¹ -ساؤل تے داؤد دے گھرانیاں دے وچ لمے ویلے تک جنگ ہوندی رہی ۔داؤد قوی توں قوی تے داؤد دا گھرانہ کمزور توں کمزور ہوندا گیا ۔ ² -تے حبُرون وچ داؤد دے گھر پُتر پیدا ہوئے ۔ اوہدا پہلو ٹھا اَمنون سی جیہڑا ایزرعیلی اخِجیوعم دے بطن توں سی۔ ³ -اوہدا دوجا پُتر کِلیاب سی جیہڑا کے ملی نابال دی بیوہ ابی جیل دے بطن توں سی۔ تیجا ابی سلوم سی جیہڑا جسُور دے بادشاہ تلمی دی دھی معکہ دے بطن توں سی ⁴ -چھوتھا ادونیاہ سی جیہڑا حجیت دے بطن توں سی پنجواں سفطیاہ سی جیہڑا بیطا ل دے بطن توں سی۔ ⁵ -تے چھیوں اِترعام سی جیہڑا داؤد دی ووہٹی عجلاہ دے بطن توں سی۔ یہہ داؤد دے ہاں حبروبن وچ جمے سن۔ ⁶ -ساؤل تے داؤد دے گھرانیاں دی جنگ دے دوران ابنیر نیں ساؤل دے گھرانے وچ اپنے آپ نوں بوہت طاقتور بنایا سی۔ ⁷ -تے ساؤل دی اک داشتہ سی جس دا ناں اصفاہ سی تے جیہڑی ایاہ دی دھی سی ۔تے اشبوست نیں ابنر نوں آکھیا پئی توں میرے پیو دی داشتہ دے کول کیوں گیا؟ ⁸ -اشبوست دی ایس گل تے ابنیر بوہت ناراض ہویا تے کہن لگا پئی کی میں یہوداہ دے کسے کُتے داسرآں؟ ⁹ -خدا ابنیر دے نال اینج ای بلکہ ایس توں وی بوہتا کرے ۔جے میں داؤد نال اونج سلوک ناں کراں ۔جس دی خداند نیں سَوں کھاکے اوہدے نال وعدہ کیتا ۔ ¹⁰ -یعنی ایہہ پئی بادشاہ ساؤل دے گھرانے توں منتقل کرکے داؤد دے تخت حکومت نوں اسرائیل تے یہوداہ تے دان توں بیر سبع تک قیم کراں۔ ¹¹ -تے اشبوست نیں ابنیر نوں کوئی ہور اکھر کہن دی جُرت ناں کیوں جو اوہ اوہدے کولوں ڈر دا سی۔ ¹² -فیر ابنیر نیں داؤد نوں اپنے وَلوں داؤد نوں اے کہن لئی قاصد گھلے پئی اے دیس کیہدا اے؟میرے نال مُک مُکا کر لے! تے میں کل بنی اسرائیل نوں تیرے وَل کرن لئی تیری مدد کراں گا۔ ¹³ -داؤد نیں آکھیا اچھا میں تیرے نال مُک مُکا کراں گا پر میں تیرے کولوں اک گل چاہناواں پئی جد توں مینوں ملن آویں تے ساؤل دی دھی میکل نوں اپنے نال لے کے آئیں نئیں تے میرے سامنے ناں آویں۔ ¹⁴ -تد داؤد نیں ساؤل دے پُتر اشبوست کول ایہہ مطالبہ کردیاں ہویاں قاصد بھیجے پئی میری ووہٹی میکل جیدے نال میں فِلستیا ں دیاں سو کھلڑیاں دے کے ویاہ کیتا سی۔میرے حوالے کر دے۔ ¹⁵ -سو اشبوست نیں حکم دِتا تے اوہنے اوہدے نال خاوند فطی ایل بن لیس کولوں کھو لیا۔ ¹⁶ -سو اوہدا خاوند بحوریم تک سارے رستے اوہدے پیچھے پیچھے روندا ہویا اوہدے نال گیا ۔ابنیر نیں اوہنوں اآکھیا پئی پرت جا ۔سو اوہ پرت گیا۔ ¹⁷ -تے ابنیر نیں اسرائیل دے بزرگاں نال گل با ت کیتی تے آکھیا پئی کجھ عرصہ ہویا اے تسی داؤد نوں اپنا باسشاہ بنانا چاندے سی۔ ¹⁸ - ہن بنالو کیوں جو خداوند داداؤ د نال وعدہ اے پئی میں اپنے بندہ داؤد ے راہیں اپنی قوم اسرائیل نون فلستیاں تے اوہناں دے سارے دُشمناں دے ہتھ توں چھڑاواں گا۔ ¹⁹ -تے ابنیر نیں بن یمین نال وی آم ای گلاں کیتیاں تے ابنیر اوہ سب گلاں جیہڑیاں اسرائیل تے بن یمین دے گھرانے دے لوکی کرنا چاہندے سن داؤد نوں دَسن لئی حبرون گیا۔ ²⁰ -جدوں ابنیر جیدے نال ویہہ بندے سن حبرون وچ داؤد کول آیا تے داؤد نیں اوہدے تے اوہدے بندیاں لئی کھان پین دا بندوبست کیتا۔ ²¹ -ابنیر نیں داؤ دنوں آکھیا پئی مینوں اجازت دے پئی ہونیں ای جا تے اپنے مالک بادشاہ لئی سارے اسرائیل نوں جمع کراں تاں جو اوہ تیرے نال قول بنن تے تُوں اوہنا ں ساریاں تے اپنی دلی مرضی دے حساب نال حکمرانی کرے۔