1 Ragesti hawaw e saw Sardar Kahin zhe mulk aini akhabiran Yasu khilap una mashwara aran ki ama nashek. 2 Phato to boni anean zha Pilatus e hawala aran. 3 Tasa griawaw Yahuda jagaw ki tasa saza den dai to se presman hawaw zha te beshi zhe dash rupaya Sardar Kahin zhe tasa akhabir mocan tada haio amaaw. 4 A gunah aris ki bekusur moc nashaikas bati griawais. Te amaan homo kia? Tu joni. 5 Phato se paisa tara mi histi paraw zha talela pai tansoro phansi praw. 6 Sardar Kahin rupaya grio amaw emi khodayas dura khazanai jek sahi ne koki emi luias kimat. 7 Phato te mashwara kai o tasi rupayan thara c`et gri mocan hatya qaburistanas jaiga agrian. 8 Tasa wajen dai tasa c`etas kai onja asta luias c`et gho~i man dai. 9 Tara wat una se pura hawaw kia ki Yarmayah paygumber mai ais ki kas ki kimat mai ais te tasa kimatas beshi zhe dash rupaya agrian. 10 Te rupaya tasa c`et aini mocas praw kia ki khoday mai kai hokum dai ais. 11 Yasu gaderakas ruaw c`isti ais zhe se gaderak tasa pi shehen` aphuc`aw ki kia tu Yahudian S`a e? Yasu tasa kai amaw tu tan mas dai. 12 Zhe sardar Kahin zhe akhabiran tasa barauna phan diman aini e se kia ne amaaw. 13 To Pilatus tasa kai amaaw kia tu ne sangas dai e emi tai khilapuna kimon guahi den dai? 14 Se tasa ek mondran asta jawab ne praw. Sawin hatya se bo namuna saruis. 15 Gaderakas dastur ashes ki Eid una mocan khater una ek jelaw moc kas ki se c`itiman ais lasaiman ais. 16 Tara wat una Baraba noman tasa ek manshur jelai apaw diaw moc ais. 17 To te ek awata sarini e to Pilatus tasi kai amaw abi kas c`ita dai ki mimi khatiran lasem? Baraba e yao Yasu kas kai ki Masih ghon dai? 18 Koki tasa hatya pata ashes ki te to khac`a joni griawai aini. 19 Zhe se adalatas takht una nesi ais e to tasa jas tasa kai amaaw ki tu isa ujak moc`as pi kia krom mo thai koki a onja isprapasa isa wajen dai bo musibat uprai am. 20 Magam sardar kahin zhe akhabiran mocan kai Baraba gata gho~i amaan zha Yasu o nasha. 21 Gaderak tasa kai amaw ki isi duin mocaw kas khoja dai ki mimi khateran lasem. Te amaan Baraba. 22 Pilatus tasi kai amaaw dhoyo Yasu kas kai ki Masi man dai kia karim asa? Saw amaan ala silip una lapa. 23 Se amaaw ko se kia shumi kai aw? Magam te ade asta tol` tol` kai maikas pron ki ala lapa. 24 Pilatus jagaw ki kia ne hiu dai to ugh gri mocan ruaw tan baza anegaw zhe amaaw a is ujak mocas luis pe desha hawis. Abi jona. 25 Saw moc jawab una aman isa lui homa zhe homa azhel`an thorai. 26 To se Baraba tasi khateran lasaw zha Yasu t`iawai tasi hawala araw. 27 Phato Gaderakas sipahi Yasu kilah una ni saw tasa nasenaw sariaw. 28 Tasa peran nejawai o tasa c`apan samiaw. 29 Phato c`okan thara taj sawzai tasa s`is una athaw ek gundik tasa drac`ui baza una dai tasa ruaw tan deik thai tasa Mazak karikas pron ki Ay Yahudian S`a Ishpata! 30 To tasa thara thok ahistan zhe shato mi gundik gri tasi s`is una kai tikas pron. 31 Tasa thara Mazak kai o c`apan tasa pi nejaio phato tasa mi te peran tasa sambian zhe Silip una lapaika anian. 