1 Yasu Masih , Daood zhe Ibraham e khanadanan nom. 2 Ibraham e pi Izhak ubujuna zhe Izhak e pi o yakup ubujuna zhe Yakup e pi o Yahuda zhe tasa bayasi ubujuna. 3 Yahuda pi o pharas zhe Zarah o Timmer e pi ubujuna. Pharas e pi o Hisroon ubujuna zhe Hisroon e pi o Ram ubujuna. 4 Ram e pi o Umaindab ubujuna zhe Umaindab e pi o Nahsoon ubujuna zhe Nahsoon e pi o Salmoon ubujuna. 5 Salmoon e pi o Buiz Rahib ubujuna zhe Buiz e pi o Ubaid Rut e pi ubujuna zhe Ubaid e pi o Yasa ubujuna. 6 Yasa e pi o Daood S`a ubujuna. Daood e pi Sulaiman shatasa ishtrizhas pe ubujuna kura ki awel Oriyah e ja asta. 7 Sulaiman e pi Rukhbham ubujuna zhe Rukhbham e pi Ibiah ubujuna zhe Ibiah e pi Aasa ubujuna. 8 Aasa e piYahusfat ubujuna zhe Yahusfat e pi Yuram ubujuna zhe Yuram e oi Uzriah ubujuna. 9 Uzriah pi Yutaam ubujuna zhe Yutam e pi Akhiz ubujuna zhe Aakhiz e pi Hizkiah ubujuna. 10 Hizkiah e pi Munsi ubujuna zhe Munsi e pi Amoon ubujuna zhe Amoon e pi Pusiyah ubujuna. 11 Phato Babul Shahar una parikas wat una Yusiah e pi Yakunia zhe tasa bayasi ubujuna. 12 Babul parikas pistaw o Yakunia e pi Sialti ail ubujuna zhe Sialti ail e pi Zurbabul ubujuna. 13 Zurbabul e pi Abihood ubujuna. Abihood e pi o Aliaqim ubujuna zhe Aliaqim e pi Azor ubujuna. 14 Azor e pi Saduk ubujuna zhe Saduk e pi Akhim ubujuna zhe Akhim e pi Alihood ubujuna. 15 Alihood e pi Alihzar ubujuna zhe Alizhar e pi Mitan zhe Mitan e pi Yakoob ubujuna. 16 Yakub e pi Yusup ubujuna. Eao shatasa Mariam e beru ais kas pi ki Isaa ubuji ais kas kai ki Masih gho~i man dai. 17 Shemi saw nasal Ibraham aini gri Daood una zhe das zhe c`awa nasal hawan zhe Daood aini griawayo Babul Shahar una parik una zhe das zhe c`awa zhe greawayo Babul parik aini zhe Masih una zhe Das zhe c`awa hawan. 18 Ajo Yasu Masih shehen` thi ubujuna ki tasa ayas Mariam, Yasup e hatya khoji asta magam to Yusupa dura nikani sumber Khodayas Pak arwah as thara se granu hawaw. 19 Phato tasa beru Yusup kura ki ujak krom garaw moc asta to lajek ne khojiman asta to huk asta ne kai histikas phaysila arau. 20 Se shemi mondr citiman mi ais e Khodayas pharishtya isprapasa tasa ec`a thi maila Ay Yusup Daut S`as putras! Tu Mariam ja kai dura hal`ikas bati mo behi koki kia ki tasa kuc ay au se khodayas pak arwaahas gehenau dai aw. 21 Tasa putr ubujiu tu tasa nom Yasu thai koki semi tan mocbi tasi gunaan pi khalas kariw. 22 Shemi saw shehen` gho~i hawaw kia ki Khoday paygumber e hatya mai ais se mondr pura hawaw. 23 Jeha ek istrizhaguak os`wal`i hiu zha tasa pi putr ubujiu zhe tasa nom o Imanuael thaa tasa manaa o Khoday homa som asaw. 24 Phato Yusup isprapani a~nga thio shehen` mi araw khen` ki Khodayas pharishta tasa hokum dai ais tan jas dura tada aluna. 25 Phato to ne ajonaw shamon zha ki tasa putr ne ubujuna zhe tasa nom o Yasu thala.