1
جݙے میں چاہیو کہ آپ ری اُمت ری قسمت نا بدلا آن اسرائیل نا ٹھیک کرا۔پچھےافرائیم رو گندو کام آن سامرہ ری شرارت ݙخیجی۔کیانکے اُو دھوکوں کرئی۔چور خندھ لگاوی۔آن رہزناں رو جتھو ٻاہر لُٹ لیوی رو۔
2
آن اُو اے کونی خوچتا کہ مناں اُواں رے خارے شرارتاں ری خٻر ہے آن تے اُواں را اُو کام جکو مانجے جوُتے جوُتے کریو ݪا ہے اُواں نا گھیریو ݪا ہے۔
3
اُو آپ ری شرارت خا باچھا نا آن آپ رے کوڑ خا وڈیراں نا راضی کرئی۔
4
اُو خارا را خارا زور لگاوی۔اُو اُوے دندور آݪی کر جکے نا ٻاٹے پکاوڹ آݪو گرم کرئی آن آٹو گووڹ ری بݪا خا لے تے خمیر رے خکڹ تیکر باخݙے ٻاڑڹ خا اڑگو رہوی۔
5
آپڹے باچھا ری خوشی رے ݙیھیں خردار مے ری گرمی خا دیوانو ہووہ آن قاتلا بھیݪا بے شرم ہوا۔
6
کیانکے اُو آپ رے دھوکے میں آپ رے دِلا نا تندور آݪی کر خیک ݙیوی۔اُواں رو جزبو رات ری ہلکو ہوئی پڹ خبیڑے ری انگیرا آن باخݙے آݪی کر ٻڑتو ہووی۔
7
اُو خارا را خارا تندور آݪی کر ٻڑتا ہووی آن آپ رے انصاف کرڹ آݪا نا ہضم کرلیوی اُواں را خارا باچھا ماریا گیا۔اُواں میں کوئی کونی رہنو جکو مناں ہیلو کرئیں۔
8
افرائیم گڹے قوماں بھیڑو بیچݪ گیو۔افرائیم ھیک ایہڑی ٻاٹی ہے جکے رو پاخو پھوریو ہی کونی گیو۔
9
پردیسی اُوے ری دُولت نا کھا جاوی را۔آن اُوے نا خٻر کونی۔اُوے را ٻاݪ چٹا ہوڹ لاگا۔پڹ اُوے نا خٻر کونی۔
10
اسرائیل ری مغرورائی اُوے رے مانݙے تے ݙیخیجی پڹ اُواں پرمیشور آپ رے ایشور ݙیخا دھیان کونی لاوتا آن چائیے کئ ہی کیانی ہووے اُوے را چہاوڹ آݪا کونی تھیوتا۔
11
افرائیم کالھی آن بھوݪی گیری آݪی ہے۔اُو مصر خا فریاد کرتا آن ایشور ݙیخا جاوی وا۔
12
جݙے اُو جاخے تو ہوں آپ رو جاݪ اُواں تے خنݙائخ ہوں اُواں تا ہوا رے پکھیا آݪی کر ہینڹا اُوتاریخ۔آن جیکر اُواں ری جماعت خڹ لینو رو اُواں نا ٹھیک کریخ۔
13
اُواں تے واویلا،کیانکے اُو میں خا آوارہ ہوگیا را۔اُواں تے ݙکھ ہووے،کیانکے میں خا بےوفائی کرئی ہے۔ہوں اُواں را گناہ معاف کرڹ آیو ہاں۔پڹ اُو مانجے بارے میں کوݪ ٻولئی۔
14
اُو حاضر دل خا میں خا کونی مانگتا بلکہ آپ رے پلنگ تے ٻیٹا ٻیٹا ریݪے کرئیں ۔اُو ٻاٹی آن مے خارو آپ رے جسماں تیکر نا وی چیرئی پڹ میں خا اڑگا رہوی۔
15
بھاوے میں جی اُواں رے ٻاہیاں نا زور ݙینو ہاں تو وی اُو مانجے بارے گناہ رے خلاوہاں کرئی۔
16
اُو ایہڑا ݙخا دھیان کرئی جکو اُواں ری مدد کونی کرتا اُو دھوکو ݙیوڹ آݪی کر ہے۔اُواں را وݙیرا آپ ری جٻان رے گڹے کوڑ ری وجہ خا تلوار خا ماریا جا وی۔ایے خا ملُکھ مصر میں اُواں تے ہخ خے۔