1
. ۔ فیر اینج ہویا پئی سال دے اخیر دے بعدبادشاہواں دے جنگ دے ویلے، داود نے یواب تے اوہدئے نال اپنے سارے خادماں نوں تےسارے اسرایلیاں نون گھلیا۔ اوہناں نے بنی امون نوں قتل کیتا تے ربہ نوں جا گھیریا ،پر داود یروشلم چہ ای رہیا۔
2
. ۔ شام دے ویلےداود اپنے پلنگ توں اٹھیا تے شاہی محل دے کوٹھے تے ٹہلن لگ پیا۔ چھت توں اوہنے اک جنانی نوں ویکھیا جہیڑی نہان ڈئی سی ۔ تے اوہ جنانی بڑی سوہنی سی۔
3
. ۔ داود نے بندے گھل کے اوس جنانی بارے دریافت کیتا۔۔ کسے نے کہیا پئی کیہ اوہ العام دی دھی نیں جہڑی حتی اوریاہ دی بڈی اے؟
4
. ۔ داود نے قاصد گھل اوہنوں منگا لیا۔ اوہ داود دےکول آئی تے اوہنے اوہدے نال ہم بستری کیتی۔ اوس ویلے اوہ اپنی ناپاکی توں پاک سی ۔ فیر اوہ اپنے گھر ٹر گئی۔
5
. ۔ اوہ جنانی حاملہ ہو گئی۔ اوہنے داود نوں سنیاں گھلیا پئی میں حاملہ واں۔
6
. ۔ داود نے یواب نوں سناں گھلیا پئی حتی اوریا ہ میرے کول گھل دے۔ یواب نے حتی اوریا نوں داود کول گھلا دتا۔
7
. ۔ جدوں حتی اوریا آیا ،داود نے پچھیا پئی یواب دا کیہ حال اےتے لوکاں دا کیہ حال اے۔ جنگ دے کیہ حلات نیں۔
8
. ۔ فیر داود نے اوریاہ نوں آکھیا، پئی اپنے گھر جا تے اپنے پیر دھو۔ اوریاہ بادشاہ دے محل چوں نکلیا تے اوہدے پچھے پچھے شاہی کھانا گھلیا گیا۔
9
. ۔ پر اوریاہ بادشاہ دے محل دے دروازہ تے ای اپنے مالک دے سارے خادماں کول سوں گیا تے اپنے گھر نہ گیا۔
10
. ۔ جدوں داود نوں اوہناں دسیاپئی اوریاہ اپنے گھر نیں گیا۔ داود نے اوریا ہ نوں آکھیا ۔ کیہ توں سفر توں نیں آیا، فیر توں اپنے گھر کیوں نیں گیا۔
11
. ۔ اوریاہ بولیا ، پئی صندوق تےاسرائیل تے یہوداہ تنبواں چ رہن ،تے یواب میرا مالک تے میرے مالک بادشاہ دے خادم، کھلے میداناں چہ ڈیرے لان ، تے میں اپنے گھر دے اندر جاواں ، کھا واں تے پیواں تے اپنی بڈی نال سواں؟ تیری حیاتی تے تیری جند دی سوں میں اینج نیں کر سکدا۔
12
. ۔ داود نے اوریا ہ نوں آکھیا پئی اج دے دن رک جا۔ میں تینوں کل ٹور دیاں گا۔ سو اوریاہ اودن تے اگلے دن یروشلم چہ رہیا۔
13
. ۔ فیر داود نے اوہنوں سدیا ۔ اوہنے اوہدے سامنے کھادا تے پیتا۔ تے اوہنے اوہنوں پیا کے متوالا کر دتا۔ پرشام نوں اوہ با ہر گیا پئی اپنے مالک دے خادماں نال سوں رہوے۔ پر اپنے گھر نا ں گیا۔
14
. ۔ فیر سویر ہوئی تے داود نے یواب نوں چٹھی لکھی تے اوریاہ دے ہتھ گھل دتی۔
15
. ۔ تے اوس خط چہ آکھیا، پئی جہڑے پاسے بہتی جنگ ہووے ، اوریاہ نوں اوتھے رکھنا۔ تے اوہدے لاگیوں ہٹ جانا۔ تانجو اوہ زخمی ہووئے تے مر جائے۔
16
. ۔ فیر اینج ہویا پئی جدوں یواب نے شہردا حساب لا لیا ، اوہنے اوریاہ نوں اوتھے کھلار دتا جتھے اوہ جاندا سی پئی تگڑے بندے نیں کھلوتے ہوئے نیں ۔
17
. ۔ فیر شہر دے لوکی باہر نکلے تے یواب نال لڑے تے داود دے کجھ لوکی مارےگئے تے حتی اوریاہ وی ماریا گیا۔
18
. ۔ یواب نے بندے گھل کے داود نوں سارا حال بیان کیتا۔
19
. ۔ تے اوہنے قاصد نوں حکم کیتا پئی جدوں توں بادشاہ نوں نال لڑائی دا سارے حال سنا لویں۔
20
. ۔ تے اوہ غصہ نال بھر جاے تےآکھے پئی تسی لڑن لئی کند دے لاگے کیوں گئے۔ کیہ تہانوں پتہ نیں سی پئی اوہ کند توں وار کرن گے۔
21
. ۔ یربست دے پتر ابی ملک نوں کہنے مارایا؟ کی اک عورت نے چکی دا پُڑا اوہدے تے اینج نیں سی سٹیا پئی اوہ تبی ض چ مر گیا؟ سو تسیں کند دے لاگے کیوں گئے۔ فیر توں آکھیں پئی تیرا خادم حتی اوریاہ وی ماریا گیا۔
22
. ۔ فیر قاصد ٹر پیا تے اپڑ کے ساریاں گلاں داود نوں دسیاں جہناں بارے یواب نے اوہنوں کہیا سی۔
23
. ۔ تے قاصد نے داود نوں آکھیا پئی لوک ساڈے تےغالب آئے تے اوہ ساڈے ول میدان چہ نکلے تے اسیں اوہناں دا پچھا کردیاں ہویاں پھاتک تک گئے۔
24
. ۔ فیر کند دے اُتوں تیر مار ن والیاں نے تیرے خادماں تے تیر چلائے۔ تے باشاہ دے خادماں چوں کجھ مر گئے۔ تے تیرا خادم حتی اوریاہ وی مر گیا اے۔
25
. ۔ داود نے قاصد نوں کہیا، توں یوآب نوں اینج آکھیں پئی ایہہ گل تینوں بے حوصلہ نہ کرے ۔ کیونجو تلوار کدی کسے نوں تے کدی کسے نوں کھا جاندی اے۔ اپنی جنگ نوں شہر دے خلاف ہور تیز کر دے تے اوہنوں برباد کردے۔ تے توں اوہنوں حوصلہ دیویں۔
26
. ۔ اوریاہ دی بڈی نے سنیا پئی اوہدا بندہ اوریاہ مر گیا اے۔ تے اوہنے اپنے گھر والے لئی وین پائے۔
27
. ۔ جدوں اوہدے وین دے دن پورے ہو گئے، تے داود نے اوہنوں سد کے اپنے گھر رکھ لیا۔ تے اوہ اوہدی گھر آلی بن گئی تے اوہدے وچوں اوہدے لئی اک منڈا پیداہویا۔ تے ایہہ کم جہیڑا داود نے کیتا سی خداوند ایس توں ناراض ہویا۔