1 Tara wat una D`ias bac`ai shatase das`h ne ja hul`on raw hiw kura ki tan lalten gre sambokas hatya parin. 2 Talela mocaw ponj ta got ponj o akalmand aini. 3 Kura ki got aini te tan lalten ta agrian magam tew o ne aonan. 4 Magam akalmand o tan som kindokai kai tew asta agrian. 5 Zha sambok c`ir araw e to sawin isprap araw zha te o adudan. 6 Khonda ratan d`aw awaz hawaw ki sambok itaw tasa hatya nehaw. 7 Tara wat una te saw istrizha usti tan lalten sai karikas pron. 8 To te nafaduk akalmandan kai aman ki tan tewas mocas adek homa asta det koki homa lalten phal`an dai. 9 Akalmand jawab pron ki homa khayal una emi mimi duin hatya pura ne hin. Prust shehen` hiw ki brekawan tada para tasa pi tan hatya gria. 10 Te grika pariman aini e to sambok azhalan zha kura ki tayar aini te tasa som udreman paron zhe darwaza o band hawaw. 11 Phato te ade istrizha asta on zha maikas pron ki Ay khoday ! Ay khoday! Homa hatya darwaza umrai. 12 Se jawab una amaw a mimi kai sahi mam dai ki a mimi ne jonim dai. 13 To anga apaw det koki ne ta abi to adua jona dai ne o to wat. 14 Koki ea shatasa mocas raw kura ki warek mulkai parikwew tan duraw nokar khundiayo tan mal tasi praw. 15 Phato egis ta ponj bojai praw. Tasa egis o du zha troyoas ek har ekis tasi hisab una kai praw phato warek mulkai paraw. 16 Kas ki ponj bojai dai ashes se pai te dai ishnayari agriaw tasi thara ponj bojai warek araw. 17 Shehen` mi kas ki du dai ashes se asta du warek agriaw. 18 Magam kas ki ek dai ashes se pai c`om koc`i tan malikas paisa lawai athaw. 19 Bo wat pistaw o tasi nokaran malik aw ita tasi pi hisab grikas praw. 20 Kas ki ponj bojai milaw thi ashes se ponj bojai warek aonaw zh amaaw ki Ay Khoday! Tu ponj bojai mai dai ai jagai a ponj bojai warek aris. 21 Tasa malikas tasa kai amaaw Ay prust nokar shabash ! Tu tic`ak una Bhawar pashai. A tai bo ishnayarian gaderak karim. Tan malikas khoshani una ek ha. 22 Phato kas ki du bojai dai asheni se asta tasa tada ita amaw Ay Khoday! Tu du bojai mai dai ai jagai a du bojai warek aris. 23 Tasa malikas tasa kai amaw Ay prust nokar shabash ! Tu tic`ak una Bhawar pashai. A tai bo ishnayarian gaderak karim. Tan malikas khoshani una ek ha. 24 Zhe kas ki ek bojai dai ashes se asta tasa tada ita amaw Ay khoday a joniman ais ki tu ek dang moc zhe kawa ki ne bes dai talela asta c`inis dai zhe kawa ki ne besges dai talela asta sarias dai. 25 Phato a beha tai bojai c`omai lawes. Jagai kia ki tai ashes se aya shiaw. 26 Tasa mailk jawab una tasa kai amaaw Ay shaithan zhe sust nokar ! tu joniman ai ki kawa ki a ne bai am talela c`inim dai zha kawa ki a ne bisgai am talela sariam dai. 27 Phato tai shehen` kareli ashes ki tan mal dukandaran dai tasi pi ziad kayo gris. 28 Asa pi ala bojai gria zhe kas som ki das`h bojai shian asi det. 29 koki kas som ki hiu tasa den zhe kas som ki ziad hin magam kas som ki ne shian tasa pi to asta kia ki shian grin. 30 Phato to nokar bian tramasungai jet. Tara trok zhe dandoyak pis`ik hiw. 31 Adamas putr tan gaderakias som iw tasa pharishta tasa som in to se tan takht una nesiw. 32 To saw mulkani moc tasa tada sarian se te egoegin me desha kariw kia ki walmoc` ame~a payan pe desha karin dai. 33 Am~ea ta tan drac`ui zha pai o tan k`hawi gehen c`istel`. 34 Tara wat una S`a tan drac`ui mocan kai maw Andaiaw tan dadasi Mubarak moc kia ki badshahiaini mimi hatya tayar kai shian tan hatya gria. 35 Koki a anora ais abi mai au zhuali. A dahan ais . Abi mai ugh pehali. A warek awataw ais . Abi ami tan dura alali . 36 C`andeki ais. Abi mai peran sambiali. Lahaz ais abi mai aphucili. jelai ais. Abi mai tada ali. 37 To ujak moc jawab una tasa kai man Ay khoday! Abi kai tai anora kai pashi au zhuemi yao dahan kai pashi ugh pehemi? 38 Abi kai tai tan dura alomi? yao c`andeki kai pashi peran sambiemi? 39 Abi kai tai lahaz yao jelai kai pashi tai tada omi? 40 S`a jawab una tasi kai maw a mimi kai sahi mam dai ki abi pe mai shesi sawin pi c`utak baya som pe shehen` kai ail`I peo to mai som arili. 41 Phato se khawi c`istila mocan kai amaw mai som shatara hameshas angar una hatya para kia ki shaithan zha tasa pharishtan hatya tayar kai shiaw. 42 Koki a anora ais. Abi mai au ne prali. dahan ais. Abi mai ugh ne pehali. 43 Warek awataw ais abi mai dura ne khundiali. c`andeki ais. Abi mai peran ne sambeali. Lahaz zhe jelai ais. Abi mai ne aphuc`ili. 44 To te asta jawab una maan Ay khoday! Abi kai tai anora yao ahan ya c`andeki ya lahaz yao jelai pashi tai ne aphuc`imi. 45 Tara watuna se jawab una tasi kai maaw a mimi kai sahi maam dai ki abi isi saw c`utakan som shehen` pe ne kai aili pe haw mai som asta ne arili. 46 Zha emi hameshas saza grin magam ujak moc o hameshas umbur zhe majar.