1
۱۔آݨ اُوے تھناں بھی جیوتا کیا جݙھے آپ رے قصوراں آݨ پاپاں ری وجہ خاں موؤڑا ھتا۔
2
۲۔جکے میں تھیں ائیے دُور رے رہتاں آݨ ہوا رے آݨ دنیاں آݨ بادشاہواں آݨ ٻجاں ری مرضی خاں ٻہیتا ھتا۔ جکو بڑے ٻچیاں میں کام کرتی ہتی۔
3
۳۔ ہیک وقت ھتو کہ مھیں خارا اُواں غیروشواسی رے بھیݪا رہیں۔ آݨ اسپرے پینڈ رے شییطانی مرضی ناں پوری کرتا آݨ دل را ارادہ پورا کرتا ھتا۔ دلی طور تے تھیں خاری ریت تے جگت را غلط کام کرتا ھتا۔
4
۴۔پݨ کیاں کے ایشور ترخ کرݨ میں دیرکونی کرتو۔ اُو تو اُوے موٹی محبت مھاں خاں کی۔
5
۵۔جݙھے کہ مھیں آپ رے پاپاں میں موؤڑا ھتا۔ تو اُوے مسیح میں مھناں نوی زندگی ݙھنی۔ زئیا ہی خاں تھیں بچایا گیا ہو۔
6
۶۔اُوے مھناں مسیح رے بھیݪا جیتا کیا۔ آݨ ایشور مھناں مسیح یسوع میں آکاشی کوٹھاں میں ٻخاݨیا۔
7
۷۔ اُوے ائیے رے خاروں کیو کہ آوݨ آݪے زماناں میں مسیح یسوع ری کرپا رے سبب خاں آپ ری عزت آݨ دولت ظاہر کرے۔
8
۸۔ کیاں کے کرپا ری وجہ خاں ایمان رے زریعے تھیں بچایا گیا ہو۔ آݨ ائیے تھاری خاطر کونی۔ اِے ایشور ری کرپا ہے۔
9
۹۔کرپا کاماں خاں کونی حاصل کر خگتا۔
10
۱۰۔ کیاں کے کوئی ماݨ نی کرے۔ کیاں کے مھیں ایشور ری کاریگری ہاں۔ نیک کاماں رے خاروں مسیح یسوع میں بݨیا گیا۔ جکناں ایشور پہلی مارے۔ مارو تیار کیا ھتا۔
11
۱۱۔آݨ تھیں یاد راکھو کہ بدن ری وجہ خاں ہیک وقت ھتو کہ مھیں غیرقوم ھتا۔ اُو منکھ جکے آپ ناں وشواسی کہی تھناں اُو غیروشواسی کہتا ھتا۔
12
۱۲۔ کیاں کے اُو وقت تھیں مسیح خاں جدا ھتا۔ اسرائیل رے منکھاں رے خاروں تھیں غیرمُکی لوگ ھتا۔
13
۱۳۔پݨ ہمیں مسیح یسوع میں تھیں جکو ایشور خاں پرھا ھتا۔ مسیح رے لوہی رے واخلے خاں ایشور رے نیڑا لایا گیا ہاں۔
14
۱۴۔کیاں کے اُو مھاروسکون ہے اُوے ٻہیاں ناں ہیک ٹھایا۔ اُو آپ رے بدن خاں اُو پردو جکو مھناں دورکریا ھتا آݨ پردو پرھو کیو۔
15
۱۵۔ کیاں کے اُوے حُکماں آݨ قانون رے اصولاں ناں ختم کیا۔ کیاں کے اُو سکون کرتا ہوتا آپ رے بھیتر ہیک نوؤ منکھ پیدا کرے۔
16
۱۶۔ اُوے اِے ائیے واستے کیو کہ اُو ٻہیاں منکھاں ری صلیب رے زریعے ایشور میں میل کرا ݙے۔
17
۱۷۔یسوع مسیح آتے تھناں جکو اݪگا ھتا۔ آݨ اُواں تے وی جکے نیڑا ھتا سکون ری خوش خٻری ری پرچار کی۔
18
۱۸۔ یسوع رے زریعے مھیں ٻہناں ناں ھیکی آتماں میں ٻاپ بھیݪا تھی جاویں رہا۔
19
۱۹۔ہمیں تھیں غیر قوم یا غیر مُلک آݨ پردیسی کونی بلکہ تھیں پوتر منکھاں رے بھیݪا ہیکے ہی مُلک آݨ ایشور رے گھر را بھائی ہو۔
20
۲۰۔تھیں چیلاں آݨ سنتاں ری بݨیاد تے چوگیا گیا ہو مسیح یسوع آپ کونے رے خرے رو پتھرہے۔
21
۲۱۔اُوے میں خارا مکان ہیک بݨ تے آݨ موٹو تھی آݨ ایشور میں ہیکل بݨ جاوے۔
22
۲۲۔ آݨ تھیں وی اُوے میں مل تے بݨتا جاوے۔ ائیے رے خاروں کہ ایشور ری آتما ری جگہ بݨتا جاؤ۔