¹ آؤ آپا پرمیشور ݙخا دھیان کرا۔ کیانکے اوے جی ݙکھایا ہے آن او جی آپا نا بھلا کرخے آن اوے جی ماریا ہے آن او جی آپنی مےہم پٹی کرخے۔ ² ٻہیا ݙڹا خا بعد او آپا نا جیوتا کرخے۔ آن تیجے ݙن او آپا نا اٹھان ابھاج خے۔ تاکہ آپا اوے رے آگے جیوتا رہوا۔ ³ آؤ آپا اوڑکھاڹ حاصل کرا۔ آپا پرمیشور ری اوڑکھان میں ترقی حاصل کرا۔ اوے رو جلال خبیڑے آݪی کر نیڑو ہے۔ او پا ݙخا مہ ھ آݪی کر آخے یعنی پہاڑ رو مہ ھ آݪی کر جکو زمین سر سبز کرے۔ ⁴ اسرائیل ری شرمندگی : اے افرائیم ہوں تھاں خا کی کرا۔ اے یہودہ ہوں تے خا کیکر بات کرا ۔ تھارو وشواس خبیڑے رے باݙا آݪی کر ہے آن خبیڑے ری ماکھ آݪی کر جاوتی رہوی۔ ⁵ ایے وجہ خا میں اوا نا گرواں رے وسیلے خا خدھاریا ہاں آن آپ رے مانڈے رے شبد خا اوا نا ماریا ہاں۔ آن مانجی خچائی اوجیخ آݪی کر چمکخے۔ ⁶ کیانکے ہوں بھیٹ کونی بلکہ خدا پرستی نا پسند کرئی آن باڑڹ آݪی بھیٹ کونی بلکہ ایشور ری اوݪکھان نا گڹہی چہاوی۔ ⁷ پڹ او منکھ ہوتا ہوا وچن توڑیو ہے ۔ آن اُتھے میں خا بے وفائی کرئی ہے۔ ⁸ جلعاد گندے وہوار رو شہر ہے۔ او لوہی آݪو ہے۔ ⁹ آن گرواں ری جماعت رہز ناں رے اوے جتھے آݪی کر ہے جکو کہی منکھ ری تاڑ میں ٻیٹھو ہووی۔ او شکم رے رستے میں قتل کرئی ۔ ہاں اوا را کام گندا ہے۔ ¹⁰ میں بیت ایل میں ہیک ٻیی جاوون آݪی بات ݙٹھی ہاں۔ اوتھے افرائیم گندو کام کریو ہے آن اسرائیل آپ رے آپ نا پلیت کریو رو۔ ¹¹ اے یہودہ ۔ تاجے خارو وی بݙائی ری بݪا ٻادھو ݪی ہے۔