1 Se talel`a dhen~ta aini ucundaw e to bo moc tasi pistaw on. 2 Zhe jaga ek lahaz istrizha tasa isnar una dana asheni Yasu e s`oi ita tasa ruaw sual araw zhe amaw Ay Khoday tu pe aciti peo mai Pak Sapha karik bhas. 3 Se tan baza tasa tada kai to acutaw zhe amaaw ki A citim dai ki tu Pak sapha ha. Se shatara mi Pak Sapha hawaw. 4 Yasu tasa kai amaaw Khabardar kas kai mo mas tan gaderakaw pashai zhe kia ki Musa phawazhawaiman ais to kari ki tasa hati Guwahi hiw. 5 Zhe se Kufurnahum wa~una ataw e to ek subadar tasa tada aw zhe tasa ishkal`i kai amaw. 6 Ay khoday mai gaderak Palis thi dura au zhe bo azab una aw. 7 Se tasa kai amaaw a ita to prust karim. 8 Subadar jawab prau Ay Khoday a tai laik ne ki tu mai dramias no~una ie khal`i tan ashas thara amai po se prust hiu. 9 Koki asta warek kas no~una am zhe sipahi o mai no~una an a pe tasi kai tu pari gho~i amais po te parin dai zhe waregis kai tui e gho~i amais po in dai tan krom garau as kai shama kari gho~i amais po se to kariu dai. 10 Yasu shehen` mond san~gai o tan pistaw iowan kai amaw a mimi kai sahi mam dai ki a Israil una asta shehen` Bhawar ne pashi am. 11 Zhe a tai kai mam dai ki bo mocbi wehakaw zhe preakaw ita Ibraham zhe Izhak zhe Yakub e som thi asmanas badshahi una in. 12 Magam badshahias putr o bian tramasungai histin tarao troin. 13 Zhe Isaa subadaras kai amaaw pari kia ki tu amai tai som shehen` mi hiw zhe shatara mi se moc pak taza hawaw. 14 Zhe Yasu Patras e dura ita tasa to ispresas apashau se andaw zuni thi asta. 15 Se tasa baza acutau zhe peci tasa pi parau zhe se shatara mi usti tasa khidmat karikas prau. 16 C`hak praw e tasa tada bo moc al`on tasi udreman shum arwaah aini se te arwaah ashas thara mai tasi pi nehaw zhe saw lahaz asta prust araw. 17 Kia ki Yasaya paygumber mai ais se pura hula ki se tan homa te kamzori agreaw zhe lahazi o upraw. 18 Yasu tan tada bo mocbi pashi o tasi kai ale`l`aw parikas hokum praw. 19 Zhe ek phikia tasa tada ita amaw Ay bandawaw ! tu kawai paris o a tai pistau im. 20 Yasu tasa kai amaaw lawak dhe`nta gangai apaw den pac`iakan pac`iak mo~ hin magam Adamas azhel`ias o s`is l`awaikas jaiga asta ne shiaw. 21 Zhe ek shaget tasa kai amaw Ay Khoday mai ijazat de ki awel pai tan dada khalem. 22 Yasu tasa kai amaaw tum ai pistaw ie zhe nashawawan tan nashaw khalaun de. 23 Se kishti una ustaw e tasa shaget tasa som paron. 24 Zhe jaga babayauk una tufan au kishti tasa tufan no~ hawaw magam se o (Isaa) dudi ais. 25 Te tasa tada ita to ustan zhe amaan ki Ay Khoday homa bac` kari! Abi nashek dai. 26 Se tasi aki amaaw Ay naphadukan! Abi ko behau dai? Se usti se~nra zhe ukas kai kahari hawaw phat obo aman hawaw. 27 Zhe moc maikas pron ki ea kia namuna moc ki se~nra zhe uk asta isa hokum manin dai? 28 Se alelaw Gadarini mulkuna azhal`au e to du moc kas udreman ki shum Arwaah aini qaburaw nihi tasa som milaw hawan. te shohon shum aini ki kura tara phonduna dai asta ne kasiman aini. 29 Zhe jaga te abayo dai amaan Ay Khodayas putr homa tai som kia krom? Kia tu shehen` gho~i aya ita as ki wat aini sumber homa azab ay histis? 30 Tasa pi tecak desha Suar cariman aini. 31 Phato shum Arwah tasa kai ishkal`i kai aman ki tu homa nihes pe dai o asi Suaran mocai histi. 32 Se tasi kai amaaw para. Te tasi pi nihi khinziran mocai paron zhe jaga te abayo diman babayukai pal`i anashan. 33 Zhe te carawaw talela shahar una pai shate som mondr mocan kai aman. 34 Zhe jaga pura Shahar Yasu e som milaw hika paron zhe to pashio tasa kia ishkal`i aran ki homa jagao bian pari.