1
۱۔ائیے سبب پولس تیں اُوپری قوم آݪاں رے پگا پربھویسوع رو پابند ہاں۔
2
۲۔تھیں شاید ایشور ری ائیے کرپا رے انتظام رے متعلق خݨیو ہے جکو تھارے خارو مناں ݙنھو گیو۔
3
۳۔ھُوں مکاشفہ رے ائیے بھید ری بات لکھیں وہ اِے رو لکھیوڑی خچائی ہے جکو میں پہلے وی کائنک بیان کی ہے۔
4
۴۔جکے ناں تھیں جاݨ خگیں کہ مھناں پربھویسوع رے بھید رے بارے میں کتری ٹھا ہے۔
5
۵۔ پراݨے زمانے میں منکھاں ناں اِے خٻر کونی ہتی ہیمں پویتر آتما رے زریعے خاں سنتاں آݨ بھگتاں تے ظاہر ہوگیو ہے۔
6
۶۔اِے خچائی رو اُو بھید ہے اُوپرے قوماں میں پربھویسوع رو پرچار رے واخلے خاں بھانگے میں بھیݪو آݨ بدن میں بھیلو آݨ وعدوں میں بھیݪا ہاں۔
7
۷۔ ائیے پگا ھُوں ایشور ری کرپا ری مہماں جکو میں ماتھے ہوئی جݙھے ھُوں اُوے رو داس بݨیو۔
8
۸۔ایشور ری کرپا جکو میں تے ہوئی ھُوں ایشور رے خارے سنتاں خاں چھوٹو ہاں اِے ری کرپا ہے اُوپرے قوماں میں مسیح ری گھݨی خاں گھݨی پرچارکراں۔
9
۹۔مھناں ایشور ری طرف خاں اِے انعام ملیوکے ہرہیک ناں اجاݪے میں لانواں تاکہ ھُوں اُواں ناں ایشور رو لکھیوڑو بھید بتاواں ایشور اُو بھید ہے جکے دنیا رے خارے چیزاں ناں بݨایا جکو پہلی میں ازل خاں لکھیوڑو ھتو۔
10
۱۰۔ ہر ہیک ناں اجاݪے رو مقصد اِے ھتو کے وشواسی منڈݪی رے زریعے حکومت آݪاں ناں آݨ اختیار آݪاں ناں جکو آکاشی جگاواں میں ہے ایشور ری مہما بیان کراں۔
11
۱۱۔ اِے ازلی بھید رے مطابق ہویو جکو مھارے ایشور پربھویسوع مسیح میں کیو گیو ھتو۔
12
۱۲۔ائیے پگا مسیح میں مھناں دلیری آݨ بھروخے خاں کامیابی ہوئی کیاں کے مھارو وشواس اُو تے ہے۔
13
۱۳۔ ائیے پگا ھُوں تناں کہیں کے توں مھارے ݙوکھاں جکو تھاری وجہ خاں ہے ہمت نی ہارو جکو تھاری عزت ہے۔
14
۱۴۔ائیے وجہ خاں ھُوں ٻاپ رے خامھے گوڑا ٹیکائیں۔
15
۱۵۔جکے بھیڑا آکاش تے دھرتی را گھراݨو اُوے رے ناں خاں ہے۔
16
۱۶۔ ھُوں پراتھنا کرئیں کے تھیں آپ رے پرتاٻ رے دھن رے موافق ݙیخے آݨ آپ ری آتما ری مہما رے بھیݪو کاٻوکرخے جکو تیں میں ہے۔
17
۱۷۔مھاری اِے پراتھنا ہے کہ مسیح تھارے وشواس رے واخلے خاں تھارے ہردے بخے ائیے طعح توں اُوے رے پریم میں جڑ جھالو تے کاٻو ہو۔
18
۱۸۔تتھیں خارے وشواسیاں رے بھیݪا ہوتے مسیح رے پریم ری چوڑائی، لمبائی، اُونچائی تے گہرائی ناں خمجھ خگو۔
19
۱۹۔ میاݪی پراتھنا ہے کہ تھیں مسیح رے پریم ری بے مخال عزت ناں جاݨو تاکہ تھیں ایشور ری خارے پرتاٻ خاں بھر پور ہو جاؤ۔
20
۲۰۔اِے جکو اھیڑومہما آݪوہے اُوے ری ری مہما رے وخیلے جکو مھاں میں اخر کرائی وئی مھاری عرض تے خوچ خاں گھݨو کام کرخگی۔
21
۲۱۔ وشواسی منڈݪی میں تے مسیح یسوع میں نخل درنخل تے ہمیشہ تک اُوے ری مہما ہوے۔ آمین