¹ ۔ تے ابیاؔہ اپنے پیو دادا نال سوں گیا ۔ تے داود دے شہر وچ دفنایا گیا۔ تےاوہدہ پتر آساؔاوہدی تھاں بادشاہ بنیا۔ تےاوہدیاں دناں وچ دیس نے دس ورھے امن ویکھیا۔ ² ۔ تے آساؔنےخداونداپنے خدا دی نظر وچ نیکی تے سدھے کم کیتے۔ ³ تے محراباں نوں تروڑ دتا تے کھمبیاں نوں کٹ دتا۔ تے اوہنے اوپریاں مذبحیاں تے اچی تھاواں نوں ڈھا دتا۔ ⁴ ۔ تے یہودہ نوں حکم دتا کہ خدا وند اپنے خدا نوں ڈھونڈو تے اوہدی شریعت اُ تے تے اوہدے حکماں تے عمل کرو۔ ⁵ تے اوہنے یہودہ دے سارے شہراں وچوں اچیاں تھانواں تے سورج دےگنبداں نوں دور کیتا تے بادشاہی نے اوہدے آگے آرام پایا۔ ⁶ ۔ تے اس نے یہودہ وچ حصین شہر بنائے۔ کیوں جو دیس وچ امن سی تے ایہناں ورہیاں وچ کوئی لڑائی نہ ہوئی . کیوں جو خدا وند نے اوہنوں چین بخشیا۔ ⁷ ۔ تےاوہنے یہودہ نوں آکھیا۔ اوہناں نوں کندھاں تے پھاٹکاں تے برجاں تے سیخا ں نال پکا کرئیے۔ جدوں تیکر زویں ساڈے سامنے اے کیوں جو اساں خداوند اپنے خدا نوں لبھیا۔ اساں اوہنوں لبھیا ۔ تاں اوہنے ہر اک پاسیوں سانوں امن بخشیا ۔ تاں اوہناں اوہ شہر بنائے تے کامیاب ہوئے ۔ ⁸ ۔ تے اآسا دی فوج وچ یہودہ ولوں تن لکھ مرد سن ۔ جیہڑے ڈھالاں تے نیزے چکدے سن ۔ تے بنیامین ولوں دو لکھ اسی ہزار سن جیہڑے ڈھالاں اٹھاندے تے کماناں کچھدے سن ۔ ایہہ سارے بہادر دلیر مرد سن۔ ⁹ ۔ تے زارا کوشی دس لکھ فوج لے کے اوہناں دے خلاف نکلیا ۔ تے لرائی کرن لئی مریشہ تیکر آیا ۔ ¹⁰ ۔ تد آسا اوہدے مقابلے وچ نکلیا ۔ تے مریشہ دے شمال ول وادی صفات وچ لڑائی لئی صفاں بنایاں۔ ¹¹ تے آسا خدا وند اپنے خدا کول چیکیا تے آکھیا ۔ اے خدا وند تیرے کول کوئی فرق نہیں کہ ڈاہڈیاں دی مدد کریں یا کمزوراں دی ۔ ایس لئی اے کدا وند ساڈے خدا ! ساڈی مدد کر ۔ کیوں جو اسین تیرے تے بھروسہ کردے ہاں ۔ تے تیرے ناں توں اس اکٹھ دے مقابلے لئی آئے ہاں ۔ اے کدا وند توں ای ساڈا خدا ایں ۔ کوئی بندے تیرے تے غالب نہ آوے ۔ ¹² ۔ خدا وند نے آسا تے یہودہ دے ساہمنے کوشیاں نوں ماریا ۔ تاں کوشی نسے ۔ ¹³ ۔ تے آسا نے اوہناں لوکاں نوں جیہڑے اوہدے نال سن جرار تک اوہناں دا پچھا کیتا ۔ تے کوشی مارے گئے ایتھے تیک کہ اوہناں وچوں اک وی نہ بچیا ۔ کیوں جو اوہ کدا وند دے سامنے تے اوہدے لشکر دے سامنے پیٹھے گئے ۔ تد اوہناں چوکھا سار ا لٹ دا مال لتا ۔ ¹⁴ ۔ اوہناں نیں جرار دے دوالے دے سارے شہران نوں ماریا ۔ کیوں جو خدا وند دا خوف ساریاں تے چھا گیا ۔ تے اوہناں نے سارے شہراں نوں لٹیا ۔ کیوں جے اوہناں وچ بہت لٹ سی ۔ ¹⁵ تے اوہناں نے جانوراں دے ڈیریاں تے وی حملہ کِیتا تے چوکھیاں بھیڈاں تے اُونٹ لے کے یُروشلِیمؔ وَل پرتے۔ ۔ اوہناں نیں جرار دے دوالے دے سارے شہران نوں ماریا ۔ کیوں جو خدا وند دا خوف ساریاں تے چھا گیا ۔ تے اوہناں نے سارے شہراں نوں لٹیا ۔ کیوں جے اوہناں وچ بہت لٹ سی ۔ تے اوہناں نے جانوراں دے ڈیریاں تے وی حملہ کِیتا تے چوکھیاں بھیڈاں تے اُونٹ لے کے یُروشلِیمؔ وَل پرتے۔