1 Yasu gheri tasi kai ac`oik una amaaw ki. 2 D`ias bac`ai shatasa bac`aias raw kura ki tan putra ja praw. 3 Phato tan krom karaw(nokar) ahutaw ki khudiala moc in aria magam te ne on. 4 Phato se ade nokar shehen` gho~i ahutaw ki khudiala mocan kai mas ki au tayar the shian. Mai don zhe badul`a badul`a haiwan mari am zhe saw kia tayar the shian. Shadi una ow. 5 Magam te talela paron. Kura ta tan c`etai kuro tan dukan una hatya. 6 Ade o tasa te krom karaw bezat kai nashai o paron. 7 S`a kahari hawaw zhe se tan moc huti te nashau zhe tasi te Shahar ajhukau. 8 To se tan nokaran kai amaaw ki au ta tayar ashini magam kas ki khoji aimi te isa laik ne aini. 9 Ajo para phonduna kas pasha o te alaw. 10 To te nokar bian phondai pai kura ki tasi milaw hawan kia shum kia prust saw ek kai al`on zhe se shadi (zheri)as jaiga mocan som puri hawaw. 11 To se mehnu jagaika udreman aw e se tara ek moc apashau kura ki zheri aini peran ne sambi ais. 12 Se tasa kai amaw baya tu zheri aini peran sambi kone a? Magam tasa ashe band hawaw. 13 To se S`a tan mocan kai amaaw ki isa baza zhe khur boni bian tramasungai hista. Tara o troik zhe dandoyak pis`in. 14 Koki khudiala o bo an. 15 Shtara wat una Pharisi mashwara aran ki to ko mondr una s`ata dai. 16 Phato se tan shagetan Hairodian som tasa tada ahutaw te amaan Ay Bandawaw abi jonik dai ki tu sahi zhe prustias thara khodayas phondas sabak dek des zhe kas parwa ne karis dai koki tu kas mocas gehenaw ne as. 17 Homa kai mas. Tu kia jonis dai? Qaiser as paisa deheli e ne? 18 Yasu tasi shaithani jagayo amaw Ay nafadukan mai ko azmaish kara dai? 19 Paisa mai pasha. Te ek dinar tasa tada aonan. 20 Se tasi kai amaaw ea shikil zha nom kas? 21 Te tasa kai aman Qaiser as. Se phato tasi kai amaaw kia ki Qaiser as to Qaiseras zhe kia ki khodayas to khodayas det. 22 Te shehen` sangaio to tara histi paron. 23 Shatara mi adua Saduki kura ki maiman aini ki Qiyamat ne hiu tasa tada ita tasa pi shehen` sual aran ki. 24 Ay bandawaw Musa mai ais ki kura pe azheli ne ali anashaw po to se tasa bayas tasa jas som parik bhaw zhe tan bayas nasal payda karik bhaw. 25 Ajo homa mocai sat baya aini zhe ek ja kaio anashaw zha shehen`as wajen dai ki tasa azheli ne aini tan jas tan bayas hatya ahistaw. 26 Shehen` mi juo zhe troyo sat una zhe. 27 Sawin pistaw o se istrizha asta anashaw. 28 Phato se Qayamat una tasi satin mocaw kas ja hiu? Koki saw to ja kai aini. 29 Yasu jawab una tasi kai amaaw ki abi abatha aa shehen` gho~i ki ne ta khodayas kitab jona dai neo khodayas qudrat. 30 Koki qiyamat una ja karik ne hiu moc D`iuna moc pharishtan raw hin. 31 Magam nashton gheri ustikas barauna kia ki khoday mimi kai mai ais kia abi to ne mai aa ki 32 A Ibrahan e khoday zhe Izhak e khoday zhe Yakup e khoday? Se naston khoday ne zindan khoday. 33 Moc shehen` sangaio tasa sabakas pe hairan hawan . 34 Zhe Pharisi sangaini ki se Sadikian ashe band kai aw to te ek awata jama hawan. 35 Tal`el`a mocaw ek moc tasa azmaish karikas bati tasa pi aphuc`aw. 36 Ay bandawaw Torait aini kurai hokum sawin pe ghona? 37 Se tasa kai amaaw ki tan Khoday som tan pura hardias som zhe tan saw zhanas thara zhe tan pura akalas thara muhabat tha. 38 Awel`o zhe ghona hokum sheami. 39 Zha juo shia ki tan tada apaw diawan som muhabat kara. 40 Shesi du hokuman mi thara Torait una paygumbaran asta mai an. 41 Phato Pharisi jama hawan e to Yasu tasi pe aphucaw . 42 Kia abi Yasu e barauna kia c`ita dai? Se kas putr? Se tasa kai amaan Dawood e. 43 Se tasi kai amaaw Dawood arwaah as gehenaw dai koki khoday tasi kai maw dai ki. 44 Khoday mai khodayas kai maw dai Mai andenaw nesaw. Shatara zhe ki a tai dushman tai khur no~una ne karim? 45 Phato Dawood pe tasa kai khoday gho~i maaw pe dai o se khodayas putr khen~ thi ne hiu? 46 Tasa jawabas ruaw kura ek lafuz asta ne nehek abhaan zhe tasa aduas pistaw o kura tasa kai kia suaal asta ne karik abhaan.