1
۔ تے یوشی یاہ جس ویلے بادشاہ بنیا ۔ اٹھ ورھیاں دی عمر دا سی ۔ تے اوہنے تروشلیم وچ اکتی ورھے بادشاہی کیتی ۔
2
۔ اوہنے اوہی کم کیتے جیہڑے خدا وند دی نظر وچ سدھے سن ۔ تے اپنے پیو دادے دیاں راہواں تے تریا ۔ تے اوہناں کولوں سجے یا کھبے اگے نہ ودھیا ۔
3
۔ تے اپنی بادشاہی دے اٹھویں ورہے وچ جدوں اوہ حالی مُنڈا سی ۔ اوہ اپنے پیو دائود دے خدا نوں لبھن لگا پیا ۔ تے بارہویں ورہے یہودہ تے یروشلیم نوں اوچیاں تھانوں تے کھمبیاں تے بتاں تے ڈھالیاں ہویاں تے گھڑیاں ہویاں مورتاں توں پاک کرنا شروع کیتا ۔
4
۔ تے لوکاں نے اوہدے ساہمنے بعلیم دے مذبحیاں نوں ڈھایا تے سوج دے تھماں نوں جیہڑے اوہناں دے اُتے سن تروڑ دتا ۔ تے کھمبیاں نوں کٹ دتا ۔ تے گھرٰاں ہویاں تے ڈھالیاں ہویاں مورتاں نوں ۔ ریزی ریزہ کر کے مٹی کر دتا ۔ تے مٹی نوں اوہناں دی قبراں تے پایا ۔ جنہاں نے اوہناں لئی قربانیاں کیتیاں سن ۔
5
۔ تے اوہنے اوہناں دیاں کاہناں دیاں ہڈیاں اُن دے مذبحیاں تے ساڑیاں ۔ تے یہودہ تے یروشلیم نوں پاک کیتا ۔
6
۔ تے منسے تے افرائیم تے شمعون دے شہراں وچ سگوں نفتالی تیکر سنے اوہناں اُجاڑاں دے جیہڑے اوہناں دے آلے دوالے سن ۔
7
۔ اوہنے مذبحیاں تے اوہدے کھمبیاں نوں دور کیتا ۔ تے گھڑے ہوئے بتاں نوں ریزہ ریزہ کر کے مٹی وچ رلا چھڈیا ۔ ۔ تے ساورج دے سارے تھماں نوں اسرائیل دے سارے دیس وچ تروڑ سٹیا ۔ تد اوہ یروشلیم وچ مڑ کے آیا ۔
8
۔ تے اوہدی بادشاہی دے اٹھارویں ورھے جدوں اوہ جدوں اوہ دیس نوں تے گھر نوں پاک کر چکیا ۔ اوہنے صافان بن اصکل یاہ تے شہر دے رئیس معسے یاہ تے یو آح بن یو آحا ز مورخ نوں خدا وند اپنے خدا دے گھر دی مرمت کرن نوں گھلیا ۔
9
۔ اوہ حلقی یاہ سردار کاہن دے کول آئے ۔ تے پیسے لتے ۔ جیہڑے خدا وند دے گھر وچ لیائے گئے سن ۔ اوہدے وچوں جیہڑے دروازیاں دے رکھوالے لاویاں نے منسے تے افرائیم دے ہتھوں تے سارے بچے ہوئے اسرائیل توں تے سارے یہودہ تے بنیامین توں جمع کیتے سن ۔ اوہ یروشلم نوں مُڑے ۔
10
۔ تے کم کرن آ لیاں دے ہتھاں وچ جیہڑے خدا وند دے گھر وچ لگے ہوئے سن دے دتے ۔ تے خدا وند دے گھر دے کم کرن آلیاں نے گھر دی مرمت تے اصلاح لئی رکھے ۔
11
۔ تے ترکھاناں تے کاری گراں نوں دتے ۔ تاں جوڑن لئی گھڑے ہوئے پتھر تے گھراں لئی شہتیر خریدے جنہاں نوں یہودہ دے بادشاہواں برباد کیتا ۔
