1 Yasu khodayas duraw nehi pariman ais e ki tasa shaget tasa tada on ki tasa sual karikas to jaiga pashin. 2 Se jawab una tasi kai amaw kia abi emi saw ishnayari ne pasha dai e? A mimi kai sahi mam dai ki aya kurai asta batas thara bat ne thaw hiw ne pe ahistan pe haw. 3 Phato se Zaitonas dhen~ta una nesi ais e tasa shaget gezi tasa tada ita tasa kai aman homa kai mas ki shemi mondr kayo hin? Tai ikas zha Dunias akher hikas nis`ani kia hiw? 4 Yasu jawab una tasi kai amaw ki khabardar ! kura mimi kai abatha mo Karin aria. 5 Koki bo moc mai nomas thara in zhe man ki a Masih zhe bo moc asta abatha Karin. 6 Abi s`atowan bara una sanga. Khabardar! behaw o mo! Koki shesi mondran hik bo zaroori magam tara se khul~ o ne hiw. 7 Koki mulkan thara mulk hokumatas thara hokumat ustin zha jaiga jaiga una anora s`ataw zha ghonjaw jel. 8 Magam shemi saw mondr musibatan shurug hin. 9 Shatara wat una moc mimi griawan zha mimi nashen zhe a nomas wajen dai saw mimi som dushmani Karin. 10 Zhe tara wat una bo moc shuruanzhe ogoeg griawan zhe ogoegin som asta dushmani Karin. 11 Zhe bo phan diaw asta usti c`istin zhe bo moc abatha Karin. 12 Tan mazhabas pi desha hikas wajen dai tasi muhabat asta osh hiw. 13 Magam kura ki akher una zhe bardast kariu se nijat griu. 14 Bac`aias shia khoshani saw dunia una hiw ki saw mulkan hatya guahi hiw. To saw khul hin. 15 Phato abi shama taba karaw ishnayari kas bara una ki Daniail paygumber mai ais. Onj`as`ta jaiga una c`isti pasha. 16 To kura ki Yahudia un aa dhen~tai pala. 17 Kura ki tara aa te tan ishnayari onikas bati undrak mo uc`undaw. 18 Kura ki c`etai aa te tan peran onikas bati gheri mo para. 19 Magam aphsoos shatasi bati kura ki tara tem una granu an zhe kura ki c`ir pehan dai ! 20 Phato sual kara ki mimi sabatas adua mo palaheli hiw aria. 21 Koki tara wat una shehen` bo musibat hin ki dunia shurug the shonja zhe kai ne thi shian. 22 Phato te to adua pe c`utak ne aran kura moc asta jata ne thaw hawan. 23 Shatara wat una kura pe mimi kai amaw pe haw ki jaga Masih aya aw yao atra aw to tasa yakin mo kara. 24 Koki phan diaw Masihzhe phan diaw Paygumber usti c`istin zhe shehen` ghona nishan zhe namona krom pashen ki te prust moc asta abatha Karin. 25 Jaga a awel` mina mimi kai amais. 26 To te mimi kai aman pe haw ki jaga se beyaban una aw abi bian mo para ya o durai aw ghoi aan peo haw yakin mo kara. 27 Koki khen~ ki phrelik nehekwew zhe parikwew pashik dai shehen` thi Adamas putr ikwew pashik. 28 Kawa ki ki ishnayari murdar hiw tara lawak jama hin. 29 Phato ek dam phato tasi musibatan pistaw suri nehiw zhe Mastruk tan phrelik ne del zhe tari D`i aini palin zhe D`i as takat zhalakaun parin. 30 To tara wat una Adamas putras nisan D`i una pashun pariw. To tara wat una c`om aini saw mocbi tan pasai kai ten zhe Adamas putr bo takatas thara D`i aini menj as thara ikwew pashen. 31 To se Ishpo~i as awazas som tan pharishta hutuw zha te tan te moc caw gehenaw dai andena awateni gri alela wat una zha sarien. 32 Ajo kawit mutas pi ek ac`oik c`ec`a. khen~ tasa shong mauc`ak hiw zha po~ nehen dai abi jona dai ki garmi s`oi zhali shiaw. 33 Shehen` mi abi emi saw mondr jagali pe haw to jona ki se s`oi darwaza una zhal`i aw. 34 A mimi kai sahi mam dai ki kai zhe ki emi saw mondr ne hin emi nasal kai asta pura ne hin. 35 D`i zhe c`om andai alai hin magam mai emi mondr kia asta khul ne hin. 36 Magam shatasa adua zha shatasa watas barauna ish kura asta ne jonin. Ne ta D`i aini pharishta ne o putr magam khali dada. 37 Kia ki Noah e wat una thi ashes shehen` mi Adamas ikas wat una hiw. 38 Koki kia ki Tufan aini sumber moc zhun zha pin zha zheri Karin dai shatara wat una Noah kishti una atiw. 39 Phato tuphan ita te saw kai ahiraw shohon zha tasa hatya pata ne hawaw shehen` thi Adamas putr iw. 40 Shatara wat una du moc` c`etuna hin ek ta grin pariw ek o lasan pariw. 41 Du istrizha zhot pisin. Ek ta grin pariw ek o lasan pariw. 42 Anga apaw det koki abi ne jona dai ki mimi khoday kia adua iw. 43 Magam shehen` jona ki durai gaderakas hatya pe pata hiw ki lawalali rat kia tem una iw dai to se anga apaw del zhe tan dura to ne lasel. 44 To abi asta tayar hali koki kai se iw mimi hatya pata mi ne hiw. 45 To se prust akalmand nokar kura kas ki malik tan krom karawan thara gaderak kariw ki watuna tasi au del. 46 Mubarak shase nokar kas ki tasa malik ita shehen` mi karikwew pashiw. 47 A mimi kai sahi mam dai ki se to tan malan gaderaki kariw. 48 Magam se kharab nokar pe tan hardiuna shehen` mai ki mai malikas ik una hatya wat shiaw. 49 Tan mocan tek pe shurugaw pe haw zha sharabian som zuk pik pe shurugaw pe haw. 50 To tasa nokaras malik shehen`adua ki se tasa ikas wat ne joniw se o tara zhaliw. 51 To se tasa sahi tai to shum moc mocai histiw. Tara troik zhe dandoyak pis`ik hiw.