عوبید ادومؔ دے سارے شہر نوں برکت دتی۔ ¹² ۔ تے فیر دائود بادشاہ نوں خبر دتی گئی پئی خداوند میں عوبید ادومؔ دے شہر نوں تے ہر اوس شے نوں جیہڑی خداوند دے صندوق دے سببوں اوہدے کول اے ، برکت دتی ۔ فیر دائود گیا تے خداوند دی صندوق نوں عوبید ادومؔ دے گھروں دائودؔ دے شہر چہ خوشی خوشی لے آیا ۔ ¹³ ۔ تے اینج ہویا پئی جہدوں خداوند دے سندوق نوں چُکن والے چھے قدم چلے تے اوہنان نیں اک ڈھگے تے اِک موٹے وچھے نوں ہلال کیتا ۔ ¹⁴ ۔ تے دائود اپنے سارے زور نال نچدا ہویا ٹُریا جاندا سی ۔ تے دائود نے سوتی کپڑے دا افود پیا ہویا سی ۔ ¹⁵ ۔ دائود ؔ تے سارا اسرائیل ؔ للکاردیاں تے نرسنگے وجاندیاں خداوند دے صندوق نوں لے آئے ۔ ¹⁶ ۔ فیر اینج ہویا پئی جدوں خداوند دا صندوق دائود دے شہر چہ آیا ۔ تے سائولؔ دی دھی میکلؔ نے باری چوں چونگاہ ماری ۔ تے دائود بادشاہ نوں ویکھیا پئی خداوند دے اگے کُدتا تے نچدا اے ۔ تے اوہنے اپنے دِل چہ خدواند دی حقارت کیتی ۔ ¹⁷ ۔ تے اوہ خداوند دے صندوق نون اندر لیائے تےاوہنون اوہدی اپنی تھاں تے اوس خیمے دے وچکار رکھیا ، جیہڑا دائود نے اوہدے لئی کھلّاریا سی ۔ تے دائود نےخداوند دے سامنے سوختنی قربانیاں تے سلامتی دے ذبیحے چڑھائے ۔ ¹⁸ ۔ تے دائود جیدوں سوختنی قربانیاں تے سلامتی دے ذبیحے چڑھان توں فارغ ہوئیا تے فیر اوہنے لوکاں نوں رب افواج دے ناں توں برکت دتی ۔ ¹⁹ ۔ تے اوہنے اسرائیل تے سارے گروہ دے بندیاں تے بُڈھیاں نوں اک اک روٹی تے گوشت دی اک اک ٹُکڑا تے کشمش دی اک اک ٹِکی دِتی۔ تے لوکی گھر نوں ٹُر گئے ۔ ²⁰ ۔ تے فیر دائود پرتیا پئی اپنے ٹبر نوں برکت دیوے ۔ سائول دی دھی میکل دائود نوں ملن باہر آئی تے اوہنوں کہیا پئی اسرئیل دا بادشاہ اج کینا سوہنا جاپدا اے ۔ جدوں اوہنے اپنے خادماں دیاں لونڈیاں دی نظر چہ اپنے آپ نوں ننگا کیتا ۔ جیویں کوئی بانک اپنے آپ نوں ننگا کردا اے ۔ ²¹ ۔ دائود نے میکل نوں آکھیا پئی اے تے خداوند دے سامنے سی جہینے مینوں تیرے پیو تے تیرے سارے گھرانے نوں چھڈ کے تے مینوں چُن لیا ۔ پئی مینوں خداوند دی قوم تے حاکم مقرر کرے ۔ ایس واسطے میں خداوند دی قوم تے حاکم مقرر کرے ۔ ایس واسطے مین خداوند دے سامنے نچیا ساں ۔ ²² ۔ تے مین ایس توں وی بُہتا ذلیل بناں گا ۔ تے اہنی نگاہ چہ ای اپنے اپ نوں کمینہ بناواں گا ۔ تے اوہناں لونڈیاں دی نگاہ چہ جہناں دا توں اَکھنی ایں ، بُہتا عزت والا ہووا گا ۔ ²³ ۔ تے سائول دی دھی میکل ؔ اپنی موت دے دن تیِک بے اولاد ای رئی۔