1 Yasu shemi mondr khulaw e to shehen` hawaw ki se tan shagetan kai amaw. 2 Abi jona dai ki du bas pistaw o Eid Fasa hiw zha Adamas putr o silip dikas bati grin. 3 Shatara wat una Kahin aini sardar zhe mulk aini akhabiran Kahifa noman Sardar Kahin e dura sarini. 4 Zhe mashwara aran ki Yasu phan dai gri nashek. 5 Magam maiman aini ki Eid uno ne. Shehen` mo hiw aria ki moc jonin . 6 Phato Yasu Bait -e-aniha una Shamoon e dura ais e. 7 To ek istrizha ek bo qimati wortew gri tasa tada ow zhe te au zhuika neson e to tasa s`is una praw. 8 Shagetan shehen` jagaio khapha hawan zhe maikas pron ki ama kas bati zaya aran? 9 Ama bo paisa una breki gariban dek hiw. 10 Yasu shehen` joni o tasi kai amaw isa istrizhas kai ko kia ma dai? Ea ta mai som prusti araw. 11 Koki garib moc ta hamesha mimi som hin ao magam ao hamesha mimi som ne him. 12 Zhe ea ta mai dangaikas bati ama wortew mai thara praw. 13 A mimi kai sahi mam dai ki pura dunia una kawa ki shesa khoshanias mondr hiw shia asta kia ki ea kai aw isa yad una ama asta man. 14 Tara wat una tasi dash zhe duin mocaw ek kas nom ki Yahuda iskaryudi ashes Kahinan sardaran tada pai o amaw ki. 15 A pe to mimi hawala aris pe haw to mai kia det? Te tasa beshi zhe dash rupaya tolio pron. 16 Zha te tara wat aini sati to griawaikas bahana khojik shurugan. 17 Phato Eid e Fatir e sumber adua shagetan Isaa tada ita aman ki tu kawa c`tis dai ki abi tai hatya Fasa zuikas tayari karik? 18 Se amaaw Shahar una phalan mocas tada payo tasa kai mas bandawaw maw dai ki mai wat s`oi iw dai. A tan shagetan som tai aya Fasa karim. 19 Zhe kia ki Yasu shagetan kai hokum dai ais te shehen` mi aran Fasa tayar aran. 20 C`ak prau e se tan dash zha dua shagetan som au zuika nesi ais. 21 Te zuiman aini e te se amaw ki a mimi kai sai mam dai ki mimi mocaw ek mai greawaw. 22 Te bo pareshan hawan zhe har ek tasa kai maikas pron Ay khoday kia se aa e? 23 Se jawab una amaaw kura ki mai som kaz`oi ai baza jai aw se mi mai greawaw. 24 Adamas putr ta kia ki tasa hak una neweshi shiaw pariw magam shatasa mocas thara aphsos kas wajen dai ki Adamas putr griawan pariw. Se moc pe paida ne thi ais tasa hatya jata prust hawaw. 25 Tasa griawaw Yahuda jawab una amaw Ay bandawaw! Kia se a e? Se amaw tu mi amai. 26 Te zhuiman aini e Yasu au agriaw zhe barkat dai o ac`inaw zha shagetan daio amaw da zua. Ea mai jhan. 27 Phato piala grio shukur araw zha tasi daio amaw da saw thi andena pia. 28 Koki ea mai shase wagda aini lui kura ki boin bati gunah muahian wajen dai c`uruan pariw. 29 A mimi kai mam dai ki drac` as shama sharbat gheri kai asta ne pim. Shtara adua zhe ki mimi som tan dada badshahi una noa thi ne pim. 30 Phato te gho~ jeman bian zaitoonas dhen~ta una paron. 31 Tara wat una Yasu tasa kai amaw abi saw shatara mi rat mai wajen dai shurua koki niweshi shiaw ki a walmoc` nashem zha malhal bizerin. 32 Magam a tan ustikani pistaw o mimi pi sumber Galil hatya parim. 33 Patras jawab una tasa kai amaw saw asta tai bati shuruini pe haw ao kai asta ne shuruam. 34 Yasu tasa kai amaw ki a tai kai sahi mam dai ki kakawakas bashikas pi sumber tu tre tem mai inkar karis. 35 Patras tasa kai amaw tai som pe mai nashel`i hawaw peo a to asta a kia tai inkar ne karim. 36 Tara wat una Yasu tasi som Gitsamni noman ek jaiga una aw zha tan shagetan kai amaaw aya mi nesaw kia zha ki a atra pai sual kai ne in. 37 Patras Zha Zabdi e awdu putr gri pareshan hawaw. 38 Tara wat una se tasi kai amaw mai zhan bo pareshan shiaw. Shaya zhe ki nashekas thi am. Abi aya apaw det zhe mai som anga thi apaw det. 39 Phato tic`ak ruaw paraw zha tung daio shehen` sual araw ki Ay mai dada! Shehen` hiw e ki mai shia piala mai pe pariw aria. Ne pe haw kia ki tu kia c`istis o shehen` mi hiw aria. 40 Phato shagetan tada ita te dudikwew apashaw zha Patras e kai amaw kia tu mai som ek ghanta asta anga hik ne abhai e? 41 Anga ha zha sual kari ki azmasih una mo his aria. Arwah ta dang shiaw magam jhan o kamzor. 