1
افرائیم ہوا چریئی آن بارسموم رے لارے تاحیئی۔او متواتر کوڑ تے کوڑ بوئی آن ظلم کریئی۔او ایشور خاں عہد باندھیی آن مصر میں تیل پگاوئی۔
2
پرمیشور رو اسرایئل خاں جھگڑو ہے۔ آن او یعقوب ناں اوی ری عادت رے مطابق سزا ڈیخے۔آن اوے رے اعمال رے مطابق اوے ناں بدلو ڈیخے۔
3
اوے کوک میں آپرے بھائی ری لایڑی کھڑی جھاݪی۔آن شہزوری رے ڈناں میں ایشور خاں کشتی لڑی۔
4
ہاں پھریختے خاں کشتی لڑیوں آن غالب آیو بݪے رو آن اوے خاں منت کری بیت ایل میں اوے اواں ناں جویو۔آن اوتھے اوے اواں خاں بات کرئی۔
5
پرمیشور فوجاں رو ایشور ہاں پرمیشور اوے رو زکر ہے۔
6
آن تو آپرے ایشور مدد خاں پاچھو آیئخ۔دینداری آن خچائی ناں حقط کر آن ہروقت آپرے ایشور خاں امید راکھ۔
7
او تاجر ہے اوے رے ہاتھ میں دھوکے رو کڹ و ہے۔او ظلم کرکونی پسند کےیئی۔
8
افرایئم کہی کہ ہوں دو لتمند ہاں آن میں ڈھیگ خارو مال بھیݪو کریو ہاں۔پڹ خواہ کتری ہی کمائی ہوئے او آپری بدکرداری خاں صاف کونی وے۔
9
پڹ ہوں ملک مصر ہی خاں پرمیشور تانجو ایشور ہاں۔ہوں تناں بݪے قدیم ڈناں آݪی کار خیماں میں بخایئخ۔
10
میں تناں خاں بات کری آن رویا تے رویا نتائی۔ہو نیاں ری معرفت اواں ناں نسیت و نا بود کریخ را۔
11
یقعا جلعار میں بدکرداری ہے۔او باطل اے۔جلجال مناں ڈھگا قربان کریا جاوی پیھے اواں را مزبح زمین رے گھاریا رے ماتھلے توداں آݪی کار ہے۔
12
یعقوب ارم رے میدان میں ڈفا ناخ گیو۔ہاں اسرائیل لگائی رے خارو نوکر بڹ یو۔آن لگائی رے خارو چو کیدار بنڹ یو۔
13
پرمیشور ہیک بنی رے وسیلے خاں مصر خاں کاڈہ لیا یو آن بنی ہی رے وسیلے خاں اوے ری حفاظت کریئی۔
14
افرائیم مناں ڈھگ ریخ ڈیراو تو رہیو ائیے رے خارو اوے رو خون اوے تے جی ہوخے آن اوے رو پرمیشور اوے ری ملامت اوے رے ماتھے تے لیاخے۔