1 Shatara wat una Yasu Sabatas adua c`etai paraw tasa shagetan o anora aini zha te tara te juwari phalik c`ini zuikas pron. 2 Pharisi jagaio tasa kai aman jagai tai shagetan shehen` krom Karin dai kia ki Sabatas adua ne karik bas`. 3 Se tasi kai amaaw abi shehen` ne mai a ki Dawood zha tasa malgiri anora thio kia aran. 4 Se khodayas dura paraw zha tara te thala kia ki au asheni te azuan te ne ta tasa neo tasa malgiran zhuikas bas` asheni khali Kahin te zhuk bhan. 5 Ya o tu Torait una ne mai as e Kahin Sabatas adua khodayas dura Sabat ne manin dai zhe wadi asta kura kia ne maik bhan dai tasi kai. 6 A mimi kai mam dai ki aya shase aw kura ki khodayas duras pi asta ghona. 7 Magam abi pi tasa matlb pe ajonili ki a qurboni ne rakum khoshem dai to be kusuran kai galat ghoi ne ma. 8 Koki Adamas putr Sabatas malik. 9 Phato se talela kasi pai tasi sual karikainai paron. 10 Zha jaga tara ek moc ais kas ki baza s`usi ashes. Te tasa thara phan dikas bati shehen aphuc`an ki kia sabatas adua prust karik shiaw e? 11 Se tasi kai amaaw shehen kura aw kas ki khali ek mi ame~a aw se o sabatas adua ukai pal`aw se o to gri talela ne nehel? 12 Phato mocas o ame~as pi ziad madad karik shiaw. Shehen`as batio Sabatas adua prusti karik bha. 13 To se tasa mocas kai amaaw ki tan baza ruaw kari. Se ruaw araw e tasa se baza tasa egis raw prust hawaw. 14 Shatara phato te Pharisi bian paio tasa khilap mashwara aran ki to khen~ kai nashek. 15 Yasu shehen` kai o talela paraw zha bo mocbi tasa pistaw paron se o te sau prust araw. 16 Tasi kai amaaw ki kas kai mo ma. 17 Kia ki Yasaya paygumber mai ais se pura the. 18 Jaga ea mai moc kas ki a khoji am. Mai sheshoyak kas pi ki a khoshan am. A tan arwah asa udreman jem. Zha ea khoday ne maniaw mulkai pai Insaaf kariw . 19 Ea ne ta s`atiw ne o shor kariw zha neo kura bazarai isa awaz sangan. 20 Ea lac`ala muthikik ne c`iniu zhe angar aini thum ne phalel kia zha ki Insaaf ne hiw. 21 Zhe isa nomas thara khodayas ne maniaw moc asta umeed then. 22 Shatara moc tasa tada ek s`ea ne mondr diaw moc alon kas udreman ki shum arwaah aini. Se to prust araw. To se moc mondr dek zhe pashik abhaw. 23 Saw mocbi hairan thi maikas pron ki kia ea Dawood e putr e? 24 Pharisi sangai o amaan ki ea Shum arwaah an gaderak Bahizbul e madad as thara shum arwaah ne nehel` dai. 25 Se tasa te mondr jhoni o tasi kai amaw ki kas gaderaki una pi shumi hawaw pe haw se weran hiw zha kawa dura yao Shahar una pi shumi hawaw pe haw se ne thaw hiw. 26 Zhe shaithan pe shaithan nehaw pe haw to te mi egoegin khilap hin to tasa gaderaki khen~ thi thaw hin. 27 A pi Bahizbul e madadas thara pi shum arwah nehem dai o mimi putr o kas madadas thara nehen dai? 28 Magam a pe Khodayas arwah as thara pe shum arwah nehem dai o to khodayas gaderaki mimi tada zhali shiaw. 29 Ya o ko kura moc kas mocas durai ati khen~ kai tasa ishnayari lawel to ne bhoni o.? phato se tasa to dur c`iniw. 30 Kura ki mai som ne an te mai khilap an zhe kura ki mai som ne sarien te o to bizgen. 31 To mimi kai mam dai ki mocan saw gaunah zha shumi ta muah karik hiw magam kia ki shumi arwah as som pe hawaw pe haw to ne muah karin. 32 Kura pe Adamas putras hatya pe kia mondr pron pe haw te ta muah Karin magam kura pe Ruhulkudusas hatya pe kia amaaw po to muah ne Karin. 33 Ya ta mutas kai prust gho~i mas zha tasa mewas kai asta yao mutas kai asta shum gho~i mas zhe tasa mewas kai asta koki mut tasa mewas thara jonik hiw. 34 Ay gokas azhel`i! abi shum thi khen~ kai prust mondr dek bhaa? Koki kia ki hardiuna hiw shase mi ashuna asta hiw. 35 Prust moc prust Khazana aini prust ishnayari nehel zha shum moc shum khazanaw shum ishnayari nehel. 36 To a mimi kai mam dai ki kia ne dik bas` mondr kura praw pe haw adalatas adua tasa hisab gren. 37 Koki tai tan mondran thara tai kai ujak phond una kasaw gho~i man zhe tan mondran thara o tai jonin. 38 Shesa thara to ade Phiki zhe Pharisi jawab una aman Ay Bandawaw! Abi tai pi ek Nishan khojik dai. 39 Se jawab una tasi kai amaw onja wat aini shum krom karaw moc Nishani khojin dai magam Yunah paygumberas Nishan as sargairo kia Nishan ne hiw. 40 Koki kia ki Yunah tre rat adua macias kuc`ai apaw praw shehen` mi Adamas putr tre rat adua c`oma una apaw den. 41 Nainwah aini moc adalatas adua shesa zamana aini mocan som cisti tasi kai shum gho~i man koki te Yunahas mondras thara thoba aran zhe jagaa aya o shase moc aw kura ki tasa pi asta gada. 42 Dakhan as malika adalatas adua isa zamana aini mocan som c`isti tasi kai shum ghoi maaw. Koki se dunias awatikani Sulaiman S`as mondr ko~n karika itaw zha jaga ayo shase aw kura ki Sulaiman as pe asta gada. 43 Shum awaah pe mocas udremanaw pe nehaw pe haw se tan aram karikas bati jaiga khoji kasiw magam saprel` o ne. 44 To se maaw ki a tan shatara dura hatya gheri parim kawel`a ki nehi ais. 45 Phato talela paio tan som sat warek arwaah asta gri iu phato te udreman ati tara apaw den zhe tasa mocas o awelaw pe asta shum haal Karin. Onja zamanaw mocan hal asta shehen mi hiw. 46 Se mocbian kai shehen` maiman ais e tasa ayas zha bayas bian c`isti aini zhe tasa som mondr dek khojiman aini. 47 Kura tasa kai aman ki jagai tai ayaw zhe tai bayaw bihan c`isti an zhe kai som mondr dek khojin dai. 48 Se tasa kai mondr diau mocas kai amaaw ki kura may aya zhe kuro mai baya? 49 Zhe tan shagetan gehe~n baza kaio amaaw ki jaga mai aya zhe mai baya emi. 50 Koki kura mai dada marzias thara kasiu shatemi mai aya zhe mai baya.