42 Phato gheri paio shehen`sual araw Ay mai dada! Ea mai ne pikas gairo pe ne pariw o to tai marzi. 43 Phato ita te gheri dudikwew apashaw koki tasi ec`ai isprap puri ashes. 44 Se te histi gheri parau zha gheri shate mi mond dai troyo tem sual araw. 45 Phato shagetan tada ita tasi kai amaw ajo duda mi zhe aram kara. Jaga wat zhal`i shiaw zhe Adamas putr gunah karowan hawala hiw dai. 46 Usta parik. Jaga mai griawaw s`oi zhal`i aw. 47 Se shehen` maiman mi ais e Yahuda kura ki tasi dash zhe duin mocaw ek ais tasa som bo mocbi khangar zhe gundik gri Sardar Kahin zhe mulkani akhabiran som azhal`an. 48 Phato to griaw tasa shehen` nishan dai ais ki kas ki a ishpadem se semi hiw. To gria. 49 To ek dam se Yasu a tada ita amaw Ay bandawaw Ishpata! Zhe to ishpadaw. 50 Yasu tasa kai amaw Baya! Kia kormas bati itas to kari. To te s`oi ita Isaa agrian. 51 Zhe jaga Yasu malgiran mocaw ek baza ruaw kai tan khangar nihaw zha Sardar Kahin e nokaras kai abayo dayo tasa ko~n ac`inaw. 52 Yasu tasa kai amaw tan khangar udreman thai koki kura ki khangar hoc`in se saw khangara thara nashin parin. 53 Kia tu ne jois dai e ki a tan dada kai iskali karik bham zha se pharishtan dash zhe dua hazaran pe ziad shonja aya aliw. 54 Magam c`elak una shehen` niweshi shiau hik zaroori to kone pura hiw? 55 Shatara mi watuna Yasu mocbian kai amaaw kia abi gundik zhe khangar gri mai lawalalian raw grika nehi aa? A har hamesh khodayas dura nesi sabak dem dai zha abi o mai ne agrili. 56 Magam emi saw shehen` ghoi thi shiaw ki Paygumbaran niweshila pura hin. To saw shagetan to histi palai paron. 57 Phato Yasu griawaw to Kaifa noman Sardar Kahin e tada anihan kawa ki Phikia zhe akhabiran sari aini. 58 Zhe patras desha desha tasa pistaw Sardar Kahin e jaiga una zhe paraw zha udreman pai tasa sipahian som natija jagaika nesaw. 59 To sardar Kahin zhe saw adalat aini sadar Yasu nashaikas bati tasa khilapa una galat guahi khojikas pron. 60 Magam kura guah ne on. Magam akher uno du guahi diaw ita amaan. 61 Se (Yasu) amaw A khodayas onj`as`ta lawek zha tre basan to sawzek asta bham. 62 Zhe sardar Kahin c`isti tasa kai amaaw tu jawab ne des dai e? Emi tai khilapuna kia guahi den dai? 63 Magam Yasu phik hawaw. Sardar Kahin tasa kai amaaw A tai khodayas shat dem dai Tu pe khodayas putr Masih pe haw homa kai mas. 64 Yasu tasa kai amaw tu tan amai baliki a mimi kai mam dai ki tasa pistaw o abi Adamas putr drac`uik gehen~ nesikwew zha D`ias menj aini ikwew pasha. 65 Isa thara sardar Kahin shehen` mai tan peran utrakau ki ea nepatik bas` mondr del` dai. Ajo homa guahan kia ajat. Jaga abi shonja tan ko~ aril`i. Abi kia ma dai. 66 Te jawab una aman asa nashaik bas`. 67 Te tasa runa kai thok ahistan zhe tasa nustiaka p`on zhe ade o kal`ipara tai o amaan. 68 Ay Masih homa kai mas ki tai kura p`on? 69 Patras bihan nesi ais e ki ek istrizha ita tasa kai amaaw tu asta Yasu Galili e som ai. 70 Se sawin rauw shehen` mai inkar araw ki a ne jonim dai ki tu kia mas dai. 71 Zhe se ruaw paraw e ek warek istrizha to apashaw zha kura ki tara aini tasi kai amaw ea asta Yasu Nasria som ais. 72 Se shat c`awi gheri inkar araw ki a ala moc ne jonim 73 Tec`ak pistaw o te tara c`isti aini e te Patras e kai ita aman tu asta tasi mocaw ek koki tai maikas mi thara saruiw dai. 74 Se phato lanat kariman zhe shat ac`awaw ki a ala moc ne jonim zhe phato kakawak abashaw . 75 Patras e Yasu a se mondr yadi hawaw kia ki se mai ais ki kakawakas bashikas pi sumber tum ai tre tem inkar karis zhe se bihan nehi bo atrow.