1 Koki D`ias bac`ai shatasa duras raw kura ki ragesti nehi ki tan c`et una krom karaw satel`. 2 Se krom karawan ek dinar dai te kromuna sataw 3 Phato hul`uk uno se bazaruna warek moc micmi c`istikwew apashaw. 4 To se tasi kai amaw abi asta c`etuna hatya para. Kia dek bham mimi dem. Phato te paron. 5 Phato se gheri hul`uk una nehe shehen` mi araw. 6 Gheri kia ek ghanta c`isti warek moc c`istikwew apashaw zh tasi kai amaaw abi ko aya micmi c`isti aa? 7 Se tasi kai amaw shehen` gho~i ki kura homa muzduri una ne satan se tasi kai amaaw abi asta c`et una para. 8 C`ak praw e c`et aini malik tan mocas kai amaw ki te krom karaw aya khundiay zha pistal`aw zha onjaw muzduri tasi de. 9 Te on e kura ki pura adua har ek ghanta krom kai aini tasi ek dinar praw. 10 Awel muzdur ita aini te ac`etan ki tasi ziad paisa milaw hin zhe tasi asta ek mi dinar milaw hawan. 11 Tasi milaw hawan e te duras malikas kai shehen` ghoi shikayat aran ki. 12 Ale pistal`aw moc ek mi ghanta krom kai an ze tut e homa barabar ari kura ki pura adua krom zhe khac`a suri una krom aran. 13 Se jawab dai tasi mocaw egis kai amaaw A tai som nainsaphi ne karim dai. Kia a tai kai ek dinar ghoi ne mai ais e? 14 Kia ki tai shiaw to uprai o pari. Mai marzi ki kimon tai dem dai tasa pistal`aw asta shohon mi dem. 15 Kia a shehen` ne karik bhaam e ki tan maalan som kia c`itim o karim? Yao tu shehen` ghoi ki a ek prust moc shum nezaras thara jages dai? 16 Shehen` me thi akheri awel`o hin zhe awel`o akher. 17 Phato Yaroshelum parkiwea Yasu dash zhe dua shagetan gezi kai anihaw phonduna tasi kai amaaw. 18 Jagaa abi Yaoshelum hatya parik dai zhe Adamas putr Phiki mocan zhe kahin an hawla Karin zhe te to nashaikas hokum den. 19 To warek mocan hawala Karin zhe te to shul`a una l`apen zhe troyo aduo se gheri zinda hiw. 20 Shatara wat una Zabdia putrasi ayas zhe putrasi som tasa ruaw ita to ishtikhan zhe tasa kai kia maikas pron. 21 Se tasi kai amaaw ki tu kia c`it is dai?Se tasa kai amaaw ki tu mas ki mai shemi awdu putr tai badshahi una tai andenaw zhe al`el`aw nesin. 22 Yasu jawab una amaaw ki tu ne jonis dai ki tu kia gatis dai. Kia pil`a una ki a pikas thi am kia tu to pik bhaas e? te tasa kai aman pik bhaik. 23 Se tasi kai amaaw mai piala aini ta pia magam tan andenaw zha alelaw kas nesik mai krom ne magam kas hatya ki mai dada geheaw dai tayar kai shiaw tasi mi hatya hiw. 24 Te dash shehen` sangaio tasi du bayasi pi khapha hawaw. 25 Magam Yasu te tan tada khundiayo amaw abi jona dai ki warek mulkaw gaderak tasi thara hokum zhe amer moc tasi thara gaderaki Karin dai. 26 Mimi hatya o shehen` ne hiw magam kura ki mimi mocaw gaderak hik khojiw o se hiw. 27 Kura ki mimi mocaw awel`o hiw se o mimi gulam hiw. 28 Shatal`ako Adamas putr shehen` gho~i ne itaw ki mocan pi khidmat griu shehen` ghoi ki khidmat kariw tan zhan bo mocan hatya del. 29 Phato te Yarhu aini nehiman aini e bo mocbi tasa pistaw on. 30 To jaga du s`ea phonduna nesi aini shehen` sangaio ki Yasu pariw dai abayo dai amaan Ay khoday Dawood e putr homa thara reham kari. 31 Moc tasi kai kahari hawan ki chup hal`i magam te ade asta abayo dai maikas pron ki Ay khoday Dawood e putr homa thara reham kari. 32 Yasu c`isti te khundiayo amaw ki abi kia khoja dai ki a mimi hatya karim? 33 Te tasa kai aman Ay khoday shehen` ki homa ech umrian aria. 34 Yasu e wal` praw to se tasi ec` ac`utaw zha te ek dam apashan to te asta tasi pistaw paron.