12
۔ تے بندے امنت داری نال کم کردے سن ۔ تے بنی مراری وچوں یحت تے عوبید یاہ لاوی اوہناں دے کم نوں ویکھن آلے سن ۔ تے بنی قہات توں زکریاہ تے مشلام کم کرواندے سن ۔ تے لکاویاں وچوں اوہ سارے جیہڑے راگ دے سازاں دے ماہر سن ۔
13
۔ تے اوہ بھار چکن آلیاں دے تے ساریاں دے جیہڑے کسی قسم دا کم کردے سن دروغے سن ۔ تے لاویاں وچوں کاتب تے انتظام کرن آلے تے دربان سن ۔
14
۔ جدوں اوہناں نے اوہ پیسے جیہڑے خدا وند دے گھر توں لیائے گئے سن باہر کڈھے ۔ تاں حلقی یاہ کاہن نے خدا وند دی شریعت دی کتاب لتی جیہڑی موسیٰ دے ہتھ دی سی ۔
15
۔ تے حلقی یاہ نے شافان کاتب نوں آکھیا ۔ پئی میں شریعت دی کتاب خدا وند دے گھر وچوں لتےی اے ۔ تے حلقی یاہ نے اوہ کتاب شافان نوں دے دتی
16
۔ تد شافان اوہ کتاب بادشاہ دے کول لیایا ۔ تے بادشاہ نوں ایس گل دی خبر دے کے آکھیا ۔ پئی سب کچھ جیہڑا تیرے خادماں نوں دتا گیا سی اوہ کردے نیں ۔
17
۔ تے اوہناں نے اوہ پیسے جو خدا وند دے گھر وچوں لتے گئے تے مختاراں تے کم دے دروغیاں دے ہتھ وچ دتے ۔
18
۔ تے شافان کاتب نے بادشاہ نوں خبر دے کے آکھیا ۔ پئی حلقی یاہ کاہن نے مینوں ایہہ کتاب دتی اے ۔ تے شافان نے بادشاہ دے ساہمنے اُس وچوں پڑھیا ۔
19
۔ جدوں بادشاہ نے شریعت دیاں گلاں سنیاں تاں اُس نے اپنے لیڑے پاڑے ۔
20
۔ تے بادشاہ نے حلقی یاہ تے احی قام بن شافان تے عبدون بن میکا تے شافان کاتب تے بادشاہ دے نوکر عسایاہ نوں حکم دے کے آکھیا ۔
21
۔ پئی جائو تے میرے لئی تے اسرائیل تے یہودہ وچ دوجیاں لئی اس کتاب دے کلام دے بارے وچ جیہڑی ملی خدا کولوں پچھو ۔ کیوں جو خدا وند دا قہر جیہڑ ساڈے تے پیا اے وڈا اے ۔ ایس لئی کہ ساڈے پیو دادا نے خدا دے کلام نوں نہ منیا ۔ پئی سب کچھ جیہڑا ایس کتاب وچ لکھیا گیا اے اُس تے عمل کرو ۔
22
۔ تد حلقی یاہ تے اوہ جنہاں نوں بادشاہ نے حکم دتا حلدہ نبیہ دے کول گئے جیہڑا توشہ خانے دے دروغہ شلوم بن تقبت بن حسرہ دی بیوی سی ۔ تے یرو شلیم دے دوجے حصے وچ رہندی سی ۔ تے اوہناں نے اوہنوں اس بارے وچ آکھیا ۔
23
۔ تاں اوہنے اوہناں نوں آکھیا ۔ خدا وند اسرائیل دا خدا انج فرماندا اے پئی تسیں اُس بندے نوں جنے تہانوں میرے کول گھلیا انج آکھو ۔
24
