1 Phato se tan dash zhe dua shaget tan tada khundiayo tasi shum arwah nihaikas ikhtiar praw ki te nehan zha har ruyan l`ahazi zha kamzori desha Karin. 2 Tai dash zhe dua paygumberan nom shemi. Awelo Shamoon kas kai ki Patras gho~i man dai zha tasa bayas Indriyas. Zabdi e putras Yakup zha tasa bayas Yuhana. 3 Philpas zha Burtalmai. Tuma zha Matti paisa griaw. 4 Halfi e putr Yakup zhe Tadi. Shamoon Qanani zha Yahudaiskaryodi kura ki to griawais. 5 Emi dash zhe dua shagetan Yasu ahutaw zha tasi kai hokum daio amaaw. Warek mulkai zha Samri Shahar ai o mo para. 6 Israilas dum hul`a ame~on tada para. 7 Phato kasiman kasiman shehen` mondr det ki D`ias bac`ai s`oi ita shiaw. 8 L`ahaz prust karik. Nasta jhunkik. Bicicias l`ahazi prust karik. Shum arwah nehek. Abi micmi agrel`i micmi det. 9 Ne ta s~ua ne o c`andni ne o paisa tan d`akai bonuniai mo tha. 10 Phonduna kasikas bati du du zhola peran mo grea ne o kirmec ne o gundik koki krom garaw tan au as tan hakdar. 11 Zha kawa Shahar una zha gromuna para o tara phuca ki kura l`aik aw ki talela para shohon tara apaw dihel. 12 Tara dura atikwew tasa hatya sual kara. 13 Zha se dur mimi laik pe hul`a pe haw to mimi se sual tasi sataw ne pe laik hul`a pe haw mimi sual mimi hatya gheri iw. 14 Kura pe mimi kubul ne pe aran pe haw zha mimi mondr asta pe ne ko~ aran pe haw to talela duraw yao talela Shahar aini bian nihikwew tan khuraw udhu tuka. 15 A mimi kai ujak mam dai ki adalatas adua tasa Shaharas kia ki Sadum zhe Amura shaharas hal thi ashes bardasht karik bas` ne hiw. 16 Jaga a mimi hutum dai khen~ ki ame~a l`awakan mocai. Bas gokas raw hushiar zha kohowan raw azad mo hali. 17 Magam mocan pi khabardar hali koki te mimi adalatas hawala Karin zha tan sual karikainai mimi tain. 18 To abi mai wajen dai gaderakan zha bac`ahan ruaw para ki tasi zhe warek mulkaw mocan (kura ki khoday ne manin dai) hatya guahi hali. 19 Magam te mimi griawaini pe haw phikar mo kara ki abi kia maik yao khen~ kai maik koki kia maeli hiw o shatara mi mimi kai man. 20 Koki maow abi ne mimi dadaw arwah hiw kura ki mimi udremanaw thi maw. 21 Baya baya nashel zha putr o dada. Zha putr o tan ayas dadas ruaw c`isti to nashawaw. 22 Mai nomas wajen saw moc mimi som dushmani Karin magam kura ki akher una zhe bardasht kariw shase mi nijat griw. 23 Magam mimi ek Shahar una pe tang aran pe haw warek awata hatya para koki a mimi kai ujak mam dai ki tu Israilas saw Shahar ai neji kasi e Adamas putr iw. 24 Shaget tan bandawawas pe gada ne hiw zha nemi o krom karaw tan gaderakas pi. 25 Shagetas hatya sheami bo ki tan bandawawas raw hiw. Zha krom karawas hatya o shia ki tan gaderakas raw. Te tan duraw gaderakas kai pe bahalzbol gho~i mai an pe haw tan mi duraw mocan hatya o ko ne man? 26 Tasi pi mo behaw koki kia ishnayari shehen` ne shian ki te band kaio umrek ne bhan zha neo shehen` kia ishnayari l`uhi shian te gheri jhonik ne hiw. 27 Kia ki a mimi kai tramasungai mam dai abi o to phreyl`ik una ma zha kia abi ko~nas thara sanga warek awata tasa bara una ma. 28 Kura ki jhan ta nashen magam arwah o ne nashek bhan dai tasi pi mo behaw khali shatasi mi pi behaw kura ki arwah zhe jhan awdu kai druzhak ai jai nashek bhaw dai. 29 Kia paisas thara du pac`iak ne brikin dai e? Zha talela mocaw o ek asta mimi dada e marzias thara com una ne pal`in. 30 Mimi s`is`aw c`awar asta saw ismarai shian. 31 Bihaw o mo. Mimi zhan o bo pac`iakan pe asta ziad. 32 Kura pe mocan ruaw mai maniaw pe haw a asta mai dada ruaw kura ki D`i una aw tasa ikrar kaim. 33 Magam kura ki mocan ruaw mai ne maniw a asta mai dada ruaw kura ki D`i una aw tasa inkar karim. 34 Shehen` mo c`iti ki a c`om una mimi prust karika itam. Prusti karika ne khangar satawaika itam. 35 Koki a shehen` gho~i itam ki moc tan dadas pi zha c`u tasa ayas pi zha bahu o tasa ispresas pi desha karim. 36 Mocan dushman o tasa mi duraw moc hin. 37 Kura ki tan ayas zha dadas mai pi ziad khosel` se o mai laik ne zha kura pe putr yao c`u mai pe ziad khoshel se asta mai laik ne. 38 Zha kura ki tan salip ne uprel`zha mai pistaw ne kasiw se asta mai laik ne. 39 Kura tan zhan bac kariw o se to dumbel` zhe kura ki mai bati tan zhan dumbel` se o bac hiw. 40 Kura tai maniw dai o se mai maniw zha kura ki mai kubul kariw dai se mai hutaw asta kubul kariw dai. 41 Kura ki paygumberas nomas thara paygumber maniw dai se paygumberas behel`i griw dai zha kura ki ujak nomas thara to maniw se o prusti as behel`i griw. 42 Kura ki shagetas nomas thara tan pi c`utakan khali pe ek pial`a osh uk piaw pe haw a mimi kai ujak mam dai ki se tan prusti kai asta ne dumbel`.