1 Shatara wat una arwah Yasu jangalai anehaw shaithan e pi shuraika. 2 Se du beshi adua zhe du beshi rat kia ne zhui akher uno tasa anora araw. 3 To shehen` karaw tasa ita ito tasa kai amaw tu Khodayas putr pe o mas ki shemi bat au sauz hin. 4 Se jawap una amaw niweshi shiau ki Moc khal`i au as thra zinda ne apaw del shatasi saw mondr an thara kia ki Khodayas ashaw nihin dai. 5 Phato Shaithan to pak Shahar una anihaw zhe Khodayas duras dramia cistayo tasa kai amaw ki. 6 Tu Khodayas putr pe o tan saro undrak shuruas koki neweshi shiaw ki, Se tai bati tan pharishtagan hokum del, Zhe te o tai tan baza gri upren, Shehen` mo hiu aria ki tai khur batai tai grehen. 7 Yasu tasa kai amaw shehen` asta neweshi shiau ki tu tan Khodayas pi azmais mo kari. 8 Phato Shaithan to ek bo hutal`a dhenta una aniaw zha dunias saw mulk zhe tasi sheshoyaki tasa pashaw. 9 Tasa kai amaaw Tu tung dai may pe ishtikhai po shemi saw kia a tai dem. 10 Yasu tasa kai amaaw Ay Shaithan desha ha koki neweshi shiau ki tu tan Khoday ishtikhai zhe kal`i tasa mi ibadat kari. 11 Phato Shaithan tasa tadani paraw zha jeha pharishtagan tasa tada ita tasa khidmat karikas pron. 12 Yuhana grikas mond se sangaio Galil hatya paraw. 13 Nasrat histi Kufurnahum pai apaw praw kurai ki zhai as awatika Zabloon zhe Naftalias mocuna shiaw. 14 Yasaya paygumber kia ki mai ais se pura thi. 15 Zabloon as jaiga zhe Naftalias jaiga Babayukas phond una Yardanas alelaw warek mocan Galil. 16 Matlab she`he`n ki kura moc ki tramasungai nesi aini Te bo phrel`ik apashan. Zhe kura ki nasekas mulkai zhe tasa c`aghai nesi aini Tasa thara phreyl`ik upuis. 17 Shatara wat aini shati Yasu shehen` maik shurug araw ki thoba kara koki d`i as gaderaki soi zhali shiaw. 18 Phato se Galil as babayuk as awatuna kasikwew du bayasi Shamoon kas kai ki Patras ghoiman aini zhe tasa bayas Indriyas babayuk una jal histikwew apashaw koki te masi griaw aini. 19 To tasi kai amaw mai pistaw ow a mimi moc griaw karim. 20 Te shatar mi jal histi tasa pistaw paron. 21 Talela ruaw payo se du warek bayasi Zabdi e putr Yakup zhe tasa bayas Yuhana apashaw ki te tan dadas Zabdi e som kishti una tan te jal sawzaiman aini zhe se o te khundiaw. 22 Te shatara mi kishti zhe tan dadas histi tasa tada paron. 23 Yasu saw Galil una akasaw zhe tasi sual karikain ai tasi sabak praw zhe gaderakias mondr asta praw zhe mocan har ruyan l`ahazi zhe har ki ruyan kamzori desha araw. 24 Tasa te krom saw Suria noman wa~una shur hawaw zhe moc saw lahaz kas ki bo ruyan lahazi zhe kura ki bo takleef una aini zhe kas udreman shum arwah zhe kura ki burtuni himan aini zhe kura ki khuta aini tasa tada alon se o te prust araw. 25 (25) Galil zhe Dukplus zhe Yaroshelum zhe Yahudia zhe Yardanas alelaw bo mocbi tasa pistaw paron.