۔ پئی خدا وند فرماندا اے ۔ ویکھو میں ایس تھاں تے ایہدے واسیاں تے بلا لاہواں گا ۔ تے اوہ ساریاں لعنتاں جیہڑیاں ایس کتاب وچ لکھیاں گیاں نیں ۔ جیہڑی یہودہ دے بادشاہ دے اگے پڑھی گئی ۔
25
۔ کیوں جو اوہناں مینوں چھڈیا ۔ تے اوپرے معبودائی اگے خوشبوئی ساڑی ۔ تاں جو اپنے ہتھاں دے ساریاں کماں نال مینوں غصہ دوان ۔ اس لئی میرے قہر ایس تھاں تے بھڑکے گا ۔ تے نہیں بجھے گا ۔
26
۔ پر شاہ یہودا جس نے تہانوں گھلیا ۔ پئی خدا وند کولوں پچھو ۔ سو تسیں اوہنوں انج آکھو ۔ پئی خدا وند اسرائیل دا خدا انج فرماندا اے ۔ پئی ایس کلام دے بارے جیہڑا توں سنیا ۔
27
۔ کیوں جو تیرا دل نرم ہویا تے توں خدا دے حجور عاجزی کیتی جس ویلے توں اوہدا کلام اس تھاں دے خلاف تے اہدے واسیاں دے خلاف سنیا ۔ تے توں میرے ساہمنے عاجزی کیتی ۔ تے اپنی عاجزی وچ اپنے لیڑے پاڑے ۔ تے توں میرے اگے رویا ۔ تاں میں وی تیری سنی ۔ خدا وند فرماندا اے ۔
28
۔ پئی ویکھ ۔ میں تینوں تیرے پیو دادا نال رلاواں گا ۔ تے توں سلامتی نال اپنی قبر وچ جاویں گا ۔ تے تیریاں اکھاں اُس آفت نوں جیہڑی میں اُس تھاں اُتے تے اُس دے واسیاں تے لیاواں گا نہیں ویکھن گیاں ۔ ۔ تے اوہناں بادشاہ نوں ایہہ گلاں آکھیاں ۔
29
۔ تد بادشاہ نے قاصد گھل کے یہودہ تے یروشلیم دے ساریاں بزرگاں نوں کٹھا کیتا ۔
30
۔ تے بادشاہ خدا وند دے گھر نوں گیا ۔ تے یہودہ دے سارے بندے تے یروشلیم واسی تے کاہن تے لاوی تے سارے لوک کی وڈے تے کیہ نکے اوہدے نال سن ۔ تے اوہنے اوہناں نوں عہد دی کتاب دیاں ساریاں گلاں جیئہڑی خدا وند دے گھر وچ سن پڑھ کے سنایاں ۔
31
۔تے بادشاہ منبر تے کھلوتا ۔ تے خدا وند دے حجور عہد کیتا ۔ پئی اوہ خدا وند دی پیروی کرن گے تے اوہدے حکماں تے شہادتاں تے قانوناں نوں اپنے سارے دل نال تے اپنی ساری جان نال مناں گے ۔ تاں جو اُس کلام تے جیہڑا اس کتاب وچ لکھیا گیا اے عمل کرئیے ۔
32
۔ تے اوہنے اوہناں ساریاں نوں جیہڑے جیہڑے یروشلیم تے بنیامین وچ سن سونہہ دتی ۔ تاں یروشلیم واسیاں نے اپنے پیو دادادے دے خدا دے عہد مطابق عمل کیتا ۔
33
۔ تے یوشی یاہ نے سارے مکروہات نوں بنی اسرائیل دیاں ساریاں علاقیاں وچوں دفع کیتا ۔ تے ساریاں نوں جیہڑے اسرائیل وچ پائے گئے خدا وند اپنے خدا دی عبادت ول سدیا ۔ تاں اوہ اوہدے ساریاں دناں وچ خدا وند اپنے پیو دادے دے خدا دی پیروی کرن توں نہ پھرے ۔