جیویں کے داؤد نیں ابنیر نوں گھلیا تے اوہ ٹھیک ٹھاک چلا گیا۔ ^{22 23} -تے جدوں یوآب تے لشکر دے سب لوکی اوہدے نال اوتھے اپڑے تے اوہنو دسیا پئی ابنیر بن نیر بادشاہ دے کول اپڑیا سی تے بادشاہ نیں اوہنوں گھل دِتا تے اوہ بچ بچا کے چلا گیا۔ ²⁴ -سو یوآب بادشاہ دے کول گیا تے کہن لگا پئی توں کی کیتا؟ویکھ ! ابنیر تیرے کول آیا سی پر توں اوہنوں کیوں جان دِتا ؟ہن تے اوہ چلا گیا اے۔ ²⁵ -کی توں نئیں جاندا پئی ابنیر بن نیر تینوں دھوکا دین ،تے جو کجھ وہ توں کر رہیا ایں اوہدے تے آکھ رکھن تے اوہدا بھید لین آیا سی۔ ²⁶ -فیر یوآب داؤد د کولو چلا گیا تے اوہنے ابنیر دے پیچھے قاصد بھیجے تے اوہنےاوہنوں سیرہ دے کول کھُوں تون اپنے نال لے پرت آئے پر داؤد نوں ایہدا پتہ نئیں چلیا۔ ²⁷ -تے ابنیر تے حبرون پرتن تےیوآب اوہنوں وَکھرے پھاٹک دے اندر لے گیا ۔تے اوہدے نال کوئی بھید دی گل کنا چاہندا اے تے اوتھے اوہنے اپنے بھرا عساہیل دے لہو دا بدلہ لین لئی ابنیر دے ڈھیڈ وچ چھُرا گھونپ دِتا تے اوہ مر گیا۔ ²⁸ -بعد وچوں جدوں داؤد نیں اوہدے بارے سُنیا تے اوہنے آکھیا پئی میں تے میری بادشاہی خداوند دے حضور وچ ہمیشہ تک ابنیر بن نیر دے لہوں توں وہ پاک نیں ۔ ²⁹ -اوہ یوآب تے اوہدے پیو دے سارے گھرانے دے سِر لگے تے یوآب دے گھرانے وچ کوئی ناں کوئی ایسا ضرور رہوے جنہوں جریان دا مرض ہووے یاں جنہوں کوڑ ہووے یاں جیہڑا لاٹھی دے سہارے چلدا رہووے یاں تلوار دے مرے یا ٹکڑے ٹکڑے دا محتاج ہووے۔ ³⁰ -(یوآب تے اوہدے بھراابی شے نیں ابنیر دا قتل کیتا۔کیوں جو اوہنے اوہناں دے بھرا عساہیل نوں جِبعون دی لڑائی وچ ماردِتا سی) ³¹ -تے داؤد نیں یوآب تے اوہدے لشکر دے سارے لوکاں نوں آکھیاپئی اپنے کپڑے پھاڑو تے ٹاٹ پاؤ تے صبح نوں ابنیر دے اَگے پیٹ دیاں ہویاں چلو تے داؤد بادشاہ آپ وہ توبوت دے پیچھے پیچھے چلن لگا۔ ³² -اوہناں نیں ابنیر نوں حبرون وچ دفن کیتا تے بادشاہ ابنیر دی قبر تے دھاڑ دھاڑ کے رویا تے سب لوکی وی روئے۔ ³³ -بادشاہ نیں ابنیر تے ایہہ مرتبہ آکھیا: کی ایہہ لازمی سی پئی ابنیر اک باغی وانگ ماریا جائے ؟ ³⁴ -نہ تے تیرے ہتھ بنے ہوئے سی، تے نہ تیرے پیراں وچ بیڑیاں سن۔ پر توں اینج ماریا گیا جیویں کوئی بدکاراں دے ہتھوں ماریا جاوے ۔تے لوکاں نیں فیر توں رونا شروع کر دِتا۔ ³⁵ -تد لوکاں نیں آکے داؤد نوں مشورہ دِتا پئی ہاے دن اے تون کجھ کھا لے۔پر داؤد نیں کہندیاں ہوئیاں سَوں کھادی پئی جے میں سورج دے ڈوبن توں پیلاں روٹی یاں ہور کجھ چکھاں تے خداوند میرے نال اینج نلکہ ایس توں وی بوہتا کرے۔ ³⁶ -تے سارے لوکاں نیں باشاہ دی گل نوں پسند کیتا۔ اصل وچ ایس تھوں علاوہ جو کجھ بادشاہ نیں کیتا اوہ اوہدے تھوں خوش سن ۔ ³⁷ -اوس دن سارے لوکاں تے اسرائیل نوں پتہ لگیا پئی ابنیر بن نیر دے قتل وچ بادشاہ دا ہتھ نئیں سی۔ ³⁸ -تد بادشاہ نیں اپنے لوکاں نوں آکھیا پئی کی کی تہانوں احساس نئیں پئی آج اسرائیل وچوں اک شہزادہ تے اک وڈا بندہ ہمیشہ دے لئی چلا گیا اے؟ ³⁹ -تے جیویں کہ آج میں مسح کیتا ہویا بادشاہ واں ۔میں کمزار آں تے ضرویا دے ایہہ پُتر میرے تھوں بوہتے زور آور نیں ۔ خداوند بدکارنوں اوہدی بدی دے حساب نال بدلہ دے۔