1
آن میں ایشور رو کلمو پایو۔ اوے کہیو کہ۔
2
اے ابن بشر۔ اسرائیل رے پہاڑاں ݙخا مانݙو کر آن اواں رے خلاف نبوت کر۔
3
آن کہہ ݙے ۔ اے اسرائیل رے پہاڑاں ۔ مالک ایشور رو کلمو خڹو۔ پہاڑاں ، آن ٹیلاں، آن ندیاں، آن وادیاں خاں مالک ایشور ائیاں کہی او۔ جو ہوں ہاں ہوں جی تھاں تے تلوار لیائیخ۔ آن تھارے اونچے جگاہواں نا مسمار کرئیخ۔
4
تو تھارا مزبح ناکھ ݙنا جاخے۔ آن تھارے آفتابی مورتاں توڑ ݙنے جاخے ۔آن ہوں تھارے مقتولاں نا تھارے بتاں رے آگے ناکھ ݙئیخ را۔
5
آن ہو تھارے ہڈیاں ناں تھارے مزبح رے آرو ٻارو پراگندہ کر ݙئیخ۔
6
جہاں کہیں تم بستے ہو۔ اُتھے شہر ویران ہوخے۔ آن اونچے جگاہواں ناں اُجاڑ ݙنی جاخے تاکہ تھارے مزبح ویران آن برباد ہو جاوے ۔ آن بت توڑ ݙنا جاوے آن باقی نی رہوے۔ آن آفتابی مورتا باڈھ ناکھیے جاوے۔ آن دستکارے مٹا ݙڹ ے جاوے۔
7
آن مقتول تھارے میناں کھرخے۔ آن تھا اولکھخو کہ ہوں ایشور ہاں۔
8
پچھے ہوں تھاں میں بقیہ چھوڑیخ تھاں میں چند لوگ تلوار خاں بچے آن قوماں میں جاخے۔ جݙے تھاں ملکاں میں پراگندہ ہوخو۔
9
آن جکو تھاں میں بچ جاخے را۔ آن او اواں قوماں رے میناں جتھے جتھے او اسیر ہو آن جاخے۔ منے یاد کرخے۔ جݙے ہوں اواں رے زناکار دلاں ناں جکو میں خاں برگشتہ ہو یا را آن اواں رے آنکھیاں ناں جکاں اواں باتاں ری پیروی میں بدکاری کری ہے۔ شکستہ کریخ۔ پچھے او اواں شرارتا رے کریے ۔ جکو اواں آپرے مکروہ کاماں میں کریے ۔ آپرے آپ خاں نفرت کرخے۔
10
آن او اولکھخے کہ ہوں ایشور ہاں ۔ آن میں عبث کونی کہیو کہ ہوں اے بدی تھاں تے لیائیخ۔
11
مالک ایشور ائیاں کہیی وو۔ تاݪی بجا آن پگ مار آن کہہ ݙے کہ اسرائیل رے گھرانے رے خارے مکروہ کاماں تے افسوس ۔ کیانکے او تلوار آن کال آن وبا خاں ہلاک ہوئی وا۔
12
جکو الگو ہے او وبا خاں مرخے ۔ آن جکو نیڑو ہے تلواڑ خاں کھرخے۔ آن جکو رہ گیو آن گھیریو گیو ہے۔ او کال خاں فنا ہوخے ۔ ائیاں ہوں ائیاں تے آپرو قہر پورو کرئیخ۔
13
آن جݙے ائیاں را مقتول ہر ھیک اونچے ٹیلے تے آن پہاڑاں رے تمام چوٹیاں تے آن ہر ھیک خاوو درخت آن گھاٹے بلوط رے نیچا یعنی ہر جگہ جتھے او آپرے تمام بتاں رے خارو خوشبو ٻاݪتا ہتا۔ اواں رے بتاں رے میناں اواں رے مزبح رے آرو ٻارو پڑیا ہوخے۔ تو تھاں اولکھخو کہ ہو ہی ایشور ہاں۔
14
آن ہوں اواں ݙخا آپرو ہاتھ بدھائیخ۔ آن جتھے کتھے او بخئیی بیابان خاں لے آن ربلہ تک اواں ری سر زمین ناں ویران آن سنسان کر ݙئیخ۔ جݙے او اولکھخے کہ ہوں جی ایشور ہاں۔