1 Herodes S`as zamanauna Yasu Yahudi Deshani Betulham noman gromuna ubujuna to jehaa ek kimon tari jagawaw moc Purab aw Yaroshelum shehen` maiman on ki. 2 Yahudian S`aa kura ki ubuji aw se kawa aw? Koki Purab una tasa tari pashi o, tasa hatya sual karika itaik. 3 Shehen sa~gaio Herodes S`a zha tasa som Yaroshelun aini saw moc bo pareshan hawan. 4 To se mulk aini saw gaderakan zhe phawazaw ek awata khoji tasi pi phucil`a ki Masih kawa ubujiu? 5 Te tasa kai amaan Yahudia deshuna Betulham gromuna ubujiu koiki khodayas mondr diawaw as mondr she`he`n niweshi shiaw ki 6 Ay Yahudia deshani Betulham tu Yahudia S`an mocaw kia sawin pi c`utak ne. Koki mimi mocaw ek S`a dras`niw Shase may Israilay mocan thara bac`ai kariw. 7 Phato Herodes shate tari jagawaw lawai khoji tasii pi aphucaw ki shase tari kai nehi ashes. 8 Shehen` mai o te Betulham hutila ki para akhtiatas thara shato sudayak khoja zha to saprali pe haw may kai asta maa ki a asta ita tasa ruaw sual karim. 9 Te Sa`s mondr ko~n kayo talela drasnon to jeha kia ki tari te purab una pashi aini se tasi ruaw ruaw kasila phato shatara jaigas thara ito acestaw kawa ki se sudayak ais. 10 Te tari jagaio bo khoshan hawan. 11 Phato tara dura zhali o sudayak tan ayas Mariam e tada kai pashio tasa ruaw dhe~naik thai sual aran zha tan kazho`i bic`hari su~a , mur zhe luban tasa tupha dita. 12 Phato isprapasa khoday tasi kai Herodesa tada mo para gho~i maila. shalay o te warek phondaw tan deshuna hatya paron. 13 Te talela paron e to jaga khodayas pharishta Yusup e isprapasa ec`a thi maila usti. Sudayak zha tasa ayas asta gri Misar deshuna hatya palas zha a tai kai ne mam shohon tara mi apaw de koki Herodes S`a shama sudayak nashaikas bati khojiw dai. 14 Phato se usti rat mi kai sudayak zhe tasa ayas gri Misar hatya rahi araw. 15 Herodes S`as anashaw shohon` tara mi apaw praw kia ki khoday paygumber e hatya mai ais ki se pura hawaw ki Misar ay a tan putr khundies. 16 Herodes shehen jagaw ki tari jagawaw moc tasa som Mazak aran to se bo kahari hawaw moc huti Betulham zhe tasa udreman saw mulkai shate saw sudayak nashawais kas ki du kau yao tasa pi c`utak aini. shatasa wat as hisab una kia ki se tari jagawaw an pi phuci ais. 17 Phato shatara watuna shase mondr pura hawaw kia ki Yarmia paygumber as gehenaw dai mai ashes ki. 18 Rama jagauna ek awaz sangaila. Troik zhe bo ghona shok. Rakhil e tan sudayakan hatya troik. Zha tasali ne manikshehen` gho~i ki se ne shiaw. 19 Herodes S`a anashaw e to jagaa khodayas pharishtya Misar Yusup e isprapasa eca thi amaw ki. 20 Usti shato sudayaka zhe tasa ayas gri Israil mulkuna hatya pari koki kura ki sudayak zhan griaw aini te anashan. 21 Phato se ustaw zhe sudayak zhe tasa ayas asta gri Israil mulkuna hatya paraw. 22 Magam shehen` sangaias ki Arkhalaus tan dadas Herodes as jagauna Yahudia una S`a thi aw to tara parik bihaw zhe isprapasa mondr ko~ kayo Galil wa~una hatya paraw. 23 Nasrat noman ek Shahar una pai apaw praw kia ki paygumbaran barauna neweshi ashes se pura thi ajo tasa kai Nasri gho~i man.