1 Shatra watuna Yuhana baptisma diaw ita ais se Yahudias beyaban una shehen` maikas praw ki. 2 Thoba kara koki d`i as gaderaki s`oi ita shiaw. 3 Shia shasemi kas barauna ki Yasaya paygumber e gehenaw dai shehen` thi ashes ki. Beyaban una khundiawaw as awaz iw dai ki Khodayas phond tayar kara. Tasa phond ujak sawza. 4 Shea Yuhana ut as cawaras piran sambi zhe phostas pati tan d`ak una boniman ais zhe tasa zubarum o goik phawatik zhe jangali mac`i ashes. 5 Shatara wat una Yaroshelum zhe saw Yahudia zhe Yardan as s`oi apaw diaw saw moc nihi tasa tada paron. 6 Zhe tan gunahan ikrar kayo Yardan as babayuk una tasa pi baptisma agrian. 7 Magam se bo ziad Pharisi zhe Sadiki moc baptisma grikas bati tan tada ikwew apashaw to tasi kai amaw ki Ay gokan Azhel`i! mimi kai kura amaw ki ehaw azapas pi pala? 8 Bas thoba kayo prusti kara. 9 To tan hardiay shehen` maikas kheyal mo kara ki Ibraham homa dada koki a mimi kai mam dai ki Khoday ahesi batan pi Ibraham e hatya azheli ubujel`. 10 Ajo mutan isnosai badok thai shiaw. Kurai ki mut prust mewa ne oniw to ceni o angaria jen. 11 A ta mimi thoba karikas bati ukas thara baptisma dem dai magam kura ki mai pistaw iw dai se mai pi bo ziad takla. A tasa kirmec upraikas lahik asta ne. Se mimi Pak Arwah zhe angaras thara baptisma del. 12 Tasa ac`onki tasa muca shiau zhe se tan jaiga sai sapha thel zhe tan pula ek awata sariel magam tus` o shtara mi angara una jhunkuw kia ki kai asta ne phal`aw 13 Tara wat una Yasu Galil shaharaw Yardan as awatuna Yuhana e tada tasa pi baptisma grika ita ais. 14 Magam Yuhana shehen` mai to ne lasaw ki mai tai pi abaptisma grieli zha tu o mai tada isdai e? 15 Yasu jawab una tasa kai amaaw Ajo shehen` hiw mi aria koki homa shehen` kai ujak hiheli. To se shehen` karawais. 16 Phato Yasu baptisma grio bo tez uk aw tharaw paraw zhe jehaa tasa hatya d`i umres zhe se Khodayas arwaah Kokau as raw thi ucundikwew zhe tan thara ikwew apashaw. 17 Zha jeha D`i aini shehen` awaz aw ki shia mai sheshoyak putr kas pi a khoshan am.