¹ ۔ دائودؔ دیاں اخیری گلاں ایہہ نیں ؛ یسی دے پُتر دائعد دے مُنہ دیاں گلاں ؛ اوس بندے دا کلام جہنوں یعقوبؔ دے رب نے عزت بخشی ، اوہ بندہ جہنوں یعقوبؔ دے رب نے مسّح کیتا ، جیہڑا اسرائیل دا گویّا سی ۔ ² ۔ خداوند دی روح نے میرے وسیلے کلام کیتا ۔ تے اوہدا کلام میری زبان تے سی ۔ ³ ۔ اسرائیل دے رب نے آکھیا ۔ اسرائیلؔ دی چٹان نت مینوں آکھیا ؛ جیدوں کوئی لوکاں تے سچیائی نال راج کردا اے ۔ جیدوں اوہ خدا دےڈر نال راج کردا اے ۔ ⁴ ۔ تےاوہ سویر دی روشنی دے وانگ ہووے گا ۔ جیدوں سورج نکلدا اے ۔ ایس سویر جیدے چہ بدل نئیں ہُندے مینہ دے بعد وی اوس چمک دے وانگ جیدے نال دھرتی دی گھاہ اُگدی اے ⁵ ۔ کیہ میرا گھر خدا دے حضور چہ قائم نئیں ؟ کیہ اوہنے میرے نال دائمی عہد نئیں بنھیا ۔ جیدیاں ساریاں گلاں معین تے پاک نیں ۔ کیہ اوہ میری نجات نوں پُورا نئیں کرے گا ؟ تے میری خواہش پوری نئیں کرے گا ؟ ⁶ ۔ پر سارے بدکار بندے کنڈیاں وانگ اک پاسے سُٹ دتے جاندے نیں ۔ جنہاں نوں ہتھ نال اکٹھا نئیں کِتا جاندا ۔ ⁷ ۔ جہڑا وی کنڈیاں نوں چھولیندا اے ۔ اوہ لَوئے دے اوزار یاں نیزے دی چھَڑ نال کم لیندا اے۔ تے جتھے اوہ پئے ہُندے نیں اوتھے ای ساڑ دتے جاندے نیں ۔ دائود ؔ دے سورمے ⁸ ۔ دائودؔ دے سُورمیاں دے نال ایہہ نیں ۔ یوشیؔب،بشیبت ؔ، تحکمونی ؔ جیہڑا تِن سپہ سالار اں دا سرادار سی ۔ اوہنے اپنا نیزہ اٹھ سو بندیان دے خلاف چُکیا تے اوہناں نُوں اک ای مقابلے قتل کردتا۔ ⁹ ۔ اوس توں باد الیعزرؔ بن دودے ؔ سی ۔ ایہہ اوہناں تِن سورمیاں چوں سی ۔ جیہڑے دائودؔ دے نال اوس ویلے سن ۔ جیدوں اوہناں نے ۔ اوہناں فلستیاں ؔ نوں جیہڑے لڑائی فسدمیمؔ چہ اکٹھے ہوئے سن ۔ طعنہ دتا جاندا سی تے اسرائیل ؔ دے بندے پچھے ہٹ گئے سن ۔ ¹⁰ ۔ پر اوہ اپنی تھاں تے ڈٹیا رئیا سی ۔ اوہنے فلستیاں ؔ نوں ایناں ماریا۔ پئی اوہدا ہتھ تھک گیا تے تلوار نال چِمٹ گیا اوس دن خداوند نے بڑی جِت دِتی ۔ تے اوہ اسرائیلؔ جیہڑے ہار گئے سن ۔ الیعزرؔ دے کول صرف مُردیاں دے کپڑے لائون اکٹھے ہو گئے ۔ ¹¹ ۔ اوس توں بعد سمہؔ بن اجی ہراریؔ سی ۔ جیدوں فلستیاں ؔ نے اوس تھاں جتھے مسور نال بھریا کھیت سی ، صف بندی کیتی ۔ تے اسرائیلؔ دے فوجی اوہناں اگوں نس گئے ۔ ¹² ۔ تے سمہؔ اوس پیلی دے وچ کا ر اپنی تھاں تے ڈٹیا رہئیا ۔ تے اوس تھاں دی رکھوالی رکھی ۔ تے فلستیاں نو ں مار سُٹیا ۔ اینج خداوند نے اک وڈی جِت دِتی۔ ¹³ ۔ فصل وڈھن دے موسم چہ تیہ سردراں چوں تِن عُدلامؔ دے غار تے دائود کول آئے ۔ جد کہ فلستیاں ؔ دا اک دستہ وادیِ رفائیمؔ چہ خیمہ زن سی ۔ ¹⁴ ۔ اوس ویلے دائودؔ قلعے چہ سی تے فلستیاں ؔ دی رکھوالی فوج بیت لحمؔ چہ سی ۔ ¹⁵ ۔ تے دائود نوں بوہت زیادہ ترے لگی ۔ اوہنے آکھیا کاش پئی کوئی بندہ بیت لحمؔ دے پھاٹک دے کول والے کھوہ توں پانی لیا کے پیاوے ۔ ¹⁶ ۔ ایس لئی اوہناں تِناں سورمیاں نے فلستیاں ؔ دیاں صفاں چیر کے بیت لحمؔ دے کول والے کھوُہ توں پانی بھریا تے اوہنوں دائودؔ دے کول لے ائے ۔ پر اوہنے پین توں انکار کیتا ۔ تے اوہنوں خداوند دے حضور روڑ کے ¹⁷ ۔ اکھن لگا ۔پئی اے خداوند ! میں اینو ں پیاں ؟ میرے لوکو! ایہہ کدی ناں ہووے گا ۔ کیہ ایہہ اوہنا ں بندیاں دا خون نئیں ۔ جیہڑے اپنی جان نوں مشکل وچ پا کے گئے ؟ ایس لئی دائود ؔ نے اوہنوں پینا ناں چاہیئا ۔ اوہناں تن سورمیاں نے اینج دے کئی کم کیتے سن ۔ ¹⁸ ۔ تے ضرویاہؔ دے پُتر یوُآب ؔ دا بھرا ابیشےؔ، اوہناں تیناں چوں افضل سی ۔ اوہنے اپنا نیزہ تِن سو بندیاں دے خلاف چُکیا ۔ تے اوہناں نوں قتل کر دتا ۔ ایس لئی اوہ وی اوہناں تِناں دے وانگ مشہور ہو گیا ۔ ¹⁹ ۔ اوہ اوہناں چوں عزت دار ہوون دے سببوں توُں اوہناں د ی سرحد بن گیا ۔ پر اوہ اوہناں پہلیاں سورمیاں چہ گنیا نئیں جاندا ۔ ²⁰ ۔بنایاہ ؔ بن یہویدعؔ قبضیل ؔ دے اک سورما دا پُتر سی ،جینے کئی اہم کم کتے سن ۔ اوہنے موآبؔ دے دو زبردست بندیاں نوں مار سُٹیا ۔ اِک دیہاڑے جد برف پئے رئی سی ۔ اہنے اک کھڈے وچ اُتر کے شیر ببر نوں مار یا۔ ²¹ ۔ تے اوہنے اِک لمبے تڑنگے مصریؔ نوں مار سُٹیا ، جد کے اوس مصریؔ دے ہتھ چہ نیزہ سی ۔ بنایاہؔ اک سوٹا لے کے اوہدے وَل ودھیا ۔ اوہنے اوس مصری ؔ دے ہتھوں نیزہ کھو لیا ۔ اوہدے اوسے نیزے نال اوہنوں مارسُٹیا ۔ ²² ۔ بنایاہؔ بن یہویدعؔ نے اینج دے ہور وی بڑے کم کیتے ۔ اوہ وی اوہناں تن سورمیاں وانگ مشہور سی ۔ ²³ ۔ اوہ تیہہ سورمیاں چہ سب توں بُہتا عزت والا سمجھیا جاندا سی ، پر اوہ پہلے تن سورمیاں دے برابر ناں ہو پایا ۔ تے دائود ؔ نے اوہنوں اپنے رکھوالے دستے دا سردار بنا دِتا ۔ ²⁴ ۔ تیہ سورمے ایناں چوں سن؛ یوآبؔ دا بھرا عساہیلؔ ، الحنان ؔ بیت لحم ؔ دے دودوؔ دا پُتر ، ²⁵ ۔ سمہ ؔ حروی ، القہؔ حرودی ²⁶ ۔خلص فلطی ، تقوعہ توں عیرا بِن عقیس ؔ ²⁷ ۔ عنتوتؔ توں ابی عزر ۔ مبونی حُو ساتی ²⁸ ۔ ضلمون اخوی ، مہری نطوفاتی ²⁹ ۔ حلب ؔبن بعنہؔ نطوفاتیؔ ، بن یمین ؔ دے جبعی توں اِتی بن رِیبی ³⁰ ۔ بِنایاہؔ فرعاتونی، جعسؔ دی گھاٹیاں دا ہِدی ، ³¹ ۔ ابی علبون ؔ عرباتی، برحُومی عزماوت۔ ³² ۔ سعلبونی الیؔحیبہ بنی یسیِن یُونتنؔ۔ ^{35 33} ۔ بِن سمّہؔ ہراری، اخی ام ؔ بن سراہراریؔ، ³⁴ ۔ الیفلطؔ بن احسبی معکاتی ، الی عام ؔ بن اخیتُفلؔ جِلونی ، ³⁶ ۔ ضوباؔ ہ توں اِجال بِب ناتنؔ ، باجریؔ دا بیٹا۔ ³⁷ ۔ صلق ؔعمونی ، نحریؔ بیروتی ، یو آبؔ بِن ضرویاہؔ دا سلح بردار، ³⁸ ۔ عیرا اِتریؔ، جریب ؔ اِتری ، ³⁹ ۔ تے اوریاہؔ حِتی۔ایہہ سارے سیَنتی سن ۔