1
اے اسرائیل ایشور آپرے پرمیشور ری طرف جو کیانکے تاجی بدکرداری تاجے کھرڹ ری وجہ بڹی۔
2
ایاں باتاں ناں من ایشور ڈ خاں مُڑ آ آن اُوے خاں کہو کہ مہانری خجی خطا ناں پرے کر آن نیکی ناں قبول کر پچھے میں آپرے چپاں خاں چڑھاوہ چھڑھا خاں۔
3
ایشور مہاں نہ چھٹکارو کونی ݙے۔مہاں گھوڑاں ما تھے کونی ٻیخجے۔مہیں آپرے ہا تھاں رے ٹھہیوڑے چیزاں خاں بݪے کونی کہجے کہ تہیں مہارے پگاں ایشور ھو۔کیانکے یتیم تٔیں خاں رحم پاوئیے۔
4
ہوں اُواں رے بھٹکڹ رو علاج کریخ۔ہو موئے دل خاں اُواں خاں پیار کریخ۔کیانکے مانجی ریخ اُواں خاں ٹݪ گی ری۔
5
آن ہوں اسرائیل رے خاروں ماک آݪی کݪ ھوئیخ۔او آخمانی رنگ آݪے کݪ بدھخے ۔ آن دیودار آݪی کݪ آپرے جڑاں ناں بدھاخے۔
6
اُوے را چکھا پھوٹخے۔اُوے میں زیتون رے بڹ آڑے کݪ پھُٹری آن لبنان جھڑی خوشبو ہو خے۔
7
پچھے منکھ اُوے ری چھانھ میں رھخے آن کڹک آݪی تروتازہ ہوخے۔آن باغ آݪی کݪ پھڑخے۔آن اُوے ری بݙائی لبنان ری مے آݪی کݪ ھوخے۔
8
افرائیم ناں بُتاں خاں کی کام ھوخے۔ھوں اُوے ری خڹیخ آن اُوے ماتھے نظر راکھیخ۔ہوں اُوے رے پگاں خاوی تازی خرو آݪی کݪ ہو ئیخ ۔تو او میں خاں بدھخے۔
9
جکو خیاڹو ہے او ایاں باتاں ناں خمجلے۔عقلمند اُواں ناں اُوڑکھ لے۔یعنی اے کہ ایشور را مارگ خچا ہے۔خچار اُوے ماتھے بہخے پر خطاکار اُواں ماتھے کھر خے را۔