¹ ۔ جدوں ستواں ورھا ہویا ۔ یویا داع نے زور پھڑیا ۔ تے سیکڑیاں دے سرداراں عزر یاہ بن یروحام تے اسماعیل بن یوحان تے عزر یاہ بن عوبید تے معسے یاہ بن عدایاہ تے الی شاقط بن زکری نوں عہد کر کے اپنے نال ملا لتا ۔ ² ۔ تے اوہ یہودہ وچ گئے تے یہودہ دے سارے شہراں وچوں لاویاں نوں تے اسرائیل دے آبائی سرداراں نوں کٹھا کیتا ۔ تے اوہ یرو شلیم وچ آئے ۔ ³ ۔ تے ساری جماعت نے خدا دے گھر وچ بادشاہ دے نال عہد بنھیا ۔ تے یویا داع نے اوہناں نوں آکھیا ۔ ویکھو بادشاہ دا پتر بادشاہی کرے گا ۔ جیوٰیں کہ خدا وند نے دائود دے پتراں بارے فرمایا اے ۔ ⁴ ۔ تے توں انج کر پئی کاہناں تے لاویاں وچوں جیہڑے ثبت اندر آوندے نیں ۔ اک تہائی سردل تے دربان ہوون ۔ ⁵ ۔ تے اک تہائی بادشاہ دے گھر وچ ۔ تے اک تہائی بنیاد دے پھاٹک تے ۔ تے سارے لوک خدا دے ویہڑیاں وچ ہوون ۔ ⁶ ۔ تے خدا دے گھر دے اندر کوئی نہ آوے ۔ بناں کاہناں تے لاویاں دے جیہڑے سیوا کرن آلے نیں ۔ اوہی اندر آون ۔ کیوں جو اوہ پاک نیں ۔ تے باقی لوک خدا دی راکھی تے لگے رہن ۔ ⁷ ۔ تے لاوی بادشاہ دوالے رہن ہر بندہ اپنے ہتھیار اپنے ہتھ وچ رکھے تے جیہڑا کوئی گھر دے اندر آئے قتل کیتا جاوے ۔ تے اوہ بادشاہ دے اندر جاون تے باہر آون تے اوہدے نال رہن ۔ ⁸ ۔ سو لاویاں تے سارے یہودہ نے یویا داع کاہن دے حکم مطابق عمل کیتا تے اوہناں نے اپنے ساریاں بندیاں نوں لتا جیہڑے سبت دے دن اندر آئے سنے اوہناں دے جیہڑے سبت نوں باہر گئے ۔ کیوں جو یویا داع کاہن نے واری داراں نوں وداع نہیں کیتا سی ۔ ⁹ ۔ تے یویا داع کاہن نے دائود بادشاہ دے نیزے تے پھریاں تے ڈھالاں جیہڑیاں خدا دے گھر وچ سن سیکڑاں دے سرداراں نوں دتیاں ۔ ¹⁰ ۔ تے اوہنے ساریاں لوکاں نوں ہراک د ے ہتھ وچ ہتھیار دے کے گھر دی سجے پاسیوں لے کے گھر دے کھبے پاسے تیکر مذبحے تے گھر دے نیڑے بادشاہ دے دوالے گھیرا پائے ہوئے کھلاریا۔ ¹¹ ۔ تے اوہناں نے بادشاہ دے پتر نوں کڈھیا ۔ تے اوہدے اُتے تاج رکھ کے شہادت نامہ دتا ۔ تے اوہنوں بادشاہ بنایا ۔ تے یویا داع تے اوہدے پتر ان نے اوہنوں مسح کیتا تے بولے ۔ بادشاہ جیوندا رہوے ۔ ¹² ۔ تے عتل یاہ نے لوکاں دا رولا سنیا ۔ جیہڑے بھجدے تے بادشاہ نوں دعا دیندے سن ۔ تاں اوہ خدا دے گھر وچ لوکاں دا کول آئی ۔ ¹³ ۔ تے اوہنے نظر پائی تاں ویکھیا کہ لاہنگے دے کول بادشاہ منبر تے کھلوتا اے ۔ تے رئیس تے نرسنگے وجان آلے بادشاہ دے کول نیں تے سارے لوکی خوشی کردے تے نرسنگے وجاندے نیں ۔ تے گان آلے موسیقی دے سازاں نال حمد گارہے نیں۔ تاں عسل یاہ نے اپنے کپڑے پاڑے تے آکھیا ـ غدر اے غدر ! ¹⁴ ۔ تد یویا داع کاہن سیکڑاں دے سرداراں نوں جیہڑے فوج دے اُتے لگے ہوئے سن باہر کڈھ لیایا تے اوہناں نوں آکھیا کہ ایہنوں صفاں وچوں باہر کرو ۔ تے جو کوئی ایہدی پیروی کرے اوہنوں تلوار نال قتل کرو۔ کیوں جو کاہن نے آکھیا اے ۔ پئی اوہ خدا دے گھر دے اندر قتل نہ کیتی جاوے ۔ ¹⁵ ۔ تد اوہناں نے اوہدے لئی راہ چھڈی جس ویلے اوہ گھوڑے تے پھاٹک دے لاہنگے دے کول بادشاہ دے گھر نوں جا رہی سی ۔ تے اوہنوں اوتھے قتل کر دتا ۔ ¹⁶ ۔ تے یویا داع نے اپنے درمیان تے ساریاں لوکاں تے بادشاہ دے دوران عہد بدھا ۔ پئی اوہ خدا وند دے لوک ہوون ۔ ¹⁷ ۔ تے سارے لوک بعل دے گھر وچ داخل ہوئے تے اوہنوں ڈھا چھڈیا۔ تے اوہدے مذبحیاں تے اوہدیاں مورتاں نوں ٹکڑے ٹکڑے کیتا ۔ تے بعل کاہن متان نوں مزبحیاں دے سامنے قتل کیتا ۔ ¹⁸ ۔ تے یویا داع نے خدا وند ے گھر وچ کاہناں تے تلے لادیاں نوں ناظر مقرر کیتا ۔ جنہاں دی دائود نے خدا وند دے گھر واریاں لائیاں سن ۔ تاں جو خدا وند لئی سوختنی قربانیاں چڑھاون ۔ جیویں کہ موسیٰ دی شریعت وچ لکھیا ہویا اے ۔ خوشی نال تے راگاں نال جیویں کہ دائود دا طریقہ سی ۔ ¹⁹ ۔ تے اوہنے خدا وند دے گھر دے پھاٹکاں اُتے دربان مقرر کیتے کہ جیہڑا کسے شے نال پلیت ہوے اوہ اندر نہ جاوے ۔ ²⁰ ۔ تے اوہنے سیکڑاں دے سردارتے امیراں تے لوکاں دے حاکماں تے دیس دے سارے لوکاں نوں نال لتا تے بادشاہ نوں خدا وند دے گھر توں لے آیا ۔ تے اوہ اُچے پھاٹک دی راہ بادشاہ دے گھر نوں آئے تے اوہناں نے بادشاہ نوں دیس دے تخت تے بٹھایا۔ ²¹ ۔ تے دیس دے سارے لوک خوش ہوئے ۔ تے شہر نوں چین آیا ۔ تے عتل یاہ نوں اوہناں تلوار نال قتل کیتا ۔