1
-خداوند دا غُصہ اسرائیل دے بارے وچ اِک وار فیر بھڑکیا تے اوہنے داؤد نوں ایہہ آکھ کے اُبھاریا پئی جا کے اسرائیل تے یہودا دی مردم شُماری کر۔
2
-اینج بادشاہ تے یُوآب نے اوہدے نال لشکر دے ۔سالاراںنُوں آکھیا پئی دانؔ تَوں لے کے بیرِسبعؔ تک اسرائیل دے سارےقبیلیاں چہ جاؤ تے اوہناں لوکاں دا شُمار کرو جیہڑے جنگ کرن دے قابل ہَون ،تاں جو مینوں پتہ ہوَوے پئی ایہو جئے کِنے بندے نیں ۔
3
-پر یُوآب ؔنے بادشاہ نُوں جواب دِتا پئی خداوند تیرا خُدا اوہناں لوکاآن نوں سوگُنا ودھاوے تے میرے دیس بادشاہ دِیاں اَکھاں اوہناں نُوں ویکھن ۔پر میرے مالک بادشاہ نے اجیہا ارادہ کاہدے لئی کیتا اے؟
4
-پر یُوآبؔ نے لشکر دے ساریاں نُوں بادشاہ دا حکم منّناپَیا۔ایس لئی اوہ بادشاہ دے حُضور چوں نکلے تاں جو اسرائیل دے ایہو جئے لاکوں دا شمار کرن جیہڑے جنگ دے قابل ہون۔
5
-تے اوہ دریائے یردن نُوں پار کرن تَوں باد عروعرؔدے کول تنگ گھاٹی چہ اَوس شہر دے جنوب وچ خیمہ زن ہوئے فیر جدؔ چوں لنگ کے اَگے یعزیر ؔچلے گئے ۔
6
-تے فیر راوہ جلعادؔ تے تحتیم ؔ حدسیؔ دے علاقے چوں لنگ کے اَگے دانؔ یعن آئےتے چکر کٹ کے صیداؔ وَل چلے گئے۔
7
-فیر اوہ صور ؔ دے قعلےوَل تے حویّاں تے کنعانیاں ؔدے سارے شہراںوَچوں یہودا ہ دے جنوب وَل اَگے بیرسبعؔ چلے گئے۔
8
-سارے دیس وچ گھُمن گھُمان دے باد اوہ نَو مہینے تے تروی دِناں وچ یروشلیم واپس آئے۔
9
-تے یُوآب نے اوہناں لوکاں دی تعداد جیہڑے جنگ کرن دےقابل سن بادشاہ نُوں دَسیں۔اسرائیل وچ اُٹھ لکھ تندرست تے طاقتور بندے سَن جیہڑے شمشیر ز ن کر سکدے سَن،تے یہودہ وچ ایہو جئے بندیاں دی تعداد پنج لکھ سی۔
10
-تے جنگی بندیان دی گِنتی کرن توں باہج داؤد دی ضمیر نے اوہنوں شرمندہ کیِتا اے۔اوہنے خداوند نُؤن آکھیا پئی مین اینج کر کے بڑا وڈا گناہ کیِتا اے،ہُن ایہہ خداوند میں تیری مِنت کرناآں پئی تُوں اپنے بندے دے گناہ نُوں دور کر دے ۔کیوں جو میںبری بیوقوفی کیتی اے۔
11
- اگلی سویر داؤد دے اُٹھن تَوں پہلاں خُداوند دا کلام جادَ تے جیہڑا داؤد دا غیب بین سیاُتریا۔پئی۔
12
-جا تے داؤد نُوں دَس پئی خداوند اینج آکھدا اےپئی میں تیرے سامنے تین بلاواں لیاؤناں آں۔اوہناں وِچوں اِک چُن لے جنہوں میں تیرے اُتے بھیجاں۔
13
-اینج جادؔنے داؤد دے کول جا کے اوہنوں دَسیاتے پُچھیا پئی کیِ تیرے دیس وچ تِن ورھے کال پَوے؟یا جَدوں تیرے دُشمن تیرا پیچھا کرن تے تُوں تِن ورھے اوہناں توںبھجدا پھیریں؟یا تیرے دیس وچ تِن دیہاڑے تیک وبا پھیلے؟تے ہُن تُوں چنگی طرح سوچ لے تے فیصلہ کر کے مینوںدَس پئی میں اپنے گھلن والے نُوں کی جواب دیاں؟
