1 Se te mocbi pasha dhe~nta una ustaw zhe tara nesaw e to tasa shagetan tasa tada on. 2 Zhe se tan ashi umraio tasi kai shehen sabak dikas praw. 3 Muburak shate kura ki hardiani gareb, Koki d`ias gaderaki shatasi mi. 4 Muburak shatsi kai kura ki pareshan an, Koki te tasali grin. 5 Muburak shatasi kai kura ki sabar karaw, Koki te comas gaderak hin. 6 Mubarak shatasi hatya kura ki ujak phondas bati anora zhe d`ahan hin, Koki te khoshan hin 7 Muburak shatasi kai kura ki reham karaw, Koki tasi thara asta rehem Karin. 8 Muburak shatasi kai kas ki hardi pak, Koki te khoday pashen. 9 Muburak shatasi kai kura ki prusti karen Koki te khodayas putr hin. 10 Muburak shatasi kai kura ki ujak phonduna kasikas bati bo gudas hawan koki D`ias badshahi tasi mi hiw. 11 Mai wajen dai pe moc mimi shum aran po zhe mimi hatya shum shum mond pron po to mimi kai Mubarak. 12 khoshani kara zhe bo ziad khoshan hal`i koki Di`una mimi hatya bo ghona badila milau hiu koki moc emi paygumber mimi pi sumber shehen` mi kai tang kai aini. 13 Abi comas l`o, Magam l`o as maza pe paraw pe haw to phato kia ishnayari gri l`okhal` Karin? Phato se kia ajat ne se nehai bian histik bas` hiw zhe mocan khur noai l`ac`aun pahaw. 14 Abi dunias phreyl`ik. Kia Shahar ki dhenta una abad thi shiau se ne lawaun pahaw. 15 Zhe l`uc upuayo to kawai no~hai o ne tan thaikainai then to tasa thara durau saw mocan hatya phreylik zaliw. 16 Shehen` mi thi mimi phreylik asta mocan ruaw upuaw aria ki te tai prust krom jehayo mimi dada kura ki D`i una au tasa ruaw sual Karin. 17 Shehen` mo cita ki aa Torait yao Paygumbaran te kitab galat karika itam. Galat kaika ne te pura karika itam. 18 Koki a mimi kai sahi mam dai ki kai zha ki D`i zhe com shian ek nukta yao ek warak Torait aini kai asta warek ne hiu kai zhe ki se pura ne hiw, 19 Phato kura pe shesi c`utak c`utak hokuman mocaw pe kia ne maniaw po zhe shemi mi mocan ci`c`en ki te D`i as bac`ai una sawin pi cutak hin magam kura pe emi manion pe haw isi sabak den teo D`i as badshahi un agada hin. 20 Koki a mimi kai maam dai ki abi pi Phikian zha Pharisi mocan pi ziad ujak phonduna kasaw pe ne hawili po abi kai asta D`i as bac`ai una atik ne bha. 21 Abi sangaia ki adein kai mai aini ki kas mo nasha kura kas nashen o tasi adalat uno saza hiw. 22 Magam a mimi kai shehen` mam dai ki kura tan bayas hatya kahari hiw tasa adalat una saza hiw zhakura tan bayas kai gaderi gho~i maw tasa o ghona aadalatuna saza hiw kura pe tasa kai got gho~i amaw pe haw tasa o druzhak as angras saza hiw. 23 Phato tai zhandar phawaz`ikwew pe shehen` yadi aw pe haw ki may baya may pe tecak kia shikayat shiw. 24 To shatara mi phawazikaina tu zhandar histi pari awel` tan bayaw som prust ha to gheri ita phawazhi. 25 kai zha ki tu tan malgiraw som phond una as tasa som tez prust ha. Shehen`mo hiw aria ki malgiraw tai warek mocas hawala kariu se o tai sipahias hawala kariw zhe tai o phato jelai jhen. 26 A tai kai sahi mam dai ki kai zha ki tu har ek ishnayari pura ne karis talela kai asta ne nehis. 27 Abi sangaia ki mai aini ki shum krom mo kari. 28 Magam a mimi kai shehen` mam dai ki kura pe kia shum soch as thara pe kas istrizhas thara pe jagaw po se tan hardiuna tasa som shumi araw. 29 Shatalako mimi dracui ec` pe mimi shuruaw pe haw to nehayo tan tadani hista koki mimi hatya sheami prust hiu ki mimi jisam ai ek cel`ak pariw aria zhe mimi pura jisam o Druzakas o ne histun pariw. 30 Tai dracui baza pe tai shuruaw pe haw to cini histi koki tai hatya shiami prust hiw ki mimi jisam ai ek cel`ak pariw aria zhe mimi pura jisam o Druzakas o ne histun pariw. 31 shehen` asta mai shiaw ki kura asta tan jas histik bhau zhe tasa talak asta dek bhaw. 32 Magam a mimi kai mam dai ki kura pe tan jas shum kormas yao warek kias wajen dai pe ahistau po se tasa som shumi kau dai zhe kura pe to histil`a istrizha ja arau po se asta tasa som shumi karikas barabar hiw. 33 Phato abi sangai aili ki adein kai mai aini ki lawai shat mo cawa baliki tan te shat cawik khodayas hatya pura kara. 34 Magam a mimi kai shehen` mam dai ki kai asta shat mo cawa. Abi d`ias koki se khodayas takht. 35 Ne mi o comas koki se tasa khur tauni. Ne o Yaroshelumas koki se gaderak S`as Shahar. 36 Ne o tan sisas koki tu tan sisau ek cawar asta krisna yao gora ne karik bhaas. 37 Khodayas mondr Aan Aan yao ne ne koki kia tasa pi ziad hiw se o shumias pi hiw. 38 Abi sangai aili ki ec` as badila una ech zhe dandoyakas badilauna dandoyak. 39 Magam a mimi kai shehen` mam dai ki shum mocas mukabila mo kara kura pe tai ek kalak una kalipara paw po to ek asta tasa ruaw kara. 40 Zha kura pe tai pe zorian tai peran agriau po to tasa to de. 41 Kura pe tai micmi ade awata kasaika aniaw po abi ade awata asta tasa som kasika para. 42 Kura pe tai pi kia agatau po to tasa de zhe kura pe kia dec` agataw po tasa de. 43 Abi sangaia ki mai ashes ki mimi dur tada apaw diawan som asta muhabat tha zhe tan dushmanas pe o desha apaw det. 44 Magam a tai kai shehen` mam dai ki tan dushmanan som muhabat tha zhe tan shum karawan hatya sual kara. 45 Ki abi tan dada kura ki D`i una au tasa putr hali koki se tan to suri shum zhe prust awduin thara cimikel` dai zhe ujak phonduna kasawan thara D`i aini zubaram ucundel. 46 Koki abi pe khal`i tan muhabat karawan som pe muhabat arili pe haw to mimi hatya kia prust hiu? Kia paisa griaw shehen` ne Karin dai e? 47 Zhe abi pe khali tan bayali som pe prust aili po to kia ziad kara dai? Kia warek mulkaw moc asta shehen` ne Karin dai e? 48 Bas abi prust hali khe~n ki mimi D`i aini dada aw.