¹ ۱۔ ایس لئی جدوں اسی ہور سیہہ نہ کر سکے تے اسیں ایہ ہی چنگا سمجھیا کہ اسیں ایتھنز وچ ہی ٹہرے رہیے ۔ ² ۲۔ تہانوں تسلی دیندے تے تواڈے ایمان نوں مظبوط کرن لئی اسیں اپنے بھرا تموتھیس نوں ، جہیڑا مسیح دی انجیل دے وچ خُدا دا خادم ہے ، تواڈے کول بھیجیا۔ ³ ۳۔ تاں جے کوئی وی ایہنا مصیبتاں دی وجہ نال پریشان نہ ہوئے ۔ کیوں جے تُسی آپ وی جانندے جے کہ اسیں ایسے لئی مقرر وی ہوئے آں ۔ ⁴ ۴۔ اے سچ اے کہ جدوں اسی تواڈے کول ساں ۔ اسی توانوں اپنیِاں مصیبتاں وچوں گُزرن بارے پہلاں توں ہی دس دِتا سی ۔ تے جس طرح تُسی جا ندے جے کہ اوہ آیِاں وی۔ ⁵ ۵۔ ایسے وجہ نال جدوں میرے کولوں ہور برداشت نہ ہو سکیا تے میں پُچھیا جے تواڈے ایمان بارے پتہ لگے کہ کِتے ازمان والے نے تواڈے ایمان نوں ازمایا ہوئے ۔ تے ساڈی ساری محنت ضائع / بیکار ہو گئی ہوئے ۔ ⁶ ۶۔ جدوں تمو تھیس تواڈے کولوں ساڈےکول تواڈے ایمان تے پیار دی چنگی خبر لے آیا جے تُسی ہمیشہ سانوں چنگیاں یاداں نال یاد رکھ دے جے تے سانوں ملن لئی بے قرار جے ۔ جیویں اسی توانوں ملن لئی بے چین آں ۔ ⁷ ۷۔ ایس وجہ نال بھایو ! اسی اپنی ساریاں مُشکلاں تے مصیبتاں وچ ، تواڈے ایمان ذریعے تواڈے کولوں تسلی پانے آں ۔ ⁸ ۸۔ اسیں ہُن جینے ہاں کیوں جے تُسی خُداوند وچ مظبوطی دے نال کھلوتے ہو۔ ⁹ ۹۔ اسیں رب نوں تواڈے لئی کِس گل وچ شُکر ادا کرئیے اوس ساری خُوشی لئی جیہڑی سانوں تواڈے اُتے خُدا دے حضور وچ ہے ؟ ¹⁰ ۱۰۔ رات دن اسی جانفشانی نال دُعا کرنے آں جے اسی توانوں مُنہ در مُنہ ویکھیے تے جو وی تواڈے ایمان دے وچ کمی ہے اُس نوں پُورا کرئیے۔ ¹¹ ۱۱۔ سا ڈا خُدا باپ آپ ہی تے ساڈا خُداوند یسوع ساڈا راہ تواڈے ول موڑے۔ ¹² ۱۲۔ تے ساڈا خُداوند توانوں ودھائے تے پیار وچ اک دُوجے لئی تے سارے لوکاں لئی بھرے۔ ¹³ ۱۳۔ ایس لئی اوہ ساڈے خُداوند یسوع اپنے سارے پاک لوکاں نال آن تک ، ساڈے خدا تے باپ دے حضور وچ ، تواڈے دلاں نوں کمال پاکیزگی چہ مضبوطی نال بے عیب رکھے ۔