14
-داؤد نے جادؔنُوں آکھیا پئی میں بڑی ششو پنج وچ آں۔چنگا اے پئی اسیں خداوند دے ہتھاں وچ پیئے کیوں جو اوہدیاں رحمتاں وڈیان نیں۔پَر مینوں بندے دے ہتھاں وچ پینا قبول نئیں۔
15
-ایس لئی خُداوند نے اسرائیل تے اوس سویر توں لے کے دسے ہوئے ویلے دے ختم ہون تیک وبا بھیجی تے دانؔ توں بیرسبع تیک ستر ہزار لوک موت د شکار ہو گئے ۔
16
-تے جدوں فرشتے نے یروشلیم نُوں جیہڑا تباہ کرن لئی اپنا ہتھ ودھایا تے ایس تباہی توں خڈاوند دُکھی ہویا تے اوہنے اوس فرشتے نوں جیہڑا لوکاں نوں ہلاک کر رہیا سی آکھیاپئی بس کر! اپنا ہتھ روک لے ۔اوس ویلے خداوند دا فرشتہ اروناہؔ یبوسی دےکھلیان وچ سی۔
17
-جدوں داؤد نے اوس فرشتے نُوں جیہڑا لوکاں نُوں مار رہیا سی ویکھیا ،تے اوہنے خداوند نُوں آکھیا پئی گناہ تے میں کِیتا اے تے غلطی میتھوں ہوئی اے تے ایہہ تے صرف بھیڈاں نیں ۔اوہناں نیں کی کیِتا اے؟اینج تیرا ہتھ میرے تے ،تے میرے گھرانے تے پَوے۔
18
-اَوسے دِن جادؔ نے داؤد دے کول جا کے اوس نُوں آکھیا پئی جا تے اروناہؔ یبوُسی دے کھلیان وچ خداوند لئی اِک مذبح بنا۔
19
-اینج داؤد جیویں خداوند نے اوہنوں جادؔ دے وسیلے حُکم دِتا سی گیا۔
20
- جدؤں اروناہ ؔ تے اَکھ چُکی تے ویکھیا پئی بادشاہ تے اوہدے بندے اوہدے وَلے چلے آرہے نیں ۔اوہ چھیتی نال باہر نکلیا تے پوئیں تے مُنہ رَکھ کے بادشاہ نُوں سجدہ کیِتا ۔
21
-اروناہؔ نے آکھیا پئی میرا دیس بادشاہ اپنے بندے کول کاہدے لئی آیا اے؟داؤد نے جواب دِتا پئی تیرا کھلیان خریدن لئی تاں جو میں خڈاوند لئی اِک مذبح بنا سکاں۔فیر لوکاں تےآئی ہوئی وبا رُک جاوے گی۔
22
-اروناہ نے داؤد نُوں آکھیا پئی میرا مالک بادشاہ جو کجھ اوہنوں چنگا لگدا اے تے لَوے تے نذر چڑھاوے۔ایتھے سوختنی قربانی لئی ڈھکے نین ،تے اَگ لئی گاہن والاگٹھا ،تے ڈھگیاں دے جُوئے وی نیں ۔
23
-اے بادشاہ !اروناہ ؔ ایہہ سارا کجھ بادشاہ نُون دیندا اے،اروناہؔ نے ایہہ و ی آکھیا پئی میری دُعا اے،خدا وند تیرا خدا تیونں قبول کرے۔
24
-پَر بادشاہ نے اروناہؔنُوں جواب دِتا پئی نئیں میں تینوں قیمت دین تے ایس لئی زور دے رہیاں آں پئی میں خداوند اپنے خدا دے سامنے ایہو جئیاں سوختنی قربانیاں نئیں چڑھاواں گا جہدے تے میرا کجھ خرچ نہ ہویا ہووے ۔اینج داؤد نے اوہ کھلیان تے اوہ ڈھگے پنجاہ مِثقال چاندی دے کے خرید لئے۔
25
-تے اوہنے خداوند لئی اوتھے اِک مذبح بنایا تے سوختنی قربانیاں تے سلامتی دِیاں قربانیاں چڑھائیاں فیر خداوند نے اوس دیس لئی کیتی گئی دُعا دا جواب۔دِتا تے اسرائیل توں اوہ وبا جاؑندی رہی۔