1
آن میں ایشور رو کلمو پایو۔ اوے کہیو کہ۔
2
تو اے ابن بشر کہہ ݙے کہ مالک ایشور۔ اسرائیل ری سرزمین رے حق میں ائیا کہیی وو۔ خاتمو آیو ہے۔سرزمین ری چاراں پاخاں خارو خاطمو آ پگیو رو۔
3
ائیے گھڑی خاتمو تاجے دروازے تے ہے۔ کیانکے ہوں آپرو غضب تھیں تے نازل کرئیخ۔ آن تاجی رہ روش رے مطابق تاجی عدالت کرئیخ۔ آن ہوں تاجے خارے مکروہ کاماں ری سزا تھیں تے لیائیخ۔
4
مانجی آنکھ تھیں خاں درگزر کونی کرے۔ آن ہوں شفقت کونی کراں ۔ پن تاجی رہ روش ری سزا تھیں تے لیائیخ۔آن تاجا مکروہ کام تاجے میناں ہوخے۔ ائیاں تو اولکھیخ کہ ہوں جی ایشور ہاں۔
5
مالک ایشور ائیاں کہہی وو کہ جو آفت تے آفت آوی وی۔
6
خاتمو آیو ہے۔ خاتمو آ پگیو ہے۔ تھیں تے آ گیو رو۔ جو آ پگیو رو۔
7
اے مالک را باشندہ تاجی شامت آئی ری۔ وقت آیو رو آن ݙڹ نیڑو ہے۔ یعنی پہاڑاں تے ہنگامے رو ݙن خوشی ری للکار رو کونی۔
8
ہمیں کوݙھی ہے کہ ہو آپ رو قہر تھیں تے اوندھو کرئیخ۔ آن آپرو غضب تھیں تے پورو کرئیخ۔ آن تانجی روش رے مطابق تھیں تے عدالت کرئیخ۔ آن تانجے تمام مکروہ کاماں ری سزا تھیں تے لے آئیخ۔
9
مانجی آنکھ درگزر کونی کرے۔ آن ہوں شفقت کونی کراں۔ پڹ تانجی راہ روش رے مطابق تھناں بدلو ݙئیخ۔ آن تاجا مکروہ کام تانجے میناں ہوخے۔ ائیاں تھیں اولکھخو کہ ہوں ہی ایشور ہاں۔
10
جو او ݙن جو آ پگیو ہے۔ شامت دروازے تے ہے۔ عصا میں گُلے نخریو ڑے ہے۔ آن غرور میں کونپلاں پھوٹیے۔
11
ظلم شرات رو عصا بڹ رو بلند ہو گیو رو۔ اواں میں خاں کہیں کونی رہ۔ نی اواں ری انبوہ خاں نی اواں ری شوکت خاں۔ آن اواں تے ماتم کونی کریو جاوے۔
12
وقت آ پگیو رو آن ݙن نیڑو ہے۔ نی خریدن آݪو ہاخے نی بیچڹ آݪو رو وے۔ کیانکے اواں رے انبواں تے غضب بھڑکن آݪو ہے۔
13
کیانکے بکیو ڑی چیز بیچن آݪے کڈھے کونی آوے۔ اگرچہ ہنوز زنداں رے میناں ہووے۔ کیانکہ اوے تمام انبوہ رے بارے میں جکو رویا ہے باطل کونی رہ۔ آن نی بدکرداری خاں آپری جان نا قائم راکھخے۔
14
نرسنگو پھونکیو گیو ہے۔ آن خارو کجھ تیار کیو جا چکیو رو۔ پڹ کوئی کونی جکو جنگ خارو نخرے۔ کیانکے مانجو قہر اوے خارے انبوہ تے ہے۔
15
ٻاہر خاں تلوار آن میناں خاں وبا آن کاݪ ۔ پچھے بیابان میں ہے تلوار خاں مرخے آن جکو شہر میں ہے اوے ناں کاݪ آن وبا فنا کرخے۔
16
آن اواں را بچیو ڑا بچ تو جاخے۔ پر وادیاں رے اواں کبوتراں آݪی کر جکو پہاڑاں تے ہووے۔ اواں خاراں میں خاں او ہر ہیک آپری بدی تے نالو کرخے۔
17
خارا ہاتھ ڈھیلا آن خارا گھٹنا پاڹی آݪی کار کمزور ہو جاخے را۔
18
آن او ٹاٹ خاں کمر کسخے ۔ آن ہول اواں تے چھا جاخے رو ۔ آن خاراں رے مانڈاں تے شرمندگی ہوخے۔ آن ہر ھیک رے ماتھے تے چندلاپن ہوخے۔
19
اواں ری چاندی خڑکاں تے ناکھ ݙنی جاخے۔ آن اواں رو خونو نا پاک چیز خیال کری جاخے۔ [ ایشور رے غضب رے ݙن اواں ری خونوں چاندی اواں ناں کونی چھڑاوے ]۔ اواں رے جاناں اسودہ کونی ہووے۔ آن اواں را پیٹ کونی بھرے۔ کیانکے اے اواں رے گناہ رے باعث ہویو ہے۔
20
اواں رے زیبا ری زینت شوکت خارو ہتی۔ پر اواں اوے میں آپری مکروہات رے مورتاں آن نفرتی چیزاں ٹھائے۔ ائیے خارو میں اوے ناں اواں خارو ناپاک شے ٹھہرائی ہے۔
21
آن ہوں اوے ناں غیراں رے ہاتھ میں غنیمت رے طور تے آن دنیاں رے شریراں ناں لوٹ رے طور ݙے ݙئیخ۔ تو او اوے ناں ناپاک کرخے۔
22
آن ہوں آپرو مانڈو اواں خاں موڑ لئیخ رو۔ آن مانجے خلوت خانے ناں ناپاک کریو جاخے۔ کیانکے ڈاکو اوے میں بڑ تے اوے ناں ناپاک کرخے رو۔
23
تو ھیک زنجیر بڹا کیانکے زمین خون رے جرم خاں بھر گی ری۔ آن شہر ظلم خاں پُر ہو گیو رو۔
24
آن ہوں بدترین قوماں ناں لے آئیخ رو۔ تو او اواں رے گھراں را وارث ہوخے۔ آن ہوں زبردستاں ری مغروری ناں مٹا ݙئیخ رو۔ تو اواں رے مقدس جگاہواں ناپاک کر ݙڹے جاخے۔
25
ہلاکت آوی وی۔ آن او سلامتی نا جوخے۔ پڹ او کونی ہووے۔
26
مصیبت تے مصیبت آخے۔ آن افواہ تے افواہ ہوخے۔ جݙے او نبی خاں رویا ری تلاش کرخے آن کاہن خاں شریعت آن بزرگاں خاں مشورت جاتی رہخے۔
27
رئیس حیرانی رو لباس پہرخے آن ملک ری عوام را ہاتھ کانپ خے۔ اواں ری روش رے مطابق ہوں اواں خاں سلوک کرئیخ۔ اواں رے فیصلہ رے موافق اواں رو فیصلو کرئیخ۔ تو اوو اولکھخے کہ ہو ہی ایشور ہاں۔