1
جڈے افرائیم بات کرتو ھتو تو منکھ ٻیھ جاتا ھتا آن او اسرائیل میں اونچو ہوتو رھیو پڹ او بعل رے وجہ خاں گنہگار تھیو۔
2
ھمیں او انجاں وی گناہ کرتا گیا۔او آپری چاندی خاں آپرے لگاں ٹھاھیوڑی مورتا بڹاتا رھیا اُواں ری خمجھ رے کرتوتاں رے مطابق کاریگری را کام کریا۔جکے نا اُو ایشور کہے۔آن اُوے رے اگیاں قربانی چڑھاوے۔منکھ پاڈیاں نا مٹھکے ڈیے۔
3
ائیے ری پگاں خبیڑئے آݪے باڈڑ آن ماک آݪی کݪ جلدی خاں جاوتا رھخے۔ آن بوھ آݪی کݪ جاں بھتوڹیو ڈاڹاں رے ماتھے خاں بوھ نا اُڈا لے جاوئی یا اُوے دھووے ری کݪ جکو ٻے کش خاں نخرئے۔
4
پڹ میں ملک مصر خاں ہی ایشور تاجو ایشور ہاں۔تو میں خاں ٹاڑ کیے ٻجے ناایشور کونی کہیں۔کیانکے میں تاڑ ٻجو کوئی پاپاں خاں چھٹکارو ڈیوڹ آݪو کونی۔
5
میں رنع پٹ میں یعنی تمام خوکوڑی دھرتی میں تاجی خاڑ خنبھاڑ لنھی۔
6
پڹ جڈے او آپری چراند خاں بھریجو۔ڈھو کر رو اُواں رے من میں غرور بھریجوتو مناں بخار چھوڑیو۔
7
ائیے رے پگاں میں اُواں رے پگاں شیر آݪی کݪ ھوئیخ۔آن چیتے آݪی کݪ اُواں رے مارگ میں لُک ٻیخیخ۔
8
ہوں اُواں ماتھے ریچھنی آݪی کݪ جکے را ٻچیا کھوخیج را جاوے جا پڑیخ۔اُواں رے دل رو پردو پھاڑ ڈئیخ رو۔پچھے ہوں جوان شیر آݪی کݪ اُواں نا اُوتھے گٹ جائیخ رو۔او خونخوار جانوراں خاں چیراجیا جاخے۔
9
اے اسرائیل ہوں تناں تباہ کر ݙیخ رو۔پچھے کُن تناں چھوڑا خے۔
10
ہمیں تاجو بادشاہ کھتے ہے۔تاجے خجے شہراں میں تاجی مدد کرے۔تاجا او انخاف کرڹ آݪا کھتے ہے۔جکاں رے بارے توں کہتو ھتو کہ مناں بادشاہ ھان خردار ݙے۔
11
میں آپری ریخ میں تناں بادشاہ ڈنھو آن ریخ خاں اُوے ناں کھڹ لنھو۔
12
افرائیم ری بدکرداری ٻاندھ راکھی گی ہے۔آن اُوے ری خطاکاری بھیڑی کی گی ہے۔
13
او باڑ جنڹ آݪی ڈوکھن میں ہوخے۔او بے عقل ݙکرو ہے ۔او رحم رے مہانݙے میں رہ کونی خگے۔
14
ہوں اُواں ناں پاتاڑ رے قابو خاں چھڑا ئیخ را۔آن موت خاں اُوے ناں چھڑائیخ۔اے موت تاجی بیماری کھتے ہے۔اے پاتاڑ تاجی ہلاکت کھتے ہے۔پچھتاوڹ مانجے خامے کونی۔
15
جیکݙھن او آپرے بھائیاں میں پھلدار ہووے تو وی اوگڹ ری ہوا آخے۔یعنی ایشور پرمیشور ری ہوا جکو رڹ پٹ میں اٹھخے۔پچھے اُوے رو چکھو خوک جاخے رو۔اُوے رو چشموں خوک جاخے رو۔او خجا پسند آݪا نانھ رو خزانو لُٹ لیخے رو۔
16
سامریہ خاں بدلو لنھو گیو کیانکے اُوے آپرے ایشور خاں غرداری کی ہے۔او تلوار خاں نا کھیا جاخے۔اُواں را ٻاݪ ٹکڑا ٹکڑا کریا جاخے۔اُواں رے پیٹ بھرئیے ُلگاۓ ٹھیک کر ݙنھے جاخے۔