1 Shatara wat una Yasu mocbian zha tan shagetan kai shemi mondr praw ki 2 Phiki zhe Pharisi Musa gardok thara nesi an. 3 Kia te man te saw kara zhe jona magam tasi raw krom mo kara koki te man dai Karin o ne. 4 Te shohon guraka ishnayari kia ki uprek bo geran boni mocan as`h tharai then dai magam tan o tasi anguyakas thara asta piek ne jonin dai. 5 Te tan saw krom pashaikas bati Karin dai koki te tan tahit ghona kai sawzen zhe tan peranan awan drega kai thawen dai. 6 Zheri ai zha khodayas dura prust hanakai. 7 Bazarai tan mocan satawai tan kai ustaz gho~i mawaik khoshan dai. 8 Magam abi o bandawaw mo mawa koki mimi bandawaw ek mi aw zha abi saw egoegin baya. 9 Comuna kas kai dada mo gho~a koki mimi dada ek mi D`iuna aw. 10 Zhe ne mi o kas kai paygumber gho~i maa koki se o ek mi au Masih. 11 Magam kura ki mimi pe gada au se mimi gaderak hiw. 12 Kura tan gada sawzel` se c`utak hiu zhe kura tan kai c`utak ghow se o gada hiw. 13 Ay nafaduk Phiki zhe Pharisi mimi thara aphsos! Ki D`ias bacai mocan hatya band kara dai koki ne ta tan ataw dai ne o warekin atiawan det dai. 14 (Ay nafaduk Phiki zhe Pharisi mimi thara aphsos! Ki abi sawguan durai nesi aa zha pashaikas bati sual kara dai. Mimi saza ziad hiw.) 15 Ay nafaduk Phiki zhe Pharisi mimi thara aphsos! ki ek moc`as bati kasi kasi to ujak phond una ali o to gheri druzhak aini moc sawza dai. 16 Ay s`ea phond pashawaw mimi thara aphsos! Kura ki ma dai ki khodayas onjasta kitabas shat ac`aweli pe haw to kia mondr ne magam onjasta Sohorumas shat o ne c`awik bha. 17 Ay gaderi zhe s`eon sohorum ghona e onjasta kura ki sohorum onjasta kai aw? 18 Gheri ma dai ki kura pe phawazikain as shat ac`awil`i pe haw khen~ ne hiw magam kia ki tara phawazha dai taso shat c`awik ne bha. 19 Ay s`eon se haiwan ghona e phawazikain ki abi haiwanas kai ghona gho~i ma dai. 20 Phato kura ki phawazikain as shat c`awaw se tasa zha talela saw ishnayarian kia ki tara hind ai tasi sawin shat c`awan dai. 21 Kura ki onjasta shat c`awaw dai se tasa zhe talela saw ishnayarian shat c`awan dai. 22 Kura ki D`ias shat c`awaw dai se khodayas takhtas zhe tara nesiawawas shat c`awaw dai. 23 Ay nafaduk Phiki zhe Pharisi mimi thara aphsos! Ki phodina zhe zeera zha azhazas thara ta paisa det dai magam abi shariatas guraka mondran insaph zha rakum zha Bhawar histi a. Prust shehen` ashes ki aimi asta kara te asta mo hista. 24 Ay s`ea phond pashawawan trakmagazik zhe niha dai uot o zua dai. 25 Ay nafaduk Phiki zhe Pharisi mimi thara aphsos! Ki piala tharani sapha kara dai magam udremano se udhu zha shum kormas thara puri hiw dai. 26 Ay s`ea Pharisi awel`pial`a udremanaw dai sapha kara ki tharaw dai asta sapha hiw. 27 Ay nafaduk Phiki zhe Pharisi mimi thara aphsos! Ki abi gora qaburaw peranas raw kia ki thara dai ta shishoyak jonen dai magam udremanaw dai naston athian zhe warek ishnayarian thara peri shian. 28 Shehen` mi abi asta thara ta ujak moc jona dai magam udremanaw dai shumi mimi udremana peri shiaw. 29 Ay nafaduk Phiki zhe Pharisi mimi thara aphsos! Ki paygumbaran qabur sawzaa dai zhe ujak phond una kasaw mocan hatya qabur tayar kara dai. 30 Zha ma dai ki Abi pe tan dada waway wat una pe aimi to paygumbaran lui ai tasi som ne hawimi. 31 Shehen` mi abi tan gehenaw dai guahi det dai ki abi paygumberan nashawawan azheli. 32 Tan dada waway toluni puri kara. 33 Ay gogan! Ay Ifhias (gokas nasalas nom) azhel`I druz`hakas sazas pe khen~ thi bac hal`i. 34 To jagaa a paygumbaran zhe akalmandan zhe Phiki mimi moc mimi tada hutum dai. Tal`el`a mocaw abi ade nasha zhe shul`a una l`apa zhe ade o tan sual karikainai rabul`an thara t`et zha Shahar Shahar ai tang kariman kasa. 35 Ki saw ujak phond una kasaw mocan lui kia k c`om una c`urui shian mimi thara in. Ujak moc Habil e l`ui aini gri Barkia putras Zikria e l`ui una zhe kas ki abi onjasta zhe phawazhikain una zhe nashal`i. 36 A mimi kai sahi mam dai ki emi saw kia onja zamana aini mocan thara iw. 37 Ay Yaroshelum ! Ay Yaroshelum ! abi kia ki paygumbar nasha dai zha kas ki mimi tada huti an te nasha dai! Kimon bar a ac`itis khen~ kai ki Kakawak tan azhel`i tan pac` no~hai kai l`awel dai shehen` mi a asta mimi suda ek karim magam abi o ne ac`itil`i! 38 Jaga mimi dur mimi hatya weran kai histi pariw. 39 Koki a mimi kai maam dai ki andai al`ai o mai kai asta ne pasha kia zhe ki ne maa ki Muburak shatsi kai kura ki khodayas nomas thara in dai.