1 Phato se kishti una usti alelaw paraw zhe tan Shahar una aw. 2 Zhe jaga moc ek khuta shen~ una kai tasa tada al`on. Yasu tasi Bhawar jagayo khutas kai amaaw mai putr tai gunah muah hawan. 3 To jaga ade Phiki moc aman ki ea ne patik bas` mondr del` dai. 4 Yasu tasi kheyal jhoni o amaaw ki abi ko tan hardiay shum kheyal ona dai? 5 Asan kia. Shehen` maik ki mimi gunah muah hawan yao shehen` maik ki usti kasi? 6 Magam shehen`as bati ki abi jona ki Adam as putras comuna apaw diawan gunah muah karikas ikhtiar dai shiaw (Se tasa khutas kai amaaw ) Usti tan shen` uprayo kasi tan dura hatya pari. 7 Se usti tan dura hatya paraw. 8 Mocbi to jagayao behon zhe khoday ishtikhaikas pron ki se mocan shehen ikhtiar asta dai aw. 9 Yasu talela ruaw paio Matti noman ek moc paisa grikwew nesi pashio tasa kai amaaw mai pistaw ie. Se usti tasa pistaw paraw. 10 Phato se dura au zhuikas bati nesi ais e to shehen` hawaw ki bo paisa griaw zhe gunah garaw Yasu zhe tasa shagetan tada ita au zuika neson. 11 Pharisi moc te jagayao tasa shagetan kai amaan ki mimi bandawaw paisa greaw zhe gunah garaw mocan som nesi ko zuw dai? 12 Se shehen` sangai o amaaw ki dactar l`ahazas ajat taza mocas o ne. 13 Magam abi pai tasa matlab khoja ki a qurboni ne baliki rakum khosham dai koki a ujak phonduna kasaw moc ne gunah garaw khundiaika itam. 14 Shatara Yuhana e shagetan tasa tada ita tasa kai amaan ki kia waja shiaw ki abi zhe pharisi ta roc`i thek dai zha tai shagetan o ne then dai? 15 Yasu tasi kai amaaw kia s`hambokas som iaw moc troin e? Magam shase wat iw ki to s`hambok tasi pi desha Karin. Shatara o to te roc`i then. 16 Utrukuna c`alaigaraw c`elak paranu piran una kura ne s`atel koki se c`elak piranaw kia ade asta hoc`iw phato se ade asta udul`iw. Zhe no~a D`a paranu d`ramai ne jhen naga te bishian zha se D`a phato uzukiw zhe te d`ram o barbad hin. No~a D`a no~a d`ramai jai then to te awdu sai thaw hin. 17 Zhe no~a D`a paranu d`ramai ne jhen naga te bishian zha se D`a phato uzukiw zhe te d`ram o barbad hin. No~a D`a no~a d`ramai jai then to te awdu sai thaw hin. 18 Se tasi kai shehen` mondr diman mi ais e ki jaga ek gaderak moc (Sardar) tasa tada ita tasa ruaw tasa hatya sual araw to amaaw ki mai c`u shonja nashi aw magam tu mai som ita tan baza tasa tada thai to se zinda hiw. 19 Yasu usti tan shagetan som tasa pistaw paraw. 20 To jaga ek istrizha kas ki dash zhe dua kau sati l`ui pariman ashes tasa pistaw ita tasa peranas awatik acutaw. 21 Koki se tan hardiuna maiman ais ki khal`i tasa piran mi asta pe acutis pe haw sai him. 22 Yasu pis` gheri to jagaio amaaw Mai c`u tai Bhawar tai prust araw. Phato se istrizha tara mi sai hawaw. 23 Phato Yasu tasa Sardaras dura ito te ishpo~i bajawaw zhe te bo mocbi apashaw. 24 To tasi kai amaaw al`ai para koki istrizha nashi ne aw dudi aw. Te tasa thara katrikas pron. 25 Magam te mocbi nehan e to se udreman paio tasa baza ac`utaw to se istrizha ustaw. 26 Shase mondr tara jaiga una sawin hatya pata hawaw. 27 Yasu talela ruaw paraw e to du s`ea tasa pistaw shehen` maiman on ki Ay Dawood S`as putr homa thara rehem kari. 28 Phato se dura azhal`aw e to te s`ea tasa tada on Yasu tasi kai amaaw kia mimi yakin shiaw e ki a shehen` karik bhaam? Te amaan ke Aan Khoday. 29 Phato se tasi ech c`utio amaaw ki mimi yakainas thara shehen` hiw aria. 30 To tasi te ech umrini zha Yasu tasi kai amaaw Khabardar kas hatya shia mondr mo pata hiw aria. 31 Magam teo talela nihi sawin kai aman. 32 Te bian pariman aini e to jaga moc ek l`ahaz tasa tada al`on se mondr dek ne baiman ais zhe tasa udreman shum arwaah asta aini. 33 To te shum arwaah nehan e se moc mondr dek abhaw to moc maikas pron ki Israil una shehen` kai asta ne thi shiaw. 34 Magam Pharisi moc o amaan ki ea shum arwahan gaderakas madadas thara shum arwah nehel` dai. 35 Yasu saw Shaharai zha gromai akasaw zha tasi sual karikainai tasi sabak asta praw zha bac`ai khoshanias mondr diman zha har ruayan l`ahazi zha har ruyan kamzori desha araw. 36 Phato te bo mocbi pashio tasa wal` praw koki te shatasi ame~on raw aini kas ki walmoc` ne an. 37 . To se tan shagetan kai amaaw ki phasul ta bo shiaw magam krom garaw o kam an. 38 Kas ki phasul shiaw tasa mocas kai ishkal`i kara ki se phasul l`aikas bati krom garaw hutiw aria.