1
-جد وں داود پہاڑ دی چوٹی توں تھوڑاَگے گیاتے ویکھومفیبوست دا نوکر ضِیبااوہنو ملیا تے اوہدے نال زِین کسےدو کھوتے سن۔جنہاں اُتے دو سو روٹیاں ،سو گچھے انگور دے ،گرمیاں دے موسم دے میویاں دے سو دانے تے مے دی اِک مشک لدی ہوئی سی۔
2
-بادشاہ نے صیبا نوں آکھیا پئی ایہناں توںتیرا کیہ مطلب اے؟ صیبا نے آکھیا ،ایہہ دو کھوتے بادشاہ دے ٹبر دی سواری لئی تے روٹی تے میوہ جواناں د ے کھان لئی اے تے مے اوہناں دے پین لئی اے جیہڑے جوان اجاڑا چہ تھک جان ۔
3
۔ بادشاہ نے آکھیا ، تیرے آقا دا پتر کتھے وے؟ تے صیبا نے بادشاہ نوں آکھیا پئی اوہ یروشلیم چہ رہ گیا ۔کیوں جو اوہنے آکھیا پئی اج اسرائیل دا ٹبر میرے پیو دی بادشاہی مینوں موڑ دے ۔
4
۔ تد بادشاہ نے صیبا نوں آکھیا ، سب کجھ جیہڑا مفیبوست دا اے اوہ سب تیرا اے ۔ صیبا نے آکھیا میں تیرے اگے متھا ٹیکنا آں ۔ اے میرے آقا بادشاہ پئی تیرے کرم دی نظر میرے تے رہوے ۔
5
۔ تے جہدوں دائود بادشاہ بحوریم چہ اپڑیا تے ویکھو اک بندہ اوتھوں نکلیا جیہڑا سائول دے ٹبر توں سی تے اوہدا ناں جیرے دا پتر سمعی سی ۔ تے اوہ ٹردا ہویا لعنت کردا جاندا سی ۔
6
۔ تے دائود تے دائود بادشاہ دے سارے نوکراں اتے وٹے سٹے ۔ اوس ویلے سارے لوکی تے سارے سورما بادشاہ دے سجے کھبے سن
7
۔ تے سمعی لعنت کردا ہویا کہندا سی ۔نکل جا ۔نکل جا ۔ اے خونی ۔اے خبیث
8
۔ سائول دے ٹبر دے سارے خون دی تھاں توں بادشاہ ہوئیاں ،تیرے تے پھیر دِیتا۔ تے تیری بادشاہی تیرے پتر ابی سلوم نوں دے دتی تے ویکھ توں اپنی بدی وچ پھسیا ایں ۔ ایس لئی کیوں جو خونی ایں ۔
9
۔ تدھ ضرویاں دے پتر ابیشے نے بادشاہ نوں آکھیا ۔ایہہ مریا ہوئیا کتا ،کیوں میرے آقا بادشاہ تے لعنت کرے ؟ مینوں اجازت دے پئی میں پار لنگھ کے اوہدا سر وڈھ دیا ۔
10
۔ بادشاہ نے آکھیا ۔اے ضرویاہ دے پترو! مینوں تے تہانوں کیہ ! اوہنوں لعنت کرن دیو کیوں جو دائود نے آکھیا اے پئی دائود اتے لعنت کرے۔ سو کون کہوے گا پئی توں اینج کیوں کرنا ایں ؟
11
- داود نیں ابیشےتے اپنے سارے درباریاں نوں آکھیا پئی ویکھو میرا پُتر جیہڑا میرے تُخم توں پیدا ہویا میری جان لینا چاہندا اے۔سو ہن اے بنیامینی ایس توں ودھ کےکی ناں کرے گا ؟اینوں لعنت کرن دیوکیوں جو خداوند اینوں حکم دِتا ہووےگا۔
12
-ہو سکدا اے پئی خداوند میری زلالت تے نظر کرے۔تے آج دے دن دی لعنت دےسببوں مینوں نیکی دا بدلہ دیوے۔
13
- تے داودتے اوہدے بندے راہ وچ ٹورے جاندےسن۔تےسمعی اوہدے بالکل سامنے پہاڑ دے کنڈے اُتے ٹور دا جاندا سی تے ٹور دا ٹور دا لعنت کر دا تے اوہدے اُتے پتھر سُٹ دا تے مٹی اڈاندا سی۔
14
-تے بادشاہ تے اوہدے نال آئے ہوئے لوکی تھک گئے سن۔سو اوہناں نیں اردن اپڑ کے اَرام کیتا ۔
15
پر ابی سلوم تے سارے لوکی اسرائیل دے بندے یروشیل وچ آئے۔اختیفل اوہناں دے نال سی۔
16
-تے جدوں داود دا دوست ارقی ہوسی ابی سلوم کول آیا تے ہوسی نیں ابی سلوم نوں آکھیا۔
بادشاہ دی سلامتی ہووے ۔بادشاہ دی سلامتی ہووے۔
17
-تے ابی سلوم نیں ہوسی نوں آکھیاکی تیرے دوست دی تیرے اُتے ایہو ای مہر بانی اے؟توں اپنے بیلی دے نال کیوں نئیں گیا؟
18
-حوسی نیں ابی سلوم نوں آکھیا اُکا نئیں سگوں جنہوں خداوند نیں تے ایناں لوکاں نیں تے اسرائیل دے سارے بندیاں نیں چُن لیا میں اوہدا ای آں تے اوہدے نال ای رہواں گا۔
19
-ایس توں اَڈ میں کہدی خدمت کراں ؟کی بادشاہ دے پُتر دی نئیں؟سو جیویں میں تیرے پیو دے حضور خدمت کیتی۔میں تیرے حضور وی اونج دا ای رہواں گا۔
20
-تے ابی سلوم نیں اخِیتُفل نوں آکھیا پئی اسی کی کریے۔
21
-تے اخِتُفل نیں ابی سلوم نوں آکھیا:پئی توں اپنے پیو دی حرم دے کول جا۔جینوں اوہنے گھر دی راکھی لئی پیچھے چھڈیا تے جیدوں سارے اسرائیلی سن لین گےپئی تیرا پیو نوں تیرے توں تھوں نفرت اے۔تے جیہڑے تیرے نال لوکی نیں اوہناں دے ہتھ مضبوط ہو جان گے۔
22
-تد ابی سلوم لئی چھت اُتے تمبو لایا گیا۔تے ابی سلوم سارے اسرائیلیاں دے سامنےاپنے پیو دیاں حرماں کول گیا۔
23
-اوہناں دیہاڑیاں وچ جیہڑی اصلاح اخِتُفل دینددا سی او س صلاح وانگ سی جیہڑی خداوند توں پچھ کے کیتی گئی ہووے۔سو اخِتُفل دی اصلاح داود دے لئی تے ابی سلوم دے لئی ایہو جیہی ای سی۔