باب 8
1
اسرائیل ایشور خا پرہو:-
نرسنگو آپ رے مانݙے خا لگا،پرمیشور رے گھر رے ماتھے باز اُوݙاتا پھرئی وا۔کیانکے اُو مانجے وچن توڑیو ہے۔آن اُو مانجی توریت شاشتر خاں مکریا ہے۔
2
اُو مناں ہیلو کرخے۔کہ اے مہارا ایشور مھاں تناں اُوڑکھیخ۔اے اسرائیل،
3
اسرائیل بھلائی کرڹ چھوڑ ݪی دخمی اُوے ری تاݪ راکھئ۔
4
اُواں باچھا ٹھایا ہے۔پڹ مانجی طرف خا کونی۔اُواں وݙیرا ٹھایا ہے۔پڹ میں نی اُوڑکھیا۔اُواں آپ ری چاندی آن خونے خا مورتے ٹھائیے رے جکا خا اُو تباہ و برباد ہوخے۔
5
اے سامرہ ہوں تاجے بچھڑے نا ختم کرئی۔مانجی ریخ اُواں تے نکلی ہے۔اُو کݙی تیکر پویتر ہوڹ خا بچتا رہخے؟۔
6
کیانکے اے وی اسرائیل رو کام ہے۔کاریگر اے نا ٹھایو ہے۔اُو ایشور کونی۔سامرہ رو بچھڑو خچے لی ٹکڑا ٹکڑا کر ݙینو جاخے۔
7
کیانکے اُواں ہوا باھی ہے۔اُو اندھاری کٹخے نی اُواں رو فخل بالیاں رو ہوخے نی اُوے ݙاڹا خا آٹو نکلے۔آن اگر نکلے وی تو پردیسی اُوے نا خا جاخے۔
8
اسر ائیل گیٹجیو رو۔ہمیں اُو قوماں رے مہناں آن بھاوڹے ٹھاں آݪی کر ہے۔
9
کیانکے اُو اشور ݙخا گیا را اُوے جھگی گݙے آݪی کر جکو ہیکلو رہوی۔ افرائیم داوت تے عاشقاں نا ہیلو کریو ہے۔
10
بھاوے اُوے قوماں نا داوت ݙنی ہے۔تو وی ہوں اُواں نا ہمیں بھیݪا کریخ۔ہاں اُو باچھا آن وݙیرا نا مخصوص کرڹ خا کئیک دیر تیکر اڑگا رہخے۔
11
کیانکے افرائیم گناہ کرڹ رے خارو گھڹا مزبح ٹھایا ہے۔ایے خارو مزبح اُوے رے گناہ کرڹ ری وجہ بڹیا ہے۔
12
ہوں اُواں رے خارو شاشتر رے ٹھاوکے باتاں لکھوا ݙیوی رے پڹ اُو اُوپری بات خمجھی جاوی۔
13
اُو مانجے پویتر دان ری بھیٹ رے خارو ماخ ݙیوی آن خاوی پڹ ایشور اُواں خا راضی کونی۔اُو اوے بݪا اُواں را گندا کام یاد کرخے آن اُواں رے گناہواں ری سزا ݙیخے۔اُو مصر ݙخا پاچھا جاخے را۔
14
اسرائیل آپ رے بڹاوڹ آݪے نا بھول تے مندر ٹھایا ہے۔آن یہودہ گڹا خارا اُونچے کندھیاں آݪا شہر ٹھایا ہے۔پڹ ہوں اُوے رے شہراں تے باخݙے بہیر کریخ آن اُو اوے گھرا نا بھسم کر ݙیخے۔