¹ ۔ جدوں سار ا کچھ مکیا ۔ تاں سارے اسرائیلی جیہڑے اوتھے سن یہودہ دے شہراں وچ گئے ۔ تے تھماں نوں تروڑیا تے کھمبیاں نوں کٹیا ۔ تے سارے یہودہ تے بنیامین دی سگوں افرائیم تے منسے دی وی اچیاں تھانواں تے مذبحیاں نوں اُکا پدھرا کیتا ۔ تد بنی اسرائیل اپنی اپنی میراث نوں اپنے اپنے شہراں وچ مڑ آئے ۔ ² ۔ تے حزقی یاہ نے کاہناں تے لاویاں دی واریاں نوں اوہناں دیاں واریاں دے مطابق ہر اک نوں اوہدی خدمت دے موافق یعنی کاہناں تے لادیاں نوں سوختنی قربانیاں تے سلامتی دے ذبحیاں لئی خدمت کرنے تے تعریف کرن تے خدا وند دے درباراں دے پھاٹکاں تے حمد گاون لئی مقرر کیتا ۔ ³ ۔ تے بادشاہ نے اپنی جائیداد وچوں سوختنی قربانیاں تے صبح شام دیاں سوختنی قربانیاں تے سبتاں تے نویں چناں تے عیداں دی سوختنی قربانیاں لئی جیویں کہ خدا وند دی شریعت وچ لکھیا ہویا اے حصہ دتا ۔ ⁴ ۔ تے اوہنے لوکاں نوں جیہڑے یروشلیم وچ رہندے سن حکم دتا ۔ پئی کاہناں تے لاویاں نوں اوہناں دا حصہ دیوو ۔ تاں جو اوہ خدا وند دی شریعت لئی ویہلے رہن ۔ ⁵ ۔ جدوں ایہہ حکم مشہور ہویا ۔ تان بنی اسرائیل کنک دے پہلے پھلاں تے مے تے تیل تے ماکھیو تے پیلیاں دی ساری پیداوار وچوں بہت کچھ لیائے ۔ تے ساریاں شیواں دا دسوں حصہ وڈی گنتری وچ لیائے ۔ ⁶ ۔ تے انج ای بنی اسرائیل تے یہودہ جیہڑے یہودہ دے شہراں وچ رہندے سن ۔ گاواں بلداں تے بھیڈاں بکریاں دا داہواں حصہ جیہڑا خدا وند اوہناں دے خدا لئی پاک کیتا ں گیاں سن لے آئے ۔ تے اوہناں دے ڈھیراں دے ڈھیر لا دتے ۔ ⁷ ۔ تے تیجے مہینے وچ اوہناں ڈھیر لانے شروع کیتے تے ستویں مہینے وچ ختم کیتے ۔ ⁸ ۔ جدوں حزقی یاہ تے سردار آئے تے اوہناں ڈھیراں نوں ویکھیا ۔ تاں اوہناں خدا وند نوں تے اوہدی قوم اسرائیل نوں مبارک آکھیا ۔ ⁹ ۔ تے حزقی یاہ نے کاہناں تے لاویاں کولوں ڈھیراں بارے پچھیا ۔ ¹⁰ ۔ تاں صادوق دے گھرانے دے عزر یاہ سردار کاہن نے جواب دے آکھیا ۔ جدوں دا خدا وند دے گھر نذراں دا آنا شروع ہویا ۔ تد دے اسیں کھان پین توں رجے ہوئے ہاں ۔ تے ساڈے کولوں بہتا بچ رہیا اے ۔ کیوں جو خدا نے اوہناں لوکاں نوں برکت دتی اے ۔ تے جیہڑا بچ گیا اے اوہ ایہو وڈا ڈھیر اے ۔ ¹¹ ۔ حزقی یاہ نے حکم دتا ۔ کہ خدا وند دے گھر وچ گودام بنائو ۔ تاں اوہناں بنوا دتے۔ ۔ ¹² تے اوہ ہدیاں نوں تے دہ یکیاں تے متھیاں ہویاں شیواں نوں امانت داری نال اوہناں وچ لیائے تے اوہناں اُتے کنن یاہ لاوی مختار سی تے اوہدا بھرا شمعی نائب سی ۔ ¹³ ۔ تے حزقی یاہ بادشاہ تے خدا دے گھر دے سردار عزر یاہ دے حکم تے یحی ایل تے عزر یاہ تے نحت تے عسائیل تے یرموت تے یوزا باد تے الی ایل تے یسمکیاہ تے محت تے بنایاہ کنن یاہ تے اوہدے بھرا شمعی تے ماتحت دروغے سن ۔ ¹¹ ۔ حزقی یاہ نے حکم دتا ۔ کہ خدا وند دے گھر وچ گودام بنائو ۔ تاں اوہناں بنوا دتے۔ ۔ ¹² تے اوہ ہدیاں نوں تے دہ یکیاں تے متھیاں ہویاں شیواں نوں امانت داری نال اوہناں وچ لیائے تے اوہناں اُتے کنن یاہ لاوی مختار سی تے اوہدا بھرا شمعی نائب سی ۔ ¹³ ۔ تے حزقی یاہ بادشاہ تے خدا دے گھر دے سردار عزر یاہ دے حکم تے یحی ایل تے عزر یاہ تے نحت تے عسائیل تے یرموت تے یوزا باد تے الی ایل تے یسمکیاہ تے محت تے بنایاہ کنن یاہ تے اوہدے بھرا شمعی تے ماتحت دروغے سن ۔ ¹⁴ ۔ تے قورے بن یمعنہ لاوی چڑھدے پاسے دا دربان خدا وند دیاں قربانیاں جیہڑیاں خوشی نال دتیاں جاندیاں سن مختار سی ۔ تاں جو خدا وند دے ہدیے تے پاک ترین چیزاں نوں ونڈے ۔ ¹⁵ ۔ تے کاہناں دے شہراں وچ عادن تے بنیامین تے یسوع تے شمع یاہ تے امر یاہ تے شکن یاہ اوہدے ماتحت سن ۔ تاں جو اپنے بھراواں نوں اوہناں دیاں واریاں مطابق کیہ وڈے تے کیہ نکے امانت داری نال حصہ ونڈن ۔ ¹⁶ ۔ بشرطیکہ اوہ اویہناں مزدوراں دی گنتری وچ درج ہوون جو تن ورھیاں دی عمر تے ایس توں زیادہ دے سن ۔ اوہناں ساریاں نوں جیہڑے اپنیاں واریاں دے مطابق خدا وند دے گھر وچ اپنے ذمے دی خدمت لئی دنو دنی آندے سن ۔ ¹⁷ ۔ کاہناں دا ایہہ اندراج اوہناں دے آبائی گھرانیاں مطابق ہویا ۔ تے اوہناں لاویاں دا جیہڑے ویہہ ورھے دی عمر تے اُس توں زیادہ دے سن اوہناں دیاں واریاں تے ذمے مطابق ۔ ¹⁸ ۔ اندراج پورے گھرانے دا سی بچیاں تے زنانیاں تے پتراں تے دھیاں سنے ۔ کیوں جو اپنی خدمت دے کارن اوہ پاک شیواں وچ شریک ہون دے حق دار سن ۔ ¹⁹ ۔ تے بنی ہارون کاہناں لئی وی جیہڑے ۔ ساریاں شہراں وچ اپنے شہراں دے آلے دوالے پیلیاں وچ سن ۔ اجہے بندے ناں توں ناں نال مقرر کیتے گئے جیہڑے کاہناں وچوں ہر مرد نوں تے ہر اک درج ہوئے لاوی نوں حصہ دین ۔ ²⁰ ۔ تے حزقی یاہ نے سارے یہودہ وچ انج ای کیتا ۔ تے خدا وند اپنے خدا دے ساہمنے نیکی تے سدھے کم تے سچائی کیتی ۔ ²¹ ۔ ہر اک کم خدا دے گھر دی خدمت دا تے خدا دا چاہون آلا ہو کے اوہدے حکماں تے شریعت دی راکھی دا جیہڑا اوہنے شروع کیتا ۔ اپنے پورے دل نال کیتا ۔ تے کامیاب ہویا ۔