1
۱۔ائیے رے خاروں ایشور جکو قیدی ھوݨ رے خاروں ھوں تھاری حوصلہ افزائی کراویں آݨ ہمت ݙیراویں کہ جکے رے خاروں ایشور تھناں اݨایا ہے اُوے رے مطابق آپ رو چال چلݨ راکھو۔
2
۲۔پوری فروتنی، عاجزی، شائشتگی، آݨ خٻر خاں زندگی گزارو، خاراں ناں پریم خاں قبول کرو۔
3
۳۔ آتما میں مدھی خاں صلح رے بدن میں ٻادھا رھو۔
4
۴۔ہیک ہی بدن ہے آݨ ہیک ہی آتما ہے، آݨ تھناں اݨاوݨ آݪی اُمید بھی ہیک ہے۔
5
۵۔ہیک ہی ایشور ہے ہیک ہی وشواس ہیک ہی پویتر شنان آݨ ہیک ہی ایشور ہے جکو خاراں رو ٻاپ ہے۔
6
۶۔ اُو ہی خاراں رے ماتھے، آݨ خاراں رے ادھ میں آݨ خاراں رے بھیتر ہے۔
7
۷۔مھاں خاراں تے مسیح رے تھورے خاں کرپا تھی ہے۔
8
۸۔ جاں کہ سنتاں رے کتاباں میں لکھیوڑو ہے جݙھے اُو آکاش تے چڑھ گیو تو اُو قیدیاں ناں آپ رے بھیݪو لے گیو۔ آݨ ماݨخاں ناں انعام ݙھنا۔
9
۹۔ائیے رو کی مطلب ہے کہ اُو " اُونچو چڑھ گیو" خوائے ائیے رے کے اُو دھرتی رے نیچا بھی اُتر گیوتو۔
10
۱۰۔ اُو جکو نیچو اُتریو اُو اُوھو ہی ہے جکو خاراں آکاشاں خاں بھی اُونچو ہے۔ اُوے اِے ائیے رے خاروں کریو کے خارے چیزاں ناں بھرپور کرے۔
11
۱۱۔مسیح کہیاں ناں سنت، کہیاں ناں نبی، کہیاں ناں بھگت آݨ کہیاں ناں استاد ھوݨ رے نعمتاں ݙئی۔
12
۱۲۔ اُوے اِے عہدو آپ رے پوتر ماݨخاں ناں خدمت را کام ری تعلیم رے خاروں ݙھنا۔ تاں مسیح رے بدن ری تعمیروترقی ھوتی جاوے۔
13
۱۳۔ اُو اِے اُوے وقت تک کرتو رہی جتری تک مھیں خارا وشواس میں ٻدھی خاں آݨ ایشور رے ݙیکرے رے علم میں بدھتا رہیں۔ آݨ اِے اُوتری تک کرئیں جتری تک مھیں اُوے آݪی کار وشواس میں جوان کونی تھی جاتا۔ جکو مسیح رے قد رے اندازے رے مطابق ہے۔
14
۱۴۔مسیح مھاری ترقی رو خدھارو کرئی۔ ائیے رے خاروں مھیں ٻاݪاں آݪی کاݪ نی رھاں۔ جکو چھولیاں آݪی کاݪ اُونچے آݨ نیچا اُوچھݪئی آݨ ھر نویں تعلیم آݨ دوکھے باز اٹکݪ بھیݪو لوڑھیا جاوئی۔
15
۱۵۔پر مھیں محبت میں خچ ٻولتا ہوا مھناں مسیح میں جکو ماتھو ہے ترقی کرتا آݨ بدھتا جاؤݨ ہے۔
16
۱۶۔ مسیح وشواس رے خارے بدن ناں بھیݪو کرئی، آݨ اُوے میں ہر ہیک عضبے ناں جوڑئی آݨ جݙھو عضبو صیح کام کرئی تو خارو بدن بدھی آݨ پریم میں ترقی کرتو جاوئی۔
17
۱۷۔ائیے رے کرے ھُوں ایشور میں تھناں نخیحت آݨ تاکید کرئیں، کہ جاں غیر قوماں آپ رے بے حاصل حالات رے مطابق بہی تھیں نی بہو۔
18
۱۸۔اُواں ری خوچ میں اندھاروہے۔ آݨ اُو آپ رے دِلاں ری سختی رے کرے ایشور ری زندگی خاں خارج کیا گیا ہے۔
19
۱۹۔ اُو شرمندگی محسوس کونی کرتا۔ اُواں آپ رے آپ ناں ہر قسم رے گندے اعمال کرݨ رے خاروں عیاشی رے حوالے کر چھوڑیو رو۔
20
۲۰۔پݨ تھاں مسیح رے بارے میں اھیڑی تعلیم کونی پائی (خوݨی)۔
21
۲۱۔منجے خیال رے مطابق تھاں مسیح میں خچائی رے تعلیم خݨی تے پائی ہے۔
22
۲۲۔ تھاں خکھیو تو کہ پراݨے چال چلݨ ری پراݨی انخانیت ناں چھوڑو۔ جکو مَکر، خواہشات رے خاروں خراٻ ہوتی جاخے۔
23
۲۳۔تھاں خکھیو تو کہ آتما میں نواں بݨتا جاؤ۔
24
۲۴۔ آݨ نوی انخانیت حاصل کرو جکو ایشور ری صورت رے مطابق بݨائی ہے۔ جالکھائی آݨ بھرپور خچائی رے بھیݪو۔
25
۲۵۔ائیے رے خاروں کوݪ ناں چھوڑو۔ ہر کوئی آپ رے پاݪے آݪے خاں خچ ٻولے، کیاں کے مھاں ہیکے ٻجے را جنم را خنگتی ہاں۔
26
۲۶۔ریخ کرو، پݨ پاپ نی کرو۔ سورج رے ٻݙݨ تک مھاری ریخ نی رہیوے۔
27
۲۷۔ شیطان ناں کوئی موقعو نی ݙو۔
28
۲۸۔جکو چوری کرئی اُو اگتے چھوری نی کرے۔ بلکہ آپ رے ہاتھاں خاں کوئی فائدے آݪوکام کرے، تاکہ اُوے کوڈھیا کہنی ضرورت مند نا ݙیوݨ رے خاروں کینک ہوے۔
29
۲۹۔تھارے پاخے خاں کوئی گندی بات نی نخرے۔ ائیے رے خاروں، اُوے حکماں ناں استعمال کرو جکے خاں ٻجاں رو خدھارو ہوے، آݨ تھارا حُکم خݨݨ آݪاں رے خاروں گھݨی کرپا ہوے۔
30
۳۰۔ آݨ ایشور ری آتما ناں ݙوکھاؤ نی۔ کیاں کے ائیے قربانی رے ݙیھں رے خاروں تھاں تے مہر لگائی گی۔
31
۳۱۔ہر قسم ری بُری رے بھیݪو ہرطرح خاں جیکݨ، ریخ، جگڑو، بد زبانی تے چوگلی ناں چھوڑو۔
32
۳۲۔ ہیکے ٻجے رے بھیݪو مہربانی خاں پیش آؤ۔ رحم دِل ہو، ہیکے ٻجے ناں معاف کرو، جیکݨ ایشور مسیح یسوع میں تھناں معاف کرخے۔