1 Kas hatya kia mo maa mimi hatya asta kura kia ne maan. 2 Koki khen~ kai ki abi kia maa shehen` mi mimi hatya asta maan. 3 Tu ko tan bayaw ech aini to ac`ak jehes dai zhe tan ec`aw to ne pashis dai. 4 Tai mi ec` una se shiaw e tu khen~ kai tan bayau kai mas ki andai oni tai ec`aw ala nehem ? 5 Ay shum moc awel tan ec` ta nehai phato tan bayaw ec`aw gondak nehai . 6 Pak ishnayari s`hohon mo det zhe tan maik khinziran ruaw mo hista. shehen` mo hiw aria ki te pis` gheri mimi mi utraki histin. 7 Agati pe haw mimi diun pariw. Akhojili pe haw sapres. Dur pe bang pral`i haw mimi hatya umran pariw. 8 Koki kura pe agataw haw tasa hatya zhal`iw zhe kura akhojaw haw se saprel zhe hura bang pe praw haw tasi bati dur umraun pariw. 9 Mimi mocaw kura shehen` moc aw ki tasa putr pe tasa pi aw agataw pe haw se tasa bat del`?. Yao maci pe agataw pe haw gok del`? 10 Yao masi anagatan pe haw to tasi gok det? 11 Abi tan shum thi tan azhelal`i o prust ishnayari dek jona dai to mimi dada kura ki D`i una aw tan gatauan o prust ishnayari ko ne del`? 12 Phato kia ki abi cita dai ki moc mimi som som Karin aria abi asta tasi som kara koki Torait zhe paygumbaran sabak sheami. 13 Trang darwaza una dai ataw koki se darwaza drega se kholaw kia ki nashaikuna hatya zhalel` zhe tara dai atiau o bo an. 14 koki se darwaza trang zhe se phond o bo taluyak kia ki umbur zhe majal una zha`el` zhe to griau o bo tecak an. 15 Phan diaw paygumberan pi khabardar hal`i kura ki mimi tada ame~on raw thi in dai magam asal uno utakau lawak. 16 Tasa mewan thara abi te jona. Kia jhow mocaw drac` yao kawit nihin e? 17 She`he`n mi har ek prust mut prust mewa oniu dai zhe shum muto shum mewa. 18 Prust mut shum mewa ne oniw nemeo shum mut prust mewa oniw. 19 Kurai mutau ki prust mewa ne ubujiu to chenio angaria jen dai. 20 Phato tasi mewan thara abi te jona. 21 Kura mai kai Ay Khoday Ay khoday! Ghoi man dai talel`a mocaw har ek D`ias bac`ai una ne atiw magam shate kura ki mai dada marzi una kasin. 22 Khatara bo mocbi mai kai man Ay Khoday Ay Khoday! Kia abi tai nomas thara mocan sabak ne promi e zhe tai nomas thara shum arwaah ne nihemi e zhe tai nomas thara bo hairan hikas bas` krom ne pashemi e? 23 Shata wat uno a tasi kai sapha kai mam ki a mimi ne joniman ais. Ay shum moc mai tadani para. 24 Shatal`ako kura mai shemi mond ko~ Karin zhe isi thara amal Karin te shatasa akalmand mocas raw hiw kura ki dhe~nta una tan dur sawzel`. 25 Zhe phato muci zhe uk bo thi zhe se~nra jeta zhe se dura o khen~ ne hul`a koki tasa buniad dhen~ta una cistai ashes. 26 Zhe kura mai shemi mond ko~n kariw zhe isi thara amaal o ne kariw seo shatasa gaderi mocas raw hiu kura ki tan dur phaw thara sawzel`. 27 Zhe phato amucaw zhe uk bot hi zhe se~nra jeta zhe se dur o ataw zhe barbad hawaw 28 Yasu shemi mondr dai khul`aw e to shehen` hawaw ki mocbi tasa dita sabakas pi hairan hawan. 29 Koki se tasi Phiki mocan raw ne ek gaderakas raw thi sabak diman ais.