¹ ۔ تے اوہدا پتر یوشا فاط اوہدی تھاں بادشاہ بنیا ۔ تے اوہنے اسرائیل دے مقابلے وچ اپنے آپ نوں مضبوط کیتا ۔ ² ۔ اوہنے یہودہ دے سارے حصین شہر اں وچ فوج رکھی ۔ تے یہودہ دے دیس تے افرائیم دے اوہناں شہراں وچ پہریدار بٹھائے جیہڑے اوہدے پیو آسا نے لتے سن ۔ ³ ۔ تے خدا وند یوشا فاط دے نال سی ۔ کیوں جو اپنے پیو دیاں راہوں تے تریا تے بعلیم نوں نہ لبھیا ۔ ⁴ ۔ سگوں اپنے پیو دادا دے خدا دا چاہوان ہویا ۔ تے اوہدے حکماں تے نہ کہ اسرائیل دے حکماں تے چلیا ۔ ⁵ ۔ تاں خدا وند نے اوہدے ہتھوں سلطنت نوں قائم کیتا ۔ تے سارے یہودہ اوہدے کول تحفے لیاندے سن ۔ ایس لئی اوہدی دولت تے عزت ودھیک ہوئی ۔ ⁶ ۔ تے اوہدا دل خدا وند دیاں راہواں وچ بہادر ہویا ۔ تے اوہنے یہودہ وچوں اُچیاں تھانواں تے کھمبے دور کروائے ۔ ⁷ ۔ تے اپنی بادشاہی دے تیجے سال وچ اوہنے سرداراں بن حائل تے عوبد یاہ تے زکریاہ تے نتن ایل تے میکا یاہ نوں گھلیا ۔ تاں جو اوہ یہودہ دے شہراں وچ تعلیم دیون ۔ ⁸ ۔ تے اوہدے نال لاویاں وچوں شمع یاہ تے نتن یاہ تے زہد یاہ تے عسائیل تے شمیرہ موت تے یونا تان تے ادونی یاہ تے طوبی یاہ لاویاں نوں ۔ تے اوہناں دے نال الی شا ماع تےیورام کاہناں نوں ۔ ⁹ ۔ تاں اوہ یہودہ وچ پڑھاندے سن تے اوہناں کول خدا وند دی شریعت دی کتاب سی تے اوہ یہودہ دے سارے شہراں وچ تعلیم دیندے ہوئے تُردے پھردے سن ۔ ¹⁰ ۔ تے زویں دی اوہناں ساریاں بادشاہیاں تے خدا وند دا رعب سی ۔ جیہڑیاں یہودہ دے آلے دوالے سن ۔ تاں اوہناں نے یوشا فاط نال لڑائی نہ کیتی ۔ ¹¹ ۔ تے فلسطینیاں وچوں بعضے یو شا فاط کول تحفے تے جزیہ دی چاندی لیائے ۔ تے انج عرب واسی چوپایاں وچوں ست ہزار ست سو بھیڈو تے ست ہزار ست سو بکرے لیائے ۔ ¹² ۔ تے یوشا فاط ودھیا ۔ تے بہت وڈا ہو گیا ۔ تے اوہنے یہودہ وچ گنبد تے گودام لئی شہر بنوائے ۔ ¹³ ۔ تے یہودہ دے شہر وچ اوہدا بڑا کاروبار سی ۔ تے یروشلیم وچ اوہدے جنگی بندے یعنی دلیر بہادر سن ۔ ¹⁴ ۔ اوہناں دے جدی گھرانیاں مطابق اوہناں دی ایہہ گنتری سی ۔ یہودہ وچ ہزاراں دے سردار ایہہ سن ۔ سردار عدنہ تے اوہدے نال بہادر تے دلیر مرد تن لکھ ۔ ¹⁵ ۔ اوہدے تھلے سردار یوحانان تے اوہدے نال دو لکھ اسی ہزار ۔ ¹⁶ ۔ تے اوہدے تھلے عمس یاہ بن زکری جہنے خوشی نال اپنے آپ نوں خدا وند دے حوالے کیتا سی تے اوہدے نال دو لکھ بہادر دلیر مرد سن ۔ ¹⁷ ۔ تے بنیامین وچوں الیاداع بہادر دلیر بندہ تے اوہدے نال دو لکھ کمان تے ڈھال نال مسلح سن ۔ ¹⁸ ۔اوہدے تھلے یوزا باد تے اوہدے نال اک لکھ اسی ہزار لڑائی لئی تیار سن ۔ ¹⁹ ۔ ایہہ بادشاہ دے حضور خدمت گزار سن ۔ سوائے اوہناں دے جنہاں نوں بادشاہ نے سارے یہودہ دے حصین شہراں وچ مقرر کیتا ۔ ¹⁷ ۔ تے بنیامین وچوں الیاداع بہادر دلیر بندہ تے اوہدے نال دو لکھ کمان تے ڈھال نال مسلح سن ۔ ¹⁸ ۔اوہدے تھلے یوزا باد تے اوہدے نال اک لکھ اسی ہزار لڑائی لئی تیار سن ۔ ¹⁹ ۔ ایہہ بادشاہ دے حضور خدمت گزار سن ۔ سوائے اوہناں دے جنہاں نوں بادشاہ نے سارے یہودہ دے حصین شہراں وچ مقرر کیتا ۔