1 S`o bas pistaw o Yasu Patras e zha Yakup e zha tasa bayas Yuhana tan som ek dhen~ta una gezi kai aniaw. 2 To tasi ruaw tasa ru badel hawaw zha tasa ru surias raw upuis zha tasa peran phrel`ikas raw gora hawaw. 3 Jaga Musa zha Alia tasa som mondr diman te apashan. 4 Patras Yasu kai amaaw Ay khoday homa aya apaw dek prust . Tai marzi pe haw a aya tre jaiga sawzem . Ek tai hatya. Ek Musa e hatya zhe ek o Alia hatya. 5 Se shehen` maiman mi ais e ek menj ucundi tasa thara au zha talela menj aini awaz aw ki ea mai sheshoyak putr kas pi ki a khoshan am isa mondr ko~n kara. 6 Shaget shehen` sangaio shuruini zha bo bihon. 7 Yasu s`oi ita te ac`utaw zha amaw ki usta. Behaw o mo. 8 Te tan ec` umran e Yasu sargairo kas ne apashan. 9 Te dhen~ta aini uc`undiman aini e to Isas tasi shehen` hokum praw ki kai zha ki Adamas putr naston mocaw ne ustuw kia ki abi pasha aa kas kai tasa barauna mo ma. 10 Shagetan tasa pi aphucan ki dhoyo Phiki ko man dai ki Alia sumber ik zaroori? 11 Se jawab una amaw Alia asta iu zhe saw kia sahi kariw. 12 Magam a tai kai mam dai ki Alia ta azhalaw zha teo to ne ajonan kia ac`itan to tasa som aran. Shehen` mi Adamas putr e tasi muc`aw gham zuw. 13 Phato shaget ajonan ki se tasi kai Yuhana baptisma diawas barauna mai au. 14 Te phato mocian tada azhalan e ek moc tasa tada au zhe tasa ruaw dhe~ik c`omuna thai o amaaw. 15 Ay khoday mai putra thara reham kari koki ea burtunizhuni hiw dai zhe se bo gham zhuw dai. Koki bo tem se angaria zhe ukai shuruaw dai. 16 A to tai shagetan tada ali ais magam te to prust ne karik abhan. 17 Yasu jawab una amaaw Ay nafaduk nasal a kai zhe mimi som apaw dem? Kai zhe mimi bardasht karim? To aya mai tada ali. 18 Yasu to shum arwah tasa pi nehaw zha se suda shatara mi prust hawaw. 19 Phato shagetan Yasu ae tada ito tasa kai aman abima ko ne nehek abhaimi? 20 Se tasi kai amaw Bhawar as kam hikas wajen dai koki a mimi kai sahi maam dai ki mimi mocuna pe phalikas barabar Bhawar asta pe hawaw poe haw shesa dhe~ntas kai maik bhas ki andena shatra pari zha se pariw kia mondr asta shehen` ne hiw ki abi ko karik ne bhaa. 21 Magam ea shat sualas sargairo warek khen thi ne hiw. 22 Phato te Galil una aini e Yasu tasi kai amaw Adamas putr mocan mocai hiw. 23 Te o to nashen zhe se troyo aduo ghrei zinda hiw. Shesa mondras thara te bo gamzhuni hawan. 24 Phato te Kufur-e-nahum una paisa griaw Patras e tada ita tasa kai aman kia mimi bandawaw paisa ne del dai e? 25 Se amaw Aan del dai zha se dura aw e to Yasu tasa maikas sumber mi amaw Ay Shamoon tu kia c`itis dai? Dunias s`a kas pi Paisa grin dai? Tan putran pi e waregin pi? 26 Se waregin pi gho~i amaw e to Yasu tasa kai amaaw ki ajo putr lasan paraw. 27 Magam abi pe tasi hatya shuriawew pe hawimi pe haw to uk tada pai jal hista kurai masi ki sumber nehiw te gria to tu pe tasa ashi umrai pe haw to ek ishnayari pashes. To grio mai zha tan bati tasi de.