¹ ۱۔ اخیر وچ میرے بھراو ، اسی توانوں حوصلہ دینے آں تے توانوں ڈاہڈی نصیحت کرنے آں کہ جیہڑیاں ہدیتاں توانوں ساڈے بارے مِلیاں نے کہ توانوں خُدا دے نال کِنج چلنا چاہیدا اے تے اوہنوں کِنج خُوش رکھو گے ، جیویں تُسی چلدے وی او ۔۔ پر توانوں ہور وی اگے ودھنا چاہیدا اے ۔ ² ۲۔ تے تُسی جاندے او کے اسی خُداوند یسوع دے وسیلے کیڑھیاں ہدیتاں دِتیاں سن ۔ ³ ۳۔ خُدا دی مرضی اے کہ تُسی پاک (مُقدس ) بَندے جاو ۔ اپنے آپ نوں حرامکاری توں بچایا کرو / بچاو ۔ ⁴ ۴۔ تواڈے وچوں ہر کِسے نُوں ضرور جاننا چاہیدا اے کہ اوہ اپنی ہی بیوی پاکیزگی تے عِزت نال رکھے ۔ ⁵ ۵۔ شہوت دے دیوانے نہ بنو( جیویں غیر قوماں جیہڑیاں خُدا نوں نئیں جاندیاں ) ⁶ ۶۔ ایس گل وچ کوئی اپنے بھرا نال پہڑا تے گُناہ نہ کرے کیوں جو ایہناں ساریاں چیزاں دا خُدا بدلہ لین والا اے ، جیویں اسی توانوں پہلاں ای خبردار کر دِتا تے شہاڈت دِتی سی۔ ⁷ ۷۔ خُدا نے سانوں ناپاکی لئی ننئی بلکہ پاک رہن لئی سدیا ہویا اے ۔ ⁸ ۸۔ جیہڑا ایس گل نوں نئیں مندا اوہ، لوکاں دا نئیں بلکہ خُدا دا انکار کر دا اے جِنے توانوں اپنا پاک رُوح دِتا ہویا اے ۔ ⁹ ۹۔ بھراواں جئے پیار لئی کِسے نوں وی توانوں لکھن دی لوڑ نئیں کیوں جو خُدا نے توانوں اِک دُوجے نال پیار کرنا سکھایا اے ۔ ¹⁰ ۱۰۔ اصل وچ تُسی اوناں بھراواں دے نال جیہڑے مکدونیا وِچ رہندے نیں اے کیتا اے پر اسی توانوں ڈاہڈی نصیحت وی کرنے آں کہ تُسی ایس توں وی ودھ کے کرو ۔ ¹¹ ۱۱۔ اسی توانوں اے ڈاہڈی نصیحت وی کرنے آں کہ چُپ روو، اپنے کم نال کم رکھو ۔ اپنے سارے کم اپنے ہتھاں نال کریا کرو جیویں اساں حُکم دِتا اے ۔ ¹² ۱۲۔ جیویں آپس وچ چلدے او غیرا ں نال وی اوسے طرح چلیا کرو ۔ اینج کرو کہ تُسی اوہنا دے نال جیہڑے ایمان چہ نئیں چنگی طرح چلوکہ جیویں تہانوں کسی شے دی لوڑ نئیں ۔ ¹³ ۱۳۔ بھراو ،اسی اے نئیں چاہندے کہ توانوں اوہنا بارے جیہڑے سُوتے ہوئے نیں پُلیکھا ہوئے ۔ تُسی اوہنا نا اُمید لوکاں وانگ دُکھی نہ ہوو۔ ¹⁴ ۱۴۔ ایس لئی جے ساڈا ایمان اے کہ یسوع مر گیا تے فیر زندہ ہویا ۔ اوہ وی جیہڑے خُدا وِچ سُتے نیں خُدا اوہناں نوں لیاوے گا۔ ¹⁵ ۱۵۔ ایس لئی اسی تہانوں خداوند دے کلام دے وسیلے آکھدے آں کہ اسی جیہڑے جیوندے آں تے خُداوند دے آن تیک جیوندے رہواں گے یقیناًاسی اوہنا ں نالو ں اگے نئیں وداں گے جیہڑے سُتے ہوئے نیں ۔ ¹⁶ ۱۶۔ ایس لئی خُداوند آپی بڑے شور تے فرشتیاں دی آواز تے خُدا دے نرسنگیاں دے نال اَسماناں توں اُترے گا تے پہلاں اوہ اُٹھن گے جیہڑے مسیح وچ مرے سن۔ ¹⁷ ۱۷۔ فیر اسی جیہڑے جیوندے ہواں گے تے نالے پِچھے رہ گئے نیں بدلاں تے اوہنا دے نال اُتے جاواں گے تے ہوا چہ خُڈاوند نوں مِلاں گے تے فیر اسی ہمیشہ خُداوند دے نال ہواں گے ۔ ¹⁸ ۱۸۔ ایس لئی ایہناگلاں نال اِک دُوجے نو تسلی دیا کرو۔