1 Yasu tan dash zha dua shagetan hokum praw e to shehen` hawaw ki se talela paraw ki tasi shaharai pai tasi sabak del`. 2 Yuhana o jel`ai Yasu e krom sangaio tan shagetan phuc`ika ahutaw. 3 Ki iaw tu mi e yao abi warek kas iawas phond jakek? 4 Yasu jawab una tasi kai amaaw ki kia ki abi sanga dai zha jaga dai pai Yuhana kai ma. 5 ki s`ea pashik bhan dai zha khuto kasik bhan dai. Karutu sangan dai zha nasto zinda hin dai zha gareban kaio prust mondr den dai. 6 Mubarak shatasi kai kura ki mai wajen dai ne shurun. 7 Te parikas hawan e to Yasu Yuhana e barauna mocan kai maik shurugaw ki abi beyaban una kia jagaika pai aili? kia s~eras thara patakaw mutkan e? 8 Dhoyo kia jagaika pai aili? kia kimati peran sambiwaw moc e? jaga kura ki kemati peran sambian dai te S`as dura hin. 9 To dhoyo ko pai aili? kia ek paygumber jagaika? A mimi kai mam dai ki ek paygumberas pi gadas kai. 10 Se o shase mi kas barauna ki niweshi shiaw ki jagai a tan paygumber tai ruaw hutum dai kura ki tai phond tai ruaw tayar kariw. 11 A mimi kai sahi mam dai ki kura istrizhon pi ubuji an talela mocaw Yuhana pi gada kura ne magam kura ki D`ias gaderaki una cutak aw se o tasa pi gada. 12 Yuhana baptisma diawas wat aini gri shonja zha D`ias gaderaki una tezi ita shiaw zha takatwar o to gren. 13 koki saw paygubaran Yuhana una zha aini. 14 Zha c`iti o maniaw. Alia kura ki iman ais shia shasemi. 15 Kas ki ko~n ko~ karikas bati shian ko~ kara 16 Onja zamana aini moc a kas raw aini gho~i mam? Te shatasi sudon raw kura ki bazarai nesi tan malgiri khundien dai. 17 Abi mimi hatya ishpo~i banjemi zha abi o ne anatil`i. Abi shok arimi zha abi o ne atroili. 18 Koki Yuhana ne ta zuiman itaw neo pi aw zha teo man dai ki isa udreman shum arwah an. 19 Adamas putr o zui pi aw zha teo man dai ki jeha zua. Paisa griowan zha gunah karawan malgiri! Magam akal o tan kroman thara ujak hula. 20 Se phato shatasi Shaharan barauna maikas praw kawa ki se ziad Hairan hikas bas` krom kai ais koki te thoba ne kai aini. 21 Ay mocbian Mimi thara afsos! Ay Bait-e-Sada mimi thara afsos! Koki kia ki hairan hikas bas` krom mimi som hawan te Sur zhe Saida gromuna pe hawan te ghona cadar uphayo zhe phaw una nesi zhot thoba aran. 22 Magam a mimi kai mam dai ki adalatas adua Sur zhe Saida saza nimi pe bardasht karik bas` hiw. 23 Ay Kufur e nahum kia tu D`i una zhe ghona his e? Tu ta pura dunias no~una ucundis koki kia ki hairan hikas bas` krom mimi pashai asheni te Sadum una pe hawan shonja zhe te jata thaw hawan. 24 Magam a mimi kai mam dai ki Adaalatas adua Sadum gromas saza mimi pi bardasht karik bas` hiw. 25 Shatara Yasu amaw Ay Dada D`ias zha comas khoday a tai hatya sual karim dai ki tu shemi mondr akalmandan pi lawai zha sudayakan o pashai. 26 Aan ay dada koki shehen` mi tai khosh. 27 Mai dada gehenaw dai saw kia mai dai an zha kura putr one jonin dai dada sargairo zha kura dada ne joniw dai putr e sargairo kai zha ki putr to ne pashel. 28 Ay mehnat karaw mocbian saw mai tada aw. A mimi aram dem. 29 Mai haw tan thara thai upra zha mai pi cic`a. koki a rakum garaw zha hardiuna bo prust. To mimi zhan aram una hin. 30 Koki mai bo mauc`ak zha mai phar o phis`tak.