¹ -جدوں اسرائیل دے پُتر اشبوست نیں سنُیا پئی ابنیر حبرون وچ مر گیا اے تد اوہ پست ہمت ہو گیا تے اسرائیل دے سارے لوکی ڈر گئے ۔ ² -ساؤل دے گھرانے دے دو بندے چھاپہ مار جتھیان دے سردار سن۔ ³ -کیوں جو بیروت دے لوک جیتیم وَل بھج گئے سن تے آج تک اوتھے پردیسیاں وانگ رہندے نیں۔ ⁴ -ساؤل دے پُتر یونتن دا اک پتر سی جیہڑا دونویں لتاں توں لنگڑا سیتے جدوں یزرعیل وَلوں سوؤل تے یونتن دے بارے سنیہا ملیا تد اوہ پنجھ سال دا سی ۔ اوہدی دایہ اوہنوں فٹا فٹ چُک کے دوڑی تے گھبران دے سبب اوہ اوہدی کُچھڑ وں ڈِ گ گیا تے لنگڑا ہو گیا ۔اوہدا ناں مِفیبوست سی۔ ⁵ -امون بیرونی دے پُتر ریکاب تے بعنہ اشبوست دے گھر جا لئی نکلے تے دوپہر دے ویلے اوتھے اپڑے۔اوہ دوپہر نوں اوتھے آرام کر رہیا سی ۔ ⁶ -تے اوہ کہوں لین دے بہانے گھر دے اندر لے حصےوچ وَڑے تے اوہناں نیں اوہدے ڈھیڈ وچ چھُرا گھونپ دِتا تے فیر ریکاب تے اوہدا بھرا بعنہ چپ چپیتے باہر نکل گئے۔ ⁷ -اوہ اوس گھر وچ اوس ویلے داخل ہوئے جدوں اوہ اپنے کمرے وچ بسترے تے سون ڈیا سی۔اوہناں نیں اوہنوں چھُرا گھونپ کے مار دِتا تے اوہدا سر کات دِتا۔اوہ اوہنوں نال لے ساری رات میدان دی راہیں سفر کیتا۔ ⁸ -اوہ اشبوست دے سر نوں حبرون وچ داؤد دے کول لیا ئے تے بادشاہ نون کہن لگے پئی اے تیرے ویری ساؤل دے پُتر اِشبوست دا سِر ، جینے تیری جان لین دی کوشش کیتی۔ آج خداوند نیں تیرے مالک بادشاہ دا بدلہ ساؤل تے اوہدی نسل توں لے لیا اے۔ ⁹ -داؤد نیں ریکاب تے اوہدے بھرا بعنہ نوں حورمن بیرونی دے پُتر سن جوان دِتا پئی خداوند دی حیاتی دی سَوں جینے مینو ہر مصیبت توں رہائی دِتی اے۔ ¹⁰ -اک بندے نیں آکے مینوں ایہہ دسیا پئی ساؤل مر گیا اے تے میں صقلاج وچ اوہنو پھڑ کے قتل کر دِتا ۔اوس نیں سوچیا پئی میرے لئی چنگی خبر لیا رہیا اے۔پر ایہہ سی اوہ جزا جیہڑی میں اوہنوں اوہدی خبر دے بدلے دِتی ۔ ¹¹ -سو جدوں شریربندیاں نیں اک بے گناہ بندے نوں اوہدے ای گھر وچ اوہدے بستر اُتے قتل کیتا اے تے میرے تے اے بندا اے پئی اوہدے خون دا بدلہ تیرے توں لواں تے زمین نوں تہاڈے ورگیاں توں پاک کردواں ۔ ¹² -تد داؤد نیں اپنے بندیاں نوں اوہناں دے قتل داحکم دِتا تے اوہ قتل کر دِتے گئے تے اوہناں نیں اوہناں دے ہتھ کاٹ ک اوہناں دیاں لاشاں نوں حبرون وچ تالاب دے کول لٹکا دِتا ۔پر اوہناں نیں اشبوست دا سر لے لیا تے اوہنوں حبرون وچ ابنیر دی قبر وچ دفن کردِتا۔