1 Phato te Yaroshelum as s`oi azhalan e zaitoon as dhen~ta una Bait e phigay e tada on e to Yasu du shaget shehen` gho~i ahutaw ki. 2 Tan ruaw gromuna para. Tara zhal`i ek gardok boni hiu zhe tasa som ek gordok guak hiu te khol`aw kai mai tada alaw. 3 Kura pe mimi kai kia aman pe haw to ma ki khodayas te ajat hin dai. Te shatara mi te hutin. 4 Ea shehen` gho~i hawaw kia ki paygumberas gehenaw dai mai ashes se pura thi ki. 5 Saiyoon as c`u as kai mas ki jaga mimi S`a mimi tada iw dai. Se rakum karaw zha gardok thara nesi aw Gardokas azhel`as thara. 6 Phato shagetan tara pai kia ki Yasu tasi kai hokum dai ais shehen` mi aran. 7 Gardok zha tasa kuakas ale tan peran tasi thara pron to se tasa thara nisaw. 8 Bo mocbi asta tan peran neji tasa hatya phonduna bes`gan zha ade o mutaw shong c`ini phond una bes`gan. 9 Mocbi kura ki tasa ruaw ruaw pariman aini zha pistaw pistaw iman aini tol` tol` kai maiman aini Dawood e putras hatya Hoshana. Muburak shase kura ki khodayas nomas thara iw dai. 10 To te Yaroshelum una aton e to saw Shahar aini moc maikas pron ki ea kura? 11 Tasa som atiaw mocbi amaan Ea Galil Nasrat wa~ aini paygumber Yasu. 12 Yasu khodayas dura ati te saw moc nehaw kura ki khodayas dura ishnayari griman zha brekiman aini zhe dukandaran te thaikaini zha kohaw brikawan te saw ishnayari ahistaw. 13 To tasi kai amaw niweshi shiaw ki mai dur sual karikain hiw magam abi to lawalalian jaiga sawza dai. 14 S`e zha khuta khodayas dura tasa tada on se o te prust araw. 15 Magam sardar Kahin zhe Phiki gaderakan tasa namuna krom kia ki se kai ais zhe sudon te tol` kai Dawood e putras hatya Hoshanna maikwew pasha o khafa theo tasa kai maikas pron. 16 Tu sangas dai e ki emi kai man dai? Yasu tasa kai amaw Aan. Kia tu shehen` asta ne mai as e ki sudayakan zhe juwan sudon ashaw tu gho~ pura karawai? 17 To se te histi Shahar aini bian Bait e ania wa~una paraw zha rat asta tara mi apaw praw. 18 Ragesti gheri Shahar hatya pariman ais e tasa anora araw. 19 Phond una ek kawit mut pashi o tara paraw zhe po~an sargairo tara kia ne saprayo tasa kai amaaw gheri tai pe kia mo ubujiw aria to se kawit mut shatara mi asusaw. 20 Shagetan jagayo aman ki shia kawit mut ko ek sahat una asusaw! 21 Yasu jawab una tasi kai amaw a mimi kai sahi mam dai ki Bhawar thai shak pe ne arili pe haw to ne khali shehen` kara kia ki kawit mut e som thi shiaw shisa dhen~tas kai asta pe amaili pe haw ki tu upuc`i zhe samandar una pai s`ati to shehen` mi hiw. 22 Kia asta pe sual karikwew Bhawar as thara agatili pe haw te saw mimi milaw hin. 23 Se khodayas dura ita sabak diman ais e to Kahinaw sardar zha mulk aini akhabiran tasa tada ita amaan tu shemi krom kas maikas thara karis dai? Shama karikas ikhtiar kura tai dai aw? 24 Yasu jawab una tasi kai amaaw a asta mimi pi ek mondr phuc`um dai. Tuo pe mai kai amaili pe haw to asta mimi kai mam ki shemi krom kas maikas thara karim dai. 25 Yuhana baptisma kawel`a ashes? D`i aini e yao Insanan gehenaw. Te ogoegin kai maikas pron ki Abi pi D`ias gehenaw gho~i amaimi peo to se homa kai maaw dhoyo abi to ko ne manial`i. 26 Maik insanas gehenaw dai to abi mocan pi behik dai koki saw Yuhana paygumber jonin dai. 27 Phato te jawab una Yasu a kai amaan abi ne jonik dai. 28 Abi kia c`ita dai? Ek moc`as du putr aini. Se awel ekis tada paio tasa kai amaaw putr pari c`et una pai krom kari. 29 Se jawab una amaw a ne parim magam pistaw o paraw. 30 Phato juos tada pai o shehen`mi amaw. Se jawab praw prust. Magam paraw o ne. 31 Isi duin moc`aw kura dadas marzias thara krom araw? Te aman awelo. Yasu tasi kai amaw a mimi kai sahi mam dai ki Paisa griaw zhe warek moc mimi pe sumber khodayas bacai una atin dai. 32 Koki Yuhana ek ujak phond una kasi mimi tada ita ais zhe abi o to ne maniali zhe abi to jagaio pistaw asta presman ne hawili ki to manieli ashe. 33 Ek warek ac`oik ko~n kara. Ek duras gaderak ais se bo drac` mut abaw zhe tasa nasenaw jhaw praw zhe to koc`i tara ek t`hu c`istaw zhe to krom karawan thaika una dai warek mulkuna paraw. 34 Phato law karikasa wat s`oi aw e se tan moc mewa onika ahutaw. 35 Talela te moc gaderakas huila moc gri tasi po~n kas o nashan kas o batan pron. 36 Phato se ade krom karau bata ahutau te awelaw tasi pi ziad aini zhe te tasi som asta shehen` mi aran. 37 Akher uno se tan putras ahutau ki te mai putr e mondr ko~n Karin. 38 Te to putras pashio egoegin kai aman ki sheami andena gaderak. Andaiaw ama nashai isa jaiga una kabza karik. 39 Te to gri talela bihan nehayo to nashan. 40 Ajo gaderak aw peo tasi som kia kariw? 41 Te tasa kai amaan te moc shum kai nashel zhe bagh as thaika warekin del kura ki mewa tasa den. 42 Yasu tasi kai amaaw kia abi khodayas kitab una kai ne mai e ki Kurai bat ki bat sawzawaw ahistan. Shasemi sunguna jikas bat hawaw. Ea khodayas geheaw dai hawaw. Zhe homa ec`uno bo namuna. 43 Shatal`ko a mimi kai maam dai ki khodayas badshahi mimi pi grin zhe shase mulk kura ki tasa hatya mewa oniw taso to den. 44 Kura tara bat thara shuruaw khonda khonda hiu magam kawa ki se shuruaw pal`um hiw. 45 Phato Sardar Kahin zhe Pharisi tasa te ac`oik sangaio to ajonan ki homa hatya maw dai. 46 Te to grekas koshish una aini magam mocan pi bihiman aini koki te to paygumber joniman aini.