32 Bian on e to Shamoon noman ek moc barnaka agrian ki asa silip uprai. 33 Shase jaiga Gulgata matlab kas kai ki khoprias jaiga gho~i man dai zhalio. 34 Sirka mishal`a d`a tasa pikas bati pron magam se khal` kaio ne pik abhaw. 35 Te to lapan zhe tasa piran utraki agrian. 36 Phato tara nesi tasa wal hawan. 37 Phato tasa s`is thara neweshi s`atan ki Ea Yahudian s`a. 38 Tara watuna tasa som du l`awawaw asta lapan . Ek ta drac`ui ek o khawi. 39 Tara phond una kasaw s`is dangaiman tasa kai aman. 40 Ay Pak mondr dia zhe tre basan sawzawaw tan hatya mas. Tu pe khodatas putr peo Silip aini uc`undi. 41 Shehen` mi thi Sardar Kahin asta Phiki zhe akhabiran som thi tasa thara Mazak aran ki. 42 Asa warek bac arau. Tan o ne bac` karik bhaw dai. Ea ta Israilas S`a. Ajo silip aini pe uc`undi au peo to abi asa thara Bhawar karik. 43 Asa khodayas thara bharosa kai au se pe al`a khoshaw to ajo ama lasel koki se mai ais ki a khodayas putr. 44 Shehen` mi tasi lawalalian kai kura ki tasi som aini tasi thara asta mondr sawzan. 45 Phato hul`uk aini gre c`akdekwew zhe pura mulk una tramasung hawaw. 46 To c`akdekwew Yasu tol` kai abayo dai amaaw. Al`a Al`a. Lama Shabakatani? Matlab Ay mai khoday ! Ay mai Khoday! Tu mai ko ahisti? 47 Kura ki tara c`isti aini talela mocaw ade sangai o aman Ea Alia khundiel dai. 48 Phato ek dam talela mocaw ek moc adais zhe ek lok sirka una kic`ai tasa c`usau. 49 Magam ade o amaan c`isti. Jagek ki Alia ala bac` karika iw e ne. 50 Yasu phato tol` kai abayo dai anashaw. 51 Zha pak parda ahlai gri ogala zha utruki du c`elak hawaw zhe c`om zal`akini zhe dhen~ta bishini. 52 To qabur kholaw hawan zhe bo jhan shatasi pak an kura ki dudi aini uston. 53 Tasi ustikani pistaw kabur aini nehi pak Shahar ai paron zhe bo mocbi te apashan. 54 Phato subadar kura ki tasa som Isaa wal` aini ghonjaw zhe saw pashi bo behi o amaan ki ea mi khodayas putr. 55 Tara bo istrizha kura ki Galil aini Isaa pistaw ita aini desha c`isti jagaiman aini. 56 Tasi mocai Mariam Magdilini asta ais Yakup zhe Yusis e ayas Mariam zha Zabdi e putrasi ayas. 57 Rat hawaw e Yusup noman Armita wa~ aini ek Dawlat mand moc aw se asta shaget ais. 58 Se Pilatus e tada pai Isaa jhan agatau zhe Pilatus dikas hokum praw. 59 Zhe Yusup to Yasu a jhan gri safa c`adar una pal`mothiaw. 60 Phato tan no~a qabur kia ki se dhen`ta una koc`awai ais. Phato se ek ghona bat qaburas ganguna c`istaio paraw. 61 Mariam Magdilini zha warek Mariam tara qaburas ruaw nesi aini. 62 Juo adua kia ki tayarias pistawas adua ashes Sardar Kahin zhe Pharisi Pilatus e tada sari o aman. 63 Khoday homa yad shiau ki se dhoka diau zinda ais tem una mai ais a tre bas pistaw o ustum. 64 Hokum de ki tre bas zhe qaburas wal hik. Shehen` mo hiu aria tasa shaget ita to lawai harin zha mocan kai o man ki se naston mocaw ustaw zha ea dhoka o awelaw pe asta shum hiw. 65 Pilatus tasai kai amaw mimi som wal hiaw moc an. Para kawa zha ki abi bha tasa wal hali. 66 Phato te wal hiaw moc tan som anihan zha qaburas